रेडियो र टिभीमा एसईईको ग्रेड वृद्धि कक्षा सञ्चालन

शिक्षा तथा मानव स्रोत विकास केन्द्रले माध्यमिक शिक्षा परीक्षा (एसईई)को ग्रेड वृद्धि परीक्षाको तयारी कक्षा रेडियो र टिभीमा समेत सञ्चालन गर्ने भएको छ ।

मंगलवार एक सूचना जारी गर्दै केन्द्रले ग्रेड वृद्धि परीक्षामा सहभागी हुने विद्यार्थीका लागि अतिरिक्त कक्षा सञ्चालन हुने जनाएको हो । यससँगै २३ साउनदेखि हुने ग्रेड वृद्धि परीक्षाका लागि विद्यार्थीले नेपाल टेलिभिजन र रेडियो नेपालमार्फत तयारी गर्न सक्नेछन् । 

यो तयारी कक्षा ग्रेड वृद्धि परीक्षा सुरु हुने अघिल्लो दिनसम्म चल्ने छ ।  यसअन्तर्गत अङ्ग्रेजी, गणित, विज्ञान र सामाजिक विषयकाे तयारी कक्षा सञ्चालन हुनेछन् । जसमा नेपाल टेलिभिजनमा साँझ र बिहान पढाइ हुन्छ भने रेडियो नेपालमा साँझ मात्र पढाइ हुन्छ । 

त्यस्तै विद्यार्थीले केन्द्रको ‘एनसीईडी भर्चुअल’ युट्युब च्यानलमा रहेका सामग्रीहरूको समेत प्रयोग गर्न सक्नेछन् ।  केन्द्रले पढाउने समय तरिका तल दिइएको छ ।

नेपाल टेलिभिजन					रेडियो नेपाल
बिहान			साँझ		साँझ
६:००		अङ्ग्रेजी	४:३०	सामाजिक	५:१५	गणित
६:४०		गणित	५:१०	विज्ञान	५:३०	सामाजिक
७:२०		विज्ञान	५:५०	गणित	८:२५	विज्ञान
७:५५		सामाजिक	६:२५	अङ्ग्रेजी	८:४०	अङ्ग्रेजी