भोटेकोशी गाउँपालिकामा निर्माणाधीन इलेक्ट्रो हाइड्रोपावरको ढलान भत्किँदा दुई जना बेपत्ता, १० जनाको भने उद्धार

सिन्धुपाल्चोकको भोटेकोशी गाउँपालिकामा निर्माणाधीन इलेक्ट्रो हाइड्रोपावरको ढलान भत्किँदा दुई जना बेपत्ता भएका छन् । शुक्रबार दिउँसो हाइड्रोपावरको ढलान भत्किँदा फसेका १० जनाको भने उद्धार भएको  जिल्ला प्रहरी कार्यालयका सूचना अधिकारी निरन्जन भट्टराईले जानकारी दिए । उनका अनुसार उद्धार गरिएका घाइतेहरूको बाह्रबिसे स्वास्थ्य केन्द्रमा उपचार भइरहेको छ । केहीलाई काभ्रेको धुलिखेल अस्पतालमा रिफर गरिएको उनले बताए । 

बेपत्ताहरूको खोजी भइरहेको पनि उनले जानकारी दिए ।  ४० मेगावाट क्षमताको उक्त जलविद्युत आयोजना निर्माणाधीन रहेको छ ।