पेच फुस्किएका कुर्सीमा प्रचण्ड टाँस्सिइरहे थप दुर्घटनाको सामना गर्नुपर्ने
![](https://snowberry.prixacdn.net/media/gallery_folder/pm_VpUISAYDrZ_ddvqk8m081fvuixxcyhuraqid4gxclgc26kkxa5nqwr95nvwmjw3ewa6h6x6_cZ75nGomHe_pex7t5dp3pbpxjwanprp6v1s2dpvgkm2pseqqvbjjkk4aqigcf5pguv8nvr5.jpg)
देशका दुई प्रमुख ठूला शक्ति नेकपा एमाले र नेपाली कांग्रेसले सत्ता सहकार्य गर्ने सहमति गरेका छन् । ती दुवै दलले प्रधानमन्त्री पुष्पकमल दाहाल प्रचण्डलाई मार्ग प्रशस्त गर्न आग्रह गरिसकेका छन् । सत्ता गठबन्धनको सबैभन्दा ठूलो दल एमालेले आफ्ना मन्त्रीलाई फिर्ता बोलाउँदै समर्थन पनि फिर्ता गरिसकेको छ । यी दुई दल एक ठाउँमा उभिइसकेपछि अब कसै गरी पनि प्रचण्डले संसदमा बहुमत पुर्याउने ठाउँ र सम्भावना छैन । तैपनि प्रचण्ड धारा ७६ को उपधारा ३ को पासा फ्याँकेर कांग्रेस सभापति शेरबहादुर देउवा परी पो हाल्छन् कि भनेर दाउ हेर्दै छन् ।
नेपाली राजनीतिमा अस्थिरता र धोकाधडीको अर्को नाम हो प्रचण्ड । राजनीतिको केन्द्रमा आफूलाई राखिरहन माओवादी अध्यक्ष प्रचण्डले अहिलेसम्म अपनाउँदै आएको एउटै सूत्र हो, गोलमाल सिर्जना गरी गोल गर्ने । आफै समस्या सृजना गरी आफै संकटमोचकजस्तो भएर सहानुभूति बटुल्नु उनको खास चरित्र हो ।
२०४७ सालको संविधानविरूद्ध हतियार उठाएको माओवादीले भूमिगत सशस्त्र आन्दोलनका नाममा करिब १७ हजारको नेपाली नागरिकलाई अनाहकमा मृत्युको मुखमा पुर्यायो । २०६३ मा आएर शान्ति प्रक्रियाका नाममा उनले निगाहमा नेपाली जनतालाई शान्ति ल्याइदिएजस्तो गरे । आफै विवाद गर्ने र संकट निम्त्याउने अनि आफै संकटमोचक भएर ताली बजाउन लगाउने अनौठो खेल खेल्न जानेका छन् उनले । तर प्रचण्डले हिजो जनताका छोराछोरीलाई जेजस्ता नारा भट्याउन लगाए पनि उनको आखिरी लक्ष्य आफ्नै सन्तान र पारिवारिक सञ्जालको उन्नति नै रहेको भन्नेमा अब कुनै नेपालीमा पनि दुविधा बाँकी छैन । यदि उनीसँग सन्तानभन्दा परको केही सोच छ भने शारदाप्रसाद अधिकारीदेखि अजेयराज सुमार्गी र ल्हारक्यार लामाजस्ता विवादास्पद पात्रहरुको घेरा मात्र छ ।
त्यसैले यसपालि एमालेले अनायासै काँध छाडेर भुईँमा बजारिन पुगेका प्रचण्डप्रति कहीँ कतै पनि सहानुभूति देखिँदैन । न नागरिकस्तरमा न त राजनीतिक वृत्तमा । उनले खडा गरेका कथित विश्लेषकहरुले समेत एक शब्द प्रचण्डका लागि खर्च गर्न सकिरहेका छैनन् । आफूले पालैपालो दिएको धोकाको एकमुष्ट जवाफ उनले पाएको भनेर बरु सबैतिर मानिसहरु खुच्चिङ गरिरहेका छन् । उनका जनयुद्धकालीन लडाका जनार्दन शर्मासमेत काखी बजाउँदै हिँडेका छन् ।
आफू अल्पमतमा परिसकेपछि सामान्यतः राजनीतिक नैतिकता प्रदर्शन गर्दै सभ्य राजनीतिमा राजीनामा दिइन्छ । तर प्रचण्डको राजनीतिमा नैतिकता भन्ने कहाँ हुन्छ र ? त्यसैले त माओवादीका पदाधिकारीलाई भेला पारेर भन्न लगाउँदै छन् कि ३० दिन त संविधानले नै सत्तामा बस्ने सुविधा दिएको छ । अल्पमतको प्रधानमन्त्री एक दिन पनि पदमा बस्न पाउँदैन भनेर राजनीतिक नैतिकताको पाठ अब प्रचण्डलाई कसले पढाइदिने ?
बरू यसपालि एमालेले उनका प्रति निकै सदाशय दर्शाएर नैतिकता सम्झाउँदै राजीनामाका लागि २४ घण्टाको समय दियो । २४ घण्टा पर्खियो पनि । तर प्रचण्डले पद छाडेनन् ।
अब उनले के बुझ्नुपर्छ भने जति समय त्यस पदमा लिसोजसरी टाँसिइरहन्छन्, उति नै उनका लागि परिस्थिति प्रत्युत्पादक बन्दै जान्छ । उनले यो पनि बुझ्नुपर्छ कि प्रचण्डको राजनीति निकै कमजोर धरातलमा छ । काण्डैकाण्डको जगमा उभिएको छ । मुद्दैमुद्दाको खातमा पुरिएको छ । जताबाट जुन त्यान्द्रो तान्दा पनि प्रचण्डकै जुँघा उखेलिने सम्भावना बढ्दै गएको छ ।
अदालतमा अग्नि सापकोटाको मुद्दा फैसला गर्न ठिक्क पारिएको छ । अख्तियारबाट केही मुद्दाका फाइल अघि बढाउन तम्तयार राखिएको छ । सम्पत्ति शुद्धीकरण विभागमा आफ्ना पार्टीनिकट कर्मचारी लैजाँदैमा सधैँका लागि सुरक्षित भइँदैन । सीआईबीमा श्याम ज्ञवाली लैजाँदैमा उनले आफ्नो व्यावसायिकतामा सम्झौता गर्छन् भन्ने नठाने हुन्छ । संक्रमणकालीन न्यायमा गरिएको छलछाम अन्तर्राष्ट्रियकरण हुँदै छ ।
प्रचण्ड अब सत्ता छाड्न जति विलम्ब गर्दै जान्छन्, उनका एकपछि अर्को काण्ड बाहिरिँदै जानेछन् । ओलीले चाहेमा उनका लागि भोलि यस्तो अवस्था पनि आउन सक्छ कि तावाबाट उम्केर भुङ्ग्रोमा पर्नुपर्नेछ । त्यसकारण अब समय छँदै उनले सुरक्षित अवतरणको बाटो रोज्नुपर्छ । पेच खुस्किएको कुर्सीमा बसेर खेलखण्ड गर्नतिर लागे आफै भुंग्रोमा पर्न बेर लाग्ने छैन ।
यदि यतिखेर कसैले उनलाई पद छाड्नुहुन्न भनेर उकासिरहेको छ भने त्यो सबैभन्दा ठूलो शत्रु ठाने हुन्छ । किनभने बचेखुचेको साख पनि माटोमा मिलाउने र आफ्नै लागि प्रतिकूल अवस्था बनाउँदै जाने रणनीतिका सूत्रधार शकुनि मात्र हुन सक्दछन् । त्यस्ता शकुनिबाट जोगिएर उनले धृतराष्ट्र र दुर्योधनवृत्ति त्याग्नुपर्छ । स्वविवेकले निर्णय लिन सक्ने गरी एकान्तमा गएर एकपटक आफू कुन धरातलमा छु भनेर सोच्नुपर्छ।
![स्याङ्जामा पहिरामा पुरिएर तीनजनाको मृत्यु, पाँचजना घाइते](https://snowberry.prixacdn.net/media/gallery_folder/viber_image_2024-07-04_17-21-41-568_VEtFko25bj_g8efe4lzontovk93tzmd1ubanv3emjwhggbcqqqx61ogsu8ia2dxw7oeapoa_0NR07PWS48_ebnvzqzb2ofehexpw99fxyph2wwquf82raclzyjzdkywgz8wacbyc50zgoso.jpg)
स्याङ्जामा पहिरामा पुरिएर तीनजनाको मृत्यु, पाँचजना घाइते
![प्रधानमन्त्री दाहाल नेपाली कांग्रेसका नेता शेखर कोइरालासँग भेटवार्ता](https://snowberry.prixacdn.net/media/gallery_folder/prachanda-shekhar_gK0KxG78Qw_YqTWQLDDuC_hln5qrnmcdtxmhbgvncbqcm2o684jm6qoqd8lsy9otbp1n2hp8rblnviqcqi_Hwegh1DVK5_dqjg84viw5ozkgo3iq0xjaizm5grhkrxardrbr16v6qvxbbw91qciibw3xno.webp)
प्रधानमन्त्री दाहाल नेपाली कांग्रेसका नेता शेखर कोइरालासँग भेटवार्ता
![भारतको बिहारमा चट्याङ लागेर १९ जनाको मृत्यु](https://snowberry.prixacdn.net/media/gallery_folder/viber_image_2024-07-04_14-14-32-397_hxafjY3zjB_dwpyzrojfonyjnxzvdwfsbzfpsfdujvf4xlgh4psrt2oogbh2xyu6yczjthq_s8Bi3bANay_wpbtd3ujs7898dnunuxu82jmbpkthcstmjuu9ap4gb6sn4zktislucfivr31.jpg)
भारतको बिहारमा चट्याङ लागेर १९ जनाको मृत्यु
![बहुजन समाज पार्टीका नेता आर्मस्ट्रङको हत्या आरोपमा आठ जना पक्राउ](https://snowberry.prixacdn.net/media/gallery_folder/Screenshot%25202024-07-06%2520195606_CmVkgQgs05_o3zbgcrdqgaadtotpzgvzsrh5ef0xha17ckfmg1xydjfxif0aqbeox2oenps_stqW2mf7hV_4qdz4a12eqjzlq59rpjszy4l3jjh3yaeqeccuxjgw1nq0mi4dz0mb5z5eu0u.png)
बहुजन समाज पार्टीका नेता आर्मस्ट्रङको हत्या आरोपमा आठ जना पक्राउ
![काठमाडौँमा ‘के-पप वर्ल्ड फेस्टिभल’ सम्पन्न](https://snowberry.prixacdn.net/media/gallery_folder/K%2520POP%2520Festival%2520Nepal%25202_qHWEQ5LB9j_d3enqcoc6zvhoaklmuogbsa3u0w46a4vtaaz8us6bijcb57vrsxnraymibgj_Qh2i7lKJeq_ptnccdhqrcgnl4xvi9cegayu5wm4auzqbtkouwx60uq5xxsz59qlqljnmkqh.jpg)
काठमाडौँमा ‘के-पप वर्ल्ड फेस्टिभल’ सम्पन्न
![रास्वपाले आइतबारका लागि बोलाएको संसदीय दलको बैठक स्थगित](https://snowberry.prixacdn.net/media/gallery_folder/rasopa-file-1706769664_AbyNmrEm67_rdrstshpnpa4mexabdk54fnh7jxjq00khcqojgexw0flqko8ozczyyekg7xn_h3FRQwea2O_vcsk41cu33wk2e4jpi3qnppgatpjsd3zg0rof709benl0imiama9o3mcgrng.jpg)
रास्वपाले आइतबारका लागि बोलाएको संसदीय दलको बैठक स्थगित
![एशिया कप खेल्ने महिला क्रिकेट टिमको बिदाई](https://snowberry.prixacdn.net/media/gallery_folder/newskarkahna-news724340_yEQaQlxzEL_fmgdcndp2qr09gihrgmcnvbu7btkzwkg4prlfzvvfkufz423cetecqlyicgx_unEzTfoJHk_nhbqwpgosabwupdgfjbdtmpljz7xkgjmnnaxpkgkewqdzf4nziae5hzahab2.jpeg)
एशिया कप खेल्ने महिला क्रिकेट टिमको बिदाई
![तनहुँमा पहिरामा परी तीन बेपत्ता](https://snowberry.prixacdn.net/media/gallery_folder/pahiro-stimnews_oK9NNup691_vae5fhiunghf36lnzbztixuvi4kfrvp4wwxtc5e9axayxgph8teaaoxjttcn_dNxC2z3x4E_w4gctbd7amiolypomjyjewzivncoa56uhijd214lr91zbsukuh6miq6zx0ag.jpg)
प्रतिक्रिया