ढिलोसम्म सुतेर भारतविरुद्धको खेल गुमाएका बङ्गलादेशी बलर तस्किन अहमदले मागे माफी
![](https://snowberry.prixacdn.net/media/gallery_folder/b697995bf26ffc3508fa5a3a2f3c29f3_rYT2cMXxF8_qf9wjd8xps135k7leqlxthaqqlrovvwn42c233hlkqcgmwahjyy7sw2fysuf_3xoDks8wWA_s3agetot71y5kdkt1jfhoaxfzdckuqmlcrfxtsltjresi5lwq7v74qbjh2rd.webp)
बङ्गलादेशी क्रिकेट टोलीका प्रभावशाली बलर तस्किन अहमदले हालै सम्पन्न टी–२० विश्वकपका क्रममा आफूबाट भएको एउटा गम्भीर गल्तीका लागि सार्वजनिक रूपमा माफी मागेका छन् । उनी टी–२० विश्वकपमा बङ्गलादेशी टोलीका उप–कप्तान पनि थिए ।
खासमा जुन २२ तारिखमा भारत र बंगलादेशबिच ‘सुपर–८’ चरणको खेल खेल्ने कार्यक्रम थियो । खेलका लागि बङ्गलादेशी टोलीका सबै सदस्य एन्टिगुआस्थित सर भिभियन रिचर्डस स्टेडियम पुगिसकेका थिए ।तर, टोलीका तीव्र गतिका बलर तस्किन अहमद भने मैदानमा उपस्थित थिएनन् । होटलबाट खेलाडीसहितको बस स्टेडियमतर्फ प्रस्थान गर्नुअघि पनि प्रशिक्षकसहित अन्य खेलाडीले पटक–पटक तस्किन अहमदलाई फोन गरेका थिए । तर, उनले फोन पनि उठाएका थिएनन् ।
उनी सम्पर्कमा नआएपछि अन्ततः टोलीका प्रमुख प्रशिक्षक चन्डिका हथुरुसिंघाले तस्किन अहमदलाई भारतविरुद्धको महत्त्वपूर्ण खेलमा नखेलाउने निर्णय लिए । प्रशिक्षकले तस्किन अहमदको नाम हटाएर खेलाडीको सूचि पेस गरे ।खेलका क्रममा आफ्ना प्रभावशाली खेलाडीलाई नदेखेपछि बङ्गलादेशका समर्थकहरू समेत असन्तुष्ट बनेका थिए । त्यसपछि खेल सुरु हुनुभन्दा अगाडि तस्किन अहमद स्टेडियम पुगेका थिए । तर, उनलाई प्रशिक्षकले भारतविरुद्ध मैदानमा उतारेनन् ।
त्यो खेलमा बङ्गलादेश ५० रनले पराजित भएको थियो । बङ्गलादेशी टोली ‘सुपर–८’ चरणबाटै बाहिरिएको थियो । त्यो घटनापछि प्रमुख प्रशिक्षक र तस्किन अहमदबिच मतभेद बढेको अनुमान गरिएको थियो । यद्यपि, अफगानिस्तानविरुद्धको खेलमा भने प्रशिक्षकले उनलाई खेलाएका थिए ।
यो सबै विवरण प्रमुख प्रशिक्षकले बङ्गलादेशी क्रिकेट बोर्डलाई पनि उपलब्ध गराएका थिए । महत्त्वपूर्ण खेलमा अनुपस्थित भएको भन्दै उनको आलोचना पनि सुरु भएको थियो । सोही घटनालाई लिएर अहिले तस्किन अहमदले क्रिकेट बोर्ड, प्रशिक्षक र समर्थकसँग माफी मागेका हुन् ।
बङ्गलादेश क्रिकेट बोर्डका एक उच्च अधिकारीका अनुसार, राती ढिलो सुतेको र बिहान निकै ढिलो उठेकाले उनले होटेलबाट स्टेडियम जाने बस छुटाएका थिए । तस्किन अहमदले पनि यस्तै बयान बोर्डमा दिएका छन् । तस्किन अहमद उपस्थित नभएपछि बङ्गलादेशले भारतविरुद्धको खेलमा केवल दुई जना तीव्र गतिका बलरलाई मैदानमा ओरालेको थियो ।
![ब्यु डायमन्ड सोसाइटीकी अध्यक्ष पिंकीको नगद उठाउने काइदा, शेयरमा लगानी गरेको कम्पनी नै गायब](https://snowberry.prixacdn.net/media/gallery_folder/Pinky_Gurung_vMrbXPpRBv_sxjkgfs0ug5aztneni2ukuwdojobkmqudfod0lolurkwphnibv6pcsay34in_jIYy0mv2OO_6jb0qguazsbrsn3hcjtbrl8xvjpcc1y65k7hgedkcjsvkpgsxkutipzxcw6d.jpg)
ब्यु डायमन्ड सोसाइटीकी अध्यक्ष पिंकीको नगद उठाउने काइदा, शेयरमा लगानी गरेको …
![मुख्यमन्त्री तथा मन्त्रिपरिषद्को कार्यालयको वेबसाइट ह्याक](https://snowberry.prixacdn.net/media/gallery_folder/1720187898_1607997322_sudurpaschim%2520prades-1200x560-1200x560_rOW9Gq5tXh_trtg8zhhm7fp66udbgnbtbknhccglwfwmtjvngbgv1p46jrjdk3mmqzorbkw_CiTEoNsoIX_eqahv6cguttmbs9hbuh2fqdnvousmuzm6o39lt6xzot38rxaxfwifruvfnxu.jpg)
मुख्यमन्त्री तथा मन्त्रिपरिषद्को कार्यालयको वेबसाइट ह्याक
![वर्णन मिडिया र्विफिङ : आज दिनभरका खबरहरु](https://snowberry.prixacdn.net/media/gallery_folder/barnan%2520briefing_FZJWfLiY07_yicdge7xyokouy9ug0npxjdcfuagjtrfzzcogkxrj48lwlydlu05cr93nm8p_g8gTRCtBMg_y3cvidtf8ivk2t9audgua9vknjm2mzqtfkkl5jl61tcvzc72z0ce6klvdueq.png)
वर्णन मिडिया र्विफिङ : आज दिनभरका खबरहरु
![मुगु कर्णालीको बिजुली फुकोट सबस्टेसनमा जोडिने](https://snowberry.prixacdn.net/media/gallery_folder/duhabi-sabstation_1k3K43q3aq_CwdLnAgDG9_otq0cnuisrx5zgcw87hcgg1jsaydl2kabba6xmesvx8spvmqug2c5ydv6arb_2FVWMcql53_dhdiveh1zd50sdcwqogit1wjzjx3ec2dcnn8t18evo4lcl0it5z9pnrvhfdz.jpg)
मुगु कर्णालीको बिजुली फुकोट सबस्टेसनमा जोडिने
![अमेजनका अध्यक्ष जेफ बेजोसले ५ अर्ब अमेरिकी डलरको शेयर बेच्ने](https://snowberry.prixacdn.net/media/gallery_folder/5jp369v8_jeff-bezos_625x300_03_July_24_gKrpFXTkmu_mdcg2pv8h42utm1y184vbihyog1sxhnthkb3rwi3ciic2bulln52xczzwsbl_cLrrOZIuVG_cmqnahgi3qddydj9b7niv5uqdm545papeqjar0cjle8dylj7s2xldzlaejzx.webp)
अमेजनका अध्यक्ष जेफ बेजोसले ५ अर्ब अमेरिकी डलरको शेयर बेच्ने
![कर्णाली प्रदेश सरकारको बजेट सर्वसम्मतले पारित](https://snowberry.prixacdn.net/media/gallery_folder/karnalipradeshsabha-nanda-guru2024-07-05-07-07-32_gR6jZ1hJNV_dtlfvtajba1conjflkdtjio9z39i2zdxsxk6ezn8ftjnpvueca3nlvlxe5cg_Sy3gdVBVeR_n1qguzzdexf9cfntb4sz2fvmjsjk2xlpvwffvzvegnrlbmelkrxsvmitcikv.jpeg)
कर्णाली प्रदेश सरकारको बजेट सर्वसम्मतले पारित
![हामी प्रधानमन्त्रीलाई विश्वासको मत दिन्छौँ,प्रचण्डले विश्वासको मत नपाए प्रतिपक्षमा बस्छाैं : झलनाथ खनाल](https://snowberry.prixacdn.net/media/gallery_folder/1589613344_fTCdAmciSz_bpsac91keincxyf69lwqkcvhatx02ai1agz3snivcr8ubcvh6yi4kus0fua9_Gp1zHMhDtx_as5cxughjfcfcmfrmm3zqkksibnd1efb82hjk0izpq60w1ze5nfxm0fkmecl.jpeg)
हामी प्रधानमन्त्रीलाई विश्वासको मत दिन्छौँ,प्रचण्डले विश्वासको मत नपाए प्रतिपक्षमा…
![हुम्लामा तीन दिनदेखि हवाई सेवा अवरुद्ध](https://snowberry.prixacdn.net/media/gallery_folder/casnoi_29pMYdBzgD_xepb4arbzsp5tsg3gtbiurz7qnc8c1ca95xtktzvckyxkm02eveyyrrlsiwt_VyAmfk1mBx_z6f9j1ikqm5vi1qw7ikanes7nxptckgk0psu0ij06siyzklpgvcjaeb4grlu.jpeg)
प्रतिक्रिया