सर्वाेच्चमा दश प्रतिशत मुद्दा फैसला
![](https://snowberry.prixacdn.net/media/gallery_folder/court_supreme1638432729_vCQOYB8TYv1695646001_xbg9jkFbR6_havvsywukuyx1rnlwzbfoayx1p8zj2zr4ucl6b1sep5wymxbpohkaiuljbar_8WmesFlMWh_yhkxfvseejt4v2rvrhxziux3fhrvxkvxjatu0xqfc5sjvcpmshvftxcvfyxb.jpg)
काठमाण्डौ, : सर्वाेच्च अदालतमा मंगलबार पेशीमा तोकिएका मुद्दामध्ये दश प्रतिशत मुद्दाको फैसला भएको छ ।
बुधबार साप्ताहि पेशी सूचि र दैनिक पुरक सूचिमार्फत पेशीमा चढेका ४ सय १ मुद्दामध्ये जम्मा ३७ वटा मुद्दा फैसला भएका छन् । यो संख्या दश प्रतिशतभन्दा कमै हुन्छ ।
मंगलबार न्यायाधीशद्धय नहकुल सुवेदी र विनोद शर्माको इजलासले रिट निवेदनको सुनुवाई गरेका थिए भने उनीहरुको इजलासबाट बन्दीप्रत्यक्षीकरण, राजस्व चुहावट लगायतका मुद्दा पेशीमा चढी सुनुवाई भएको छ ।
न्यायाधीशद्धय कुमार चुडाल र टेक प्रसाद ढुंगानाको इजलासबाट पांचबर्ष नाघेका रिट निवेदनहरुको सुनुवाई गरेको छ भने न्यायाधीशद्धय मनोज कुमार शर्मा र महेश शर्मा पौडेलको इजलासले पांचबर्षअघिका कर्तव्यज्यान, जबर्जस्ती करणीको मुद्दाको फैसला गरेको छ । हामीले नियुमित रुपमा सर्वाेच्चको कामको प्रगति समीक्षा गर्ने क्रममा अभियानका मुद्दा पेश भएका दिन प्रगति न्यून अवस्थामा रहेको फेला पारेका छौं ।
न्यायाधीशद्धय हरिप्रसाद फुयाल र सुनिल कुमार पोखरेलको इजलासले समेत अभियान फांटका नापी खिचोला, जग्गा हालसाविक लगायतका जग्गा सम्बन्धी पांचबर्ष नाघेका मुद्दाको सुनुवाई गरेको छ । न्यायाधीशद्धय कुमार रेग्मी र तिलप्रसाद श्रेष्ठको इजलासले समेत देवानी प्रकृतिका पांचबर्ष नाघेका मुद्दाको सुनुवाई गरेको छ भने न्यायाधीशद्धय प्रकाश कुमार ढुंगाना र बालकृष्ण ढकालको इजलासले रिट निवेदनहरुको सुनुवाई गरेको छ ।
न्यायाधीशद्धय सपना प्रधान मल्ल र सारंगा सुवेदीको इजलासले रवि लामिछानेलाई सहकारी ठगि मुद्दामा पदीय कामकाज गर्न रोक्नुपर्ने कि नपर्ने भन्ने विषयमा सुनुवाई गरेको छ, उक्त मुद्दा हेर्दाहेर्दैमा राखिएको छ ।
सर्वाेच्च अदालतले पांचबर्ष नाघेका मुद्दालाई फैसलाको अभियानकै रुपमा अघि बढाएको छ ।
यो साता सर्वाेच्च अदालतमा आठ बर्ष अघि दर्ता भएका अभियानका मुद्दाहरु अन्तिम सुनुवाईको लागि पेशीमा चढाइएका छन् । २०७२ सालदेखि २०७५ सालसम्ममा दर्ता भएका अभियान शाखाका मुद्दाहरुलाई यो साता फैसलाको अभियान अन्तर्गत राखिएको छ ।
सर्वाेच्च अदालतले पुराना मुद्दालाई प्राथमिकता दिनेगरी अभियान फांटमार्फत फैसलाको अभियानको रुपमा मुद्दाहरु अगाडि बढाइरहेको छ । न्यायपरिषद्ले धेरै मुद्दामा फैसला गर्ने न्यायाधीशलाई सम्मान गर्ने भएकोले असार महिनामा आइपुग्दा न्यायाधीशमा समेत मुद्दाको फैसलामा होड चल्ने गरेको पाइन्छ ।
सर्वाेच्च अदालतमा हरेक साता पांच सातसय अभियान फांटका मुद्दा चढ्ने गरेको भएतापनि प्रतफिल भने आसाध्यै न्यून रहेको, अभियान फांटका मुद्दाहरु अघि बढ्न नसकेको, फच्र्छाैट दर आसाध्यौ न्यून रहेको पाइएको छ ।
खासगरी अभियान फांटका मुद्दामा लिखतबदर, जालसाजी, खिचोला, मोहीका विवाद लगायतका मुद्दाहरु एकसंग अर्काे जोल्ठिएर आउने गरेकोले एउटा मुद्दाको फाइल खोल्दै सकभर दिन जाने अवस्था छ ।
सर्वाेच्च अदालतमा न्यायाधीशका चार पद खाली हुंदा मुद्दाको सुनुवाई प्रभावित भएतापनि न्यायिक नेतृत्वले न्यायाधीश नियुक्ति गर्न चासो दिएको छैन । न्यायपरिषद् ऐन, २०७३ को दफा ४ ले सर्वाेच्चको न्यायाधीश पद खाली हुने एकमहिनाअघि नै सिफारिस गर्नुपर्ने भएतापनि त्यसको पालना हुन सकेको छैन ।
प्रधानन्यायाधीशले अवकाशपूर्वको बिदा लिन अब साठी दिन बांकी रहंदासम्म नियुक्तिको सुरसार नहुनु आश्चर्यजनक विषय बनेको छ ।
![राजीनामा बुझाउन गएका मन्त्रीहरूलाई लुम्बिनीका मुख्यमन्त्री महराले बिदाइ भोज खुवाइदिए](https://snowberry.prixacdn.net/media/gallery_folder/jokhbahadur-1712460420_VTFnxoqf8F_a97xzmjtknrjv03zzgmhjalih0arnly8djxqouu6evp7rkwknqujqr9mwknq_e98lNmtj2f_7qhxwnbljz0o9ufnhivd9yldntwgw4x8kc9er34g1pskx21nkkv1diuyxqww.jpg)
राजीनामा बुझाउन गएका मन्त्रीहरूलाई लुम्बिनीका मुख्यमन्त्री महराले बिदाइ भोज खु…
![बाइडेनमाथि राष्ट्रपतिको उम्मेदवारी छोड्न दबाब](https://snowberry.prixacdn.net/media/gallery_folder/joe-biden-rejects-growing-pressure-to-abandon-his-campaign-vows-to-stay-to-the-end_aq7ar12fTK_dba4bsfiwfupalyrl7iygtopoenwkht7ffbfnlqtlqve9py547jxtpyxpw9b_GmPCrNAOy2_nvly5au4amrzbfojqlvjfgae1qmkwt6mvnqj8g17ztjudeupsgmnpxiuadyz.webp)
बाइडेनमाथि राष्ट्रपतिको उम्मेदवारी छोड्न दबाब
![शिक्षामन्त्री श्रेष्ठमाथिकाे दोहोरो नागरिकता प्रकरणमा अनुसन्धान सुरू](https://snowberry.prixacdn.net/media/gallery_folder/sumana_shrestha-1709776447_2ZxH9ThRd6_lwtaivojfyijvc6nvu9cacbukdj5cgukzy7iorqylmjc1rwmizswggnqgqpw_Xtln6yqDiM_nwdwflycoo25nuaxb8kecbcww0mqtsopa70fetxjvyftaynywjxrv5k708nw.jpg)
शिक्षामन्त्री श्रेष्ठमाथिकाे दोहोरो नागरिकता प्रकरणमा अनुसन्धान सुरू
![सुनसरीमा आँप उत्पादन घट्यो](https://snowberry.prixacdn.net/media/gallery_folder/mangoo_nRqLaMKIhM_eo2wckxekfmsv6edmokekhclwjz81woza7heqekqn4xq94s60cd1rmubnmv1_Fw9RYF4mh8_wfmegnkqj2rzdwm5jxr6nr538nf17mrken6gdmggqnbsmjol0rpsljexso2u.jpg)
सुनसरीमा आँप उत्पादन घट्यो
![जिल्ला प्रहरी कार्यालय खोटाङका बाढी र पहिरोको उच्च जोखिममा](https://snowberry.prixacdn.net/media/gallery_folder/pahiro-baitadi_0_L3CSZlCBRp_nmaynfnpayzzqzlclhweavyvpdgfxsrsjc05psyza9jeds3zw3h5ssvf11tf_qULe7aT1FL_uoldgsk23fmhj8kx71moastofkgca0qbzsizomp7g5m8aomu5grb0jl7wwcv.jpg)
जिल्ला प्रहरी कार्यालय खोटाङका बाढी र पहिरोको उच्च जोखिममा
![सर्पले गर्मी महसुस गर्न थालेपछि आफैँलाई खान्छ](https://snowberry.prixacdn.net/media/gallery_folder/a9dec295-b5ac-4fd7-8cc6-96833d2674c8_5OPS7bJ4ic_xykv38w5fnmvyunondatehl3mz0nrg4kbss43c1tzaayq2ombfgvlabf3srn_zROwRawWSs_lqbtmhh3brfdxf1fz8f7dn6a3kgm2hfgl2unbmvsaqicismofbufbsfcucr2.jpeg)
सर्पले गर्मी महसुस गर्न थालेपछि आफैँलाई खान्छ
![कुटपिटबाट एकको मृत्यु, तीनजना घाइते](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
कुटपिटबाट एकको मृत्यु, तीनजना घाइते
![जीवन बचाउने थलो बन्दै चारआली स्थित सर्पदंश उपचार केन्द्र](https://snowberry.prixacdn.net/media/gallery_folder/FB_IMG_1720151659446_KxV2AWq0qo_zlva5vuxdpboiyu9d1pn48ujj6gid6yavizqbsjeq4oxhi4p7o8owdvfey1a_aYooIPTInk_qeda8fkijrd9etclkmmftce30alicsclklvuscnryqaqszfb0ahafhfpx2n5.jpg)
प्रतिक्रिया