बालमन्दिर जग्गा भाडा प्रकरणमा समाजसेवी कोनेलाई हाजिर जमानीमा छाडियो
![](https://snowberry.prixacdn.net/media/gallery_folder/viber_image_2024-07-03_07-14-17-009_AqZTWVPMeQ_dmccb7pxm8gcjlfu3pfcti0daexu8t4hnwduy7roycnfgmd4r4uxtgmofebb_tVgjPZFbar_rc0ic6zebrxxb2k7lw1rx2ubicywf93bqluobcvjrlg5icumlnvwbfeakazd.png)
नेपाल बाल संगठन (बाल मन्दिर) का पूर्वमहासचिव रामकाजी कोनेलाई उक्त संस्थाको जग्गा भाडा प्रकरणमा हाजिर जमानीमा छाडेको छ । कोने नेपाल प्रहरीको केन्द्रीय अनुसन्धान ब्युरो (सीआईबी) को अनुसन्धानलाई सघाउन बुधबार आफै उपस्थित भएका थिए ।
सीआईबीमा उपस्थित भएपछि सामान्य सोधपुछपछि उनी प्रहरी टोलीसँगै काठमाडौँ जिल्ला सरकारी वकिल कार्यालयमा पुगेका थिए । त्यहाँ सरकारी वकिलको रोहबरमा सीआईबीले सोधपुछ गरेको थियो । कानुनी प्रक्रिया पूरा भएपछि कोनेलाई हाजिर जमानीमा छाडिएको हो ।
कोने प्रसिद्ध पर्यटन व्यवसायी एवं समाजसेवी हुन् । उनी नेपाली भाषा तथा साहित्यको सेवामा पनि समर्पित छन् । विभिन्न २१ वटा सामाजिक संस्थामा उनी क्रियाशील भइसकेका छन् ।
नेपाल बाल संगठनमा उनी २०५५ देखि २०६० सालसम्म आबद्ध रहे । ०५८ सालसम्म उनी कोषाध्यक्ष थिए भने त्यसपछिको एक वर्ष महासचिवका रुपमा काम गरे । उनी जति समय रहे, त्यस अवधिमा उनले निःस्वार्थ सेवा गरेको कुरा उनलाई चिन्ने जोकोहीले भन्ने गर्छन् ।
बाल मन्दिर असहाय बालबालिकाको पालनपोषण र शिक्षादीक्षा हेर्ने संस्था हो । त्यहाँ भएका बालबालिकाले राम्रोसँग खान र एकसरो लुगा नपाइरहेका बेला उनले घरबाट लगेर पनि खाना र नानाको व्यवस्था गरेका थिए । उनले आफन्तहरुबाट समेत चन्दा संकलन गरेर पनि त्यहाँका बालबालिकाको उचित बन्दोबस्त गरेका थिए । प्रतिव्यक्ति ५१ हजार रुपैयाँका दरले खर्च गर्न लगाएर पनि उनले बालबालिकाको सेवा गरेका थिए । जबकि त्यो समयमा ५१ हजार रुपैयाँले काठमाडौँमा चाहेको ठाउँमा घडेरी किन्न सकिन्थ्यो । मानवीय भावना नभएको व्यक्तिले यस खालको निष्काम कर्म गर्न सक्दैन, जुन कोनेले गरेका थिए ।
उनले उक्त संस्थाको कार्यसमितिमा रहँदा एक दिन पनि बैठक भत्ता लिएनन् । विशुद्ध सामाजिक एवं मानवीय सेवा गर्ने संस्थालाई आर्थिक भार पार्ने कुनै काम गर्नुहुन्न भन्ने उनको मान्यता थियो ।
त्यहाँका बालबालिकाको दयनीय अवस्था दोहोरिन नदिन बाल मन्दिरलाई नियमित आम्दानीको खाँचो थियो । विभिन्न विकल्प हेर्ने क्रममा उक्त संस्थाको खेर गइरहेको जग्गाको उपयोग गर्ने विषय निस्कियो । त्यसै क्रममा उक्त जग्गा भाडाको विषय उठेको हो । सरकारी बजेटको ठेगान नहुने भएकाले संस्थालाई नियमित आम्दानी होस् भनेर नै जग्गा भाडा दिने प्रक्रिया अघि बढेको थियो ।
अख्तियारलगायत विभिन्न संघसंस्थाले पनि त्यतिखेरै चासो दिएका थिए । सर्वोच्च अदालतसम्मै यो विषय पुगेको थियो । तर ती सबै निकायबाट मार्ग प्रशस्त भएर नै यो प्रक्रिया अघि बढेको भए पनि अहिले सरकारमा भएका केही व्यक्तिलाई रातारात नायक बन्नुपरेको छ । र फाइल खोलेको संख्या गनेर उपलब्धि देखाउनुपरेको छ । राज्यमा भएका यस्ता लहडबाजहरूका कारणा एउटा सुप्रसिद्ध समाजसेवी, सर्जक एवं उद्यमीले ७० वर्षको उमेरमा मानव प्रतिष्ठामा आँच पुर्याउने काम भइरहेको छ ।
खासमा बाल मन्दिरको जग्गा बालुवाटारमा जसरी कसैले निजी बनाएको छैन । नक्कली कागजात बनाउने वा नक्कली मोही खडा गर्ने काम पनि यहाँ भएको छैन । जग्गाको स्वामित्व बाल मन्दिरसँगै छ । केवल त्यहाँको केही जग्गा कुनै निजी संस्थालाई भाडामा लगाएर असहाय बालबालिकाको रेखदेखका लागि नियमित आम्दानीको व्यवस्था मात्र गरिएको हो ।
एउटा स्वायत्त संस्थाले आफ्नो आम्दानीको लागि भएको स्रोतसाधनको अधिकतम प्रयोग गर्न सक्छ । उसको विधानमै यो व्यवस्था गरिएको छ । भाडामा दिँदा पारदर्शी प्रक्रियाबाट करार गरेर दिइएको छ । यसमा फर्जी क्रियाकलाप हुनुपर्ने कुनै कारण छैन । तर यस्तो करारीय विषयवस्तुलाई फौजदारीकरण गरेर सीआईबी लगाएर जाँचबुझ गर्नुपर्ने र उसको अधिकारक्षेत्र आकर्षित हुनुपर्ने कुनै कारण छैन ।
अझ कोनेकै हकमा कुरा गर्दा उनी हुँदा भएको करार अहिले अस्तित्वमा नै छैन । त्यो करार रद्द भइसकेको छ । जुन करारअन्तर्गत रहेर कुनै काम गरिएन, त्यसबाट संस्था वा राज्यलाई कुनै हानि नोक्सानी हुने कुरै भएन । खाने वा नासिने ठाउँ पनि रहेन ।
यदि सार्वजनिक पदाधिकारीका रुपमा सार्वजनिक संस्थालाई कुनै नोक्सान पर्ने काम भएको रहेछ भने त्यो अख्तियारले हेर्नुपर्ने विषय थियो । यसमा सीआईबीले हात हाल्नु अधिकार क्षेत्रका हिसाबले पनि मान्य देखिँदैन । मुद्दा चलाउने अधिकार र आधार नै नभएको विषयमा सम्मानीत नागरिकलाई विवादमा तान्नुका पछाडि राज्यका अधिकारीहरुमा सफा नियत छ भनेर मान्न सकिँदैन । केवल दुःख दिने र प्रचार बटुल्नेबाहेक यस प्रकरणका पछाडि अर्को कुनै नियत देखिँदैन । तसर्थ राज्यले यस प्रकारले कुनै निहित स्वार्थ वा प्रवृत्त भावना राखेर आत्मसम्मानमा आँच आउने काम गर्नु हुँदैन । राज्यले राज्यको मर्यादामा बस्नुपर्छ । उसले प्रत्येक विषयलाई न्यायपूर्ण आँखाले हेर्न सक्नुपर्छ र विवेकपूर्ण व्यवहार गर्न जान्नुपर्छ ।
![धरानका मेयर हर्क सम्पाङले नयाँ राजनीतिक दल खोल्ने](https://snowberry.prixacdn.net/media/gallery_folder/Harka-Sampang_1652953373_vIl1fxjrmz_ppng6cpajzcqmacewfxutvv02rl6lfo5tu1wpdleq4k6byxrzfl6r7zenkht_cqsgg23D3P_11mw5smvsmbv5chf8gpwemdlmeqqdgwlnauazl6rxci8a320osgkabj1q5p8.jpg)
धरानका मेयर हर्क सम्पाङले नयाँ राजनीतिक दल खोल्ने
![वर्तमान सरकारले संसदको सामना गर्ने आँट गर्नुपर्छ : माधव नेपाल](https://snowberry.prixacdn.net/media/gallery_folder/Madhav_Kumar_Nepal2_rFgOqdqmfW_ycqopyiovg0a97z9irpzjtruimx4wol57yf09liyqlqtpaxtuufnrhak0cyd_NjdGaTHBuT_pkwa9dtmsk8ere2bc7d3m251cactpm8laoiqyfzerljejagshcjvzvstreab.jpeg)
वर्तमान सरकारले संसदको सामना गर्ने आँट गर्नुपर्छ : माधव नेपाल
![व्यवसायीलाई करको दायरामा ल्याउने रामग्रामको अभियान](https://snowberry.prixacdn.net/media/gallery_folder/ram_gram_4zqX3O9Ix6_oPzTlLnVXH_xi7xtwkqsey8o4g2kydjgcz0a0heajotbkzm2ebwzdeltazyu0qadyrgcgvk_0j7qxhKSSd_xrzillhkflwwsv5fg4cekeulyg3y1qdnmcnazxmhdmqeb9dfgfw4oacujds9.jpg)
व्यवसायीलाई करको दायरामा ल्याउने रामग्रामको अभियान
![खातामा प्यान नम्बर अद्यावधिक गर्न ग्राहक महानुभावहरूलाई एन आई सी एशिया बैंकको अनुरोध](https://snowberry.prixacdn.net/media/gallery_folder/BANK%2520LOGO%2520WITH%2520RED%2520TAG%2520%2520_LgQJTxBfwo_gygbxkfaf5lr3k16gstd7hrz9qoc50lmh7ij6cttoza5epj7qo3yrsqc2blo_ywOnVfLO6F_jcjrhajxa4sgobepcjkyf2genuxs7ve7nbjsck7vw1fdthu44t6rg48rq2ob.jpg)
खातामा प्यान नम्बर अद्यावधिक गर्न ग्राहक महानुभावहरूलाई एन आई सी एशिया बैंक…
![कृषिमन्त्रालयमा कार्यरत कर्मचारीहरूकाे धर्नाआज पनि जारी](https://snowberry.prixacdn.net/media/gallery_folder/1719984283_dharna-1200x560_QM4smFJPiZ_5njbeywstgdfg6r3vxciglgqm8cvyn4yv6jttduq3eq01vpmpcq47utxufqo_pz9FSKn5Nq_yuaagbyqklbxzsiecxucoooyyt3omfqytqwp51hyhkguak8zrvo3lgoe728m.jpg)
कृषिमन्त्रालयमा कार्यरत कर्मचारीहरूकाे धर्नाआज पनि जारी
![पशुपालनलाई प्रोत्साहन गर्न डाँलेघाँस उत्पादन](https://snowberry.prixacdn.net/media/gallery_folder/ph%2520biruwa_hlRWvD3Tfj_kvry3tj64mevemni1ruk85gcoexzb5isltion9waqrylemumbij7xv0jwlfr_88fRkn4Q4Q_ph8ms2j8kundspaeonvtj8emxsbugz9ug5bqahqtuavw1oovuec2oqldaccl.jpg)
पशुपालनलाई प्रोत्साहन गर्न डाँलेघाँस उत्पादन
![मादीमा ‘चारलेन’ पुल धमाधम निर्माण हुँदै](https://snowberry.prixacdn.net/media/gallery_folder/Madi%2520pul%2520Photo_xzD4QDcR52_fbxqjgd7ewdy5tl6fx9dxh5hyyxvgj4jten6w9evkcylxaymxperps3wm1rp_UCOfrdxG5J_qx5eajo8xsd1187xa7iye2arh5nsox7hmqtvhjehmxqzycibtz0jy7pd0sao.jpg)
मादीमा ‘चारलेन’ पुल धमाधम निर्माण हुँदै
![वायुसेवा निगमका कार्यकारी अध्यक्ष अधिकारी आफ्नी श्रीमतीसहित टोली नै लिएर अष्ट्रेलिया भ्रमणमा](https://snowberry.prixacdn.net/media/gallery_folder/yubaraj-adhikari1659604571_YPLyC8yc6d_24ccly80pcn7lyxzgplo33fopjch2uh4azdhqityt9fgitdzze1vx1xoyczi_Vu24WSpEc0_eqx9rxcyerqdptsgzkgrjuhwmndncmtk0qiz0ydnixgtpibbwxsekfc9yo5h.webp)
प्रतिक्रिया