२०२६ मा हुने टी–२० विश्वकपका लागि १२ वटा राष्ट्रको लाग्याे टुङ्गो
![](https://snowberry.prixacdn.net/media/gallery_folder/Screenshot_20211116-171814_Twitter_hsSedmkhFB_gfxivpjruhfhrfcrybxnwk1rexxqz9t1n28on2yaxd68g18ibutlozeeeq9f_9R8s2aLfbS_5nj93rdqujj1xtisopvuxfc8sirsin2kjprxjar4ktyyohtwcsnpsmlmt3eg.jpg)
आईसीसी टी–२० विश्वकप क्रिकेट प्रतियोगिताको नवौँ संस्करण हालै सम्पन्न भएको छ । अमेरिका र वेस्ट इन्डिजमा सम्पन्न नवौँ विश्वकपको उपाधि भारतले जित्यो । भारतले फाइनलमा दक्षिण अफ्रिकालाई सात रनले हरायो ।
अब टी–२० विश्वकपको १०औँ संस्करण सन् २०२६ मा भारत र श्रीलङ्काले संयुक्त रूपमा आयोजना गर्नेछन् । त्यो विश्वकपमा पनि २० वटै टोलीको सहभागिता रहने छ । सन् २०२६ को फेब्रुअरी–मार्चमा आयोजना हुने टी–२० विश्वकपका लागि १२ वटा राष्ट्रको भने अहिले नै टुङ्गो लागिसकेको छ ।
दुई वर्षपछि खेलिने टी–२० विश्वकपमा अमेरिका, आयरल्यान्ड र अफगानिस्तानको पनि सहभागिता पक्का भइसकेको छ । नवौँ संस्करणको ‘सुपर–८’ चरणमा पुगेका राष्ट्रहरूले स्वतः सन् २०२६ को टी–२० विश्वकप खेल्न पाउने प्रावधान छ ।यस आधारमा अफगानिस्तान, अस्ट्रेलिया, बंगलादेश, इङ्ल्यान्ड, दक्षिण अफ्रिका, अमेरिका र वेस्ट इन्डिजले स्वतः सन् २०२६ को टी–२० विश्वकप खेल्न पाउने छन् । नवौँ विश्वकपको उपाधि विजेता भारतले भने आयोजक राष्ट्रका रूपमा सन् २०२६ को विश्वकप खेल्नेछन् ।
नवौँ विश्वकपको समूहगत चरणबाटै बाहिरिएको श्रीलङ्काले पनि आयोजक राष्ट्रका रूपमा १०औँ टी–२० विश्वकप खेल्ने अवसर पाएको छ । यसका अतिरिक्त आयरल्यान्ड, न्युजिल्यान्ड र पाकिस्तानले पनि स्वतः सन् २०२६ को टी–२० विश्वकप खेल्न पाउने छन् ।यी तीनवटै राष्ट्र नवौँ विश्वकपको समूहगत चरणबाटै बाहिरिएका थिए । नवौँ विश्वकपको फाइनल खेल सन् २०२४ को जुन २९ तारिखमा खेलिएको थियो । त्यसैले जुन ३० तारिखसम्मको आईसीसी टी–२० अन्तर्राष्ट्रिय वरीयताका आधारमा आयरल्यान्ड, न्युजिल्यान्ड र पाकिस्तानले सिधै सन् २०२६ को विश्वकपमा प्रवेश पाएका हुन् । उक्त वरीयतामा न्युजिल्यान्ड छैटौँ, पाकिस्तान सातौँ र आयरल्यान्ड ११औँ स्थानमा थिए ।
सन् २०२६ मा हुने टी–२० विश्वकपका लागि बाँकी आठ टोलीको टुङ्गो भने छनोट चरणको खेलबाट लाग्नेछ । युरोपेली क्षेत्रको छनोट प्रतियोगिताबाट दुई, पूर्वीएसियाली क्षेत्रको छनोट प्रतियोगिताबाट एक, अमेरिकी क्षेत्रको छनोट प्रतियोगिताबाट एक, एसियाली क्षेत्रको छनोट प्रतियोगिताबाट दुई र अफ्रिकी क्षेत्रको छनोट प्रतियोगिताबाट दुई राष्ट्र सन् २०२६ को टी–२० विश्वकपमा पुग्नेछन् ।
हालसम्म ६ वटा राष्ट्रले टी–२० विश्वकपको उपाधि जितेका छन् । वेस्ट इन्डिज, इङ्ल्यान्ड र भारतले दुई–दुईपटक टी–२० विश्वकपको उपाधि जितेका छन् । पाकिस्तान, श्रीलंका र अस्ट्रेलियाले पनि एक–एक पटक उपाधि चुमेका छन् ।
![रास्वपाले निलम्बित महामन्त्री ढकालको नाम पार्टीको वेवसाइटबाट हटायाे](https://snowberry.prixacdn.net/media/gallery_folder/Mukul-Dhakal_iYj09K3fJE_5eu74omr9fbroce25avophb68vu2idmawoxfriihax7hvi7p2izikwygs7tr_dXbkkMoMoK_welegodggszj8yv3xnkocwhks4g6iog51apkdectxr8az8i4yceruopuh5w3.jpg)
रास्वपाले निलम्बित महामन्त्री ढकालको नाम पार्टीको वेवसाइटबाट हटायाे
![आगामी तीन दिन हल्कादेखि भारी वर्षाको सम्भावना](https://snowberry.prixacdn.net/media/gallery_folder/Map_zdf6q1oBFx_xswieo12b6zweo9omhha1uewuqpk582kapw7xvi4mtdoakqk0zdjrqn2yf0v_qcjowuCKWq_vlj18bjva8rp58kobztsnhf9tif31dmihgbmlbhwhane6dmmzecgvjxf4ccf.jpg)
आगामी तीन दिन हल्कादेखि भारी वर्षाको सम्भावना
![वर्षाले पुष्पलाल लोकमार्गमा क्षति](https://snowberry.prixacdn.net/media/gallery_folder/lokmagra(2)_rceP7mHJRU_qpwjojtjxzd7s7ajsv5bswdczrrxiwxzgapxvujkdxwjszus14d9vgbtx8iv_slO5MDvsHX_hsudbx8dfb8zyn5pqsgayh1cmxchzi4uftw3sf86vmwpyk9zkitmmlooxo6g.jpg)
वर्षाले पुष्पलाल लोकमार्गमा क्षति
![जुम्लामा चट्याङ लागेर ५४ भेडा मरे](https://snowberry.prixacdn.net/media/gallery_folder/veda_1598335675_4gE0WJzRWD_wgzzlxi6ftomlox26ddatbxgwltybdekpd53crelotfpp63jc3xxjxu3amsn_e6VbYRv0k2_vnoltkoi6womiyda3zzr6bndxdtwi7xzetnnwghbphzzrx60qp3bpasechzo.jpg)
जुम्लामा चट्याङ लागेर ५४ भेडा मरे
![नेकपा एमालेका मन्त्रीहरू बागमती प्रदेशबाट पनि बाहिरिने तयारिमा](https://snowberry.prixacdn.net/media/gallery_folder/bagmati-pradesh-mukhyamantri-office_rUhxKwJBzb_zmk31lcrxgx6v8g5qtrzki7ylr8ysz2q1piqxkvqpeead6wch82kcsztc2qw_aW1ZFOqpdd_nup3ttqftr5u1635t45v6hhcdhubaxrtzqainzj0onxdibuoiyqh23cgmrgt.jpg)
नेकपा एमालेका मन्त्रीहरू बागमती प्रदेशबाट पनि बाहिरिने तयारिमा
![रारा तालमा पौडी खेल्ने क्रममा डुबेर एक जनाको मृत्यु](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
रारा तालमा पौडी खेल्ने क्रममा डुबेर एक जनाको मृत्यु
![देउडामा रमाए महाधिवेशन प्रतिनिधि](https://snowberry.prixacdn.net/media/gallery_folder/deuda%2520(1)_vEklSNWBgm_uadgtdid0m4wqydrxnxiftn2pfgynqzlih9dzdzxnhz3wjwu4rimsz5qelh2_fND5GdJEL7_qhamaemotmgcst6wthepxutdxzczs49feioqvtjty0dipeb6h4ah781ot1lr.jpg)
देउडामा रमाए महाधिवेशन प्रतिनिधि
![यी हुन् मन्त्रिपरिषद् बैठकका निर्णय](https://snowberry.prixacdn.net/media/gallery_folder/Cabinate-meeting-new_MWkBhy8oIa_ygln0lx4brezqzfmqjum7kqfwit1qchumio1wej90mmt21ekhicnynncld3c_qPVK9g7EPi_ih9ujv4pbymqbcpg4qjfxeygdivx1vkn3309p2ro1kodypxxu3njkl4kwzaj.jpg)
प्रतिक्रिया