ओली–देउवा भेटले राजनीतिमा तरंग, बन्ला त कांग्रेस–एमाले समीकरण?
![](https://snowberry.prixacdn.net/media/gallery_folder/20240608026_kp-oli_deuba_SFw8E6uI7T_cilxhp7edcnqaxblwchairx5ove8t14kyvpcd3r0shocfj8vmlvhompch6ny_ipueEFR7tA_nbby2rvt7xyyfcqpindjcevvi9jesknayui2ikxadro53adw6d9os0jryx9h.png)
नेपाली कांग्रेस र नेकपा एमाले संवादमा जोडिएपछि मुलुकको सत्ताराजनीतिमा फेरि एकपटक तरंग पैदा भएको छ । कांग्रेस सभापति शेरबहादुर देउवा शनिबार पत्नी आरजु राणासहित एमाले अध्यक्ष केपी शर्मा ओलीकै निवास बालकोट पुगेर लामो कुराकानी गरेपछि अनेकन अड्कलबाजी सुरु भएका छन् र लगत्तै कांग्रेस सभापति देउवाले पदाधिकारी बैठक बोलाएपछि आशंकामा थप मलपल पुगिरहेको छ ।
त्यसो त कांग्रेस र एमाले मिलाउने प्रयास आज सुरु भएको होइन । २०७९ को आम निर्वाचन सम्पन्न भएलगत्तै सुरु भएको हो । अरु ससाना दलहरु जुटाएर सरकार बनाउन कठिन रहेको र सरकार पनि अस्थिर बन्न सक्ने भएकाले दुई ठूला दल मिलेर राजनीतिक स्थायित्वतर्फ मुलुकलाई लैजानुपर्ने धारणा त्यसबेलैदेखि सुरु भएको थियो ।
तर त्यतिखेर कांग्रेसको एउटा खेमा तत्कालीन माओवादी सम्मिलित गठबन्धनको विकल्प खोज्न नहुने अडानमा रह्यो । एमालेले कांग्रेसलाई सरकारको नेतृत्व लिन र साझेदारीमा देश चलाउन गरेको प्रस्तावको समेत देउवाले बेवास्ता गरे । पछि ओलीले प्रचण्डलाई बोलाएर प्रधानमन्त्रीमा समर्थन दिएर शीतलनिवास पठाए । देउवा हेरेको हेर्यै भए ।
त्यसपछि प्रचण्डले एकै वर्षको बीचमा तीनपटक साझेदार फेरे । कहिले एमालेसँग त कहिले कांग्रेससँग । जम्मा ३२ सिटको पार्टीको नेताले बाँकी २ सय ४० सिटको संसदलाई आफ्नो निजी एवं परिवारको स्वार्थमा घुमाउन थाले । एउटासँग मिलेर अर्कोलाई हियाउने र धम्क्याउने । उथलपुथल नगरी बस्नै नसक्ने भनेर आफ्नै राजनीतिक अनैतिकतामा हर्षबढाइँ गर्ने । परिवारका सदस्यबाहेक कसैलाई नगन्ने स्वभाव प्रचण्डमा देखियो । यसै क्रियाकलापबाट आजित भइसकेका छन् देउवा र ओली ।
कांग्रेसका नेता रमेश लेखकले त संसदमै भनेका थिए, तपाईंले धोका दिएकाहरु एक दिन एक बठाउँमा उभिनेछन् । त्यो दिन तपाईँको के हालत हुनेछ ? म पनि हेर्नेछु ।पछिल्लो समय साना दलको अनावश्यक बार्गेनिङ, स्वतन्त्रका नाममा बढ्दो अराजकता र नागरिकमा बढ्दो निराशाबीच कसरी मिलेर जान सकिन्छ भनेर संवाद सुरू भएको दुवैतर्फका नेताहरूले बताएका छन् । संविधान संशोधनदेखि संक्रमणकालीन न्याय र केही भूराजनीतिक प्रसंगहरूमा देउवा–ओलीबीच गम्भीर छलफल एवं समझदारी भएको बुझिएको छ ।
नागरिकमा व्याप्त निराशा चिरेर उत्साह ल्याउनुपर्ने र संविधानमा पुनरवलोकन गर्नुपर्ने भएकाले दुई प्रमुख दलबीच कुराकानी भएको तर यो सुरुवात मात्र भएकाले परिणाम देखिन अझै केही समय लाग्ने नेताहरुको भनाइ छ । तर एमाले अध्यक्ष ओलीको काम गर्ने शैली भने अनौठो छ । पछिल्ला केही घटनाहरुमा उनले सबैलाई आश्चर्यमा पार्ने गरी एकैपटक परिणाम देखाउने गरेका छन् । प्रचण्डलाई प्रधानमन्त्री बनाउँदा होस् वा कांग्रेसलाई सत्ताविमुख बनाउँदा उनले यसैगरी कसैलाई सुइँकोसम्म नदिएर एकैपटक नतिजा देखाइदिएका थिए । त्यसैले अहिले पनि कांग्रेससँग पृष्ठभूमिमा धेरै कुरामा समझदारी गरिसकेर शनिबारको दही–च्युरा भेट आयोजना गरेको पनि हुन सक्ने बुझिन्छ ।
आइतबार प्रधानमन्त्री पुष्पकमल दाहाल प्रचण्ड, एमाले अध्यक्ष केपी शर्मा ओली र उपप्रधान एवं गृहमन्त्रीसमेत रहेका राष्ट्रिय स्वतन्त्र पार्टीका सभापति रवि लामिछानेबीच छलफल भएको छ । सिंहदरबारस्थित प्रधानमन्त्री तथा मन्त्रिपरिषद् कार्यालयमा सुरुमा प्रचण्ड र ओलीबीच झण्डै एक घण्टा छलफल भएपछि फेरि रविसहित थप एक घण्टा छलफल भएको थियो ।
उक्त छलफलपछिका दृश्यले पनि धेरै कुरा भनिरहेको थियो । जस्तो कि बैठकबाट निस्केर रवि र प्रचण्ड माधव नेपाल नेतृत्वको एकीकृत समाजवादीको महाधिवेशनमा शुभकामना दिन कमलादी पुगेका थिए भने एमाले अध्यक्ष ओली उक्त कार्यक्रममा गएनन् । जबकि एकीकृत समाजवादी पनि सत्ता गठबन्धनकै एक घटक हो ।
बरु सिंहदरबारमा निकै प्रफुल्ल ‘मुड’मा देखिएका ओलीले सञ्चारकर्मीहरूसँग यत्ति मात्र भने, ‘भेटघाट भइराख्या’छ। भेटघाटपछि भेटघाट। भेटघाटको सिलसिलासँगै भेटघाट।’ ओलीको यस खालको मुखमुद्राले निकै अर्थपूर्ण कुरा अभिव्यक्त गरिरहेको थियो । जसका परिणामहरु आगामी केही दिनमै देखिन सक्नेछन् ।
![प्रचण्डलाई ओलीले लेखे समर्थन फिर्ता लिएको पत्र](https://snowberry.prixacdn.net/media/gallery_folder/oli-prachanda_rx6lQPd7rt_hlfhv0ugfqqjpyfuhbjnoepij2bwgmfzqextb18buqv1yacop1xln4wkoptf_ZkpTzFbZED_wdrlc9ars2svfgrlmxqfmwaer0pida6nslaevwrmshwgrxhwvxxzgj2acnf7.jpg)
प्रचण्डलाई ओलीले लेखे समर्थन फिर्ता लिएको पत्र
![महामन्त्री मुकुल बैठक छाडेर निस्किएपछि रास्वपा बैठक स्थगित](https://snowberry.prixacdn.net/media/gallery_folder/1719984172-ft6FL_sDJtFH19qA_1j3ivfp8szkzuogaulhucyzhynz04mcxjd7v9wt7nreuiqvucklgpuo6ogxa_bd5zcDP3Ow_nwnug5qjgo1xvwge93vxnngvpqg5cezbq854vhtgg43ffeyhbnlqnqw9cltb.jpg)
महामन्त्री मुकुल बैठक छाडेर निस्किएपछि रास्वपा बैठक स्थगित
![एमालेद्वारा सरकारलाई दिएको समर्थन फिर्ता, मन्त्रीहरूले प्रधानमन्त्रीलाई राजीनामा बुझाउँदै](https://snowberry.prixacdn.net/media/gallery_folder/20243457325_mantri_vP0rab4j4G_ils09m052n0i8svinconge6xotzq7odjeseguoxnjbzwkp0xbed0jqstqy6b_g0HMkoZL8W_wsk4nlgkhsvdb3wdmsnygmpr8wvcf5vvlhgmk4f7hjy7cg15xqj7ech7ys0s.jpg)
एमालेद्वारा सरकारलाई दिएको समर्थन फिर्ता, मन्त्रीहरूले प्रधानमन्त्रीलाई राजीनामा…
![एमाले अध्यक्ष ओलीले आफ्ना मन्त्रीहरूलाई बालकोट बोलाए](https://snowberry.prixacdn.net/media/gallery_folder/Oli111_KwNQh5lVer_rGXe8F0bf6_GsYR3cv6fO_ytqycwxpyhnjvx02eb8komlnl8wn4owwg6cnjrnkfrvy2ifm2ta5qjna0vub_nFllsBHrEw_tcvi0j9h43vjecpsjjbo54rtn0fmzsvtmlq4kmfhkxsphdn2y90uwncs1z9n.jpg)
एमाले अध्यक्ष ओलीले आफ्ना मन्त्रीहरूलाई बालकोट बोलाए
![बोल्न पाउने अधिकार हनन भएकाले मुखमा टेप लगाएँ : रास्वपा महामन्त्री ढकाल](https://snowberry.prixacdn.net/media/gallery_folder/mukul-1719981626-400x250_u244bOb3j1_eitzalxiez1oehxy7axhfe21kyd1no80iu7kssjf8k5ykrrnh1pp3qacjide_zIhOzXREz2_lb006a2kq4igkvptltesbjygoqvks6czfrbpq451kmave0u2ahyrgzxna3ip.png)
बोल्न पाउने अधिकार हनन भएकाले मुखमा टेप लगाएँ : रास्वपा महामन्त्री ढकाल
![माधवलाई धर्मसंकट,ओलीलाई प्रधानमन्त्री मान्ने कि सरकारबाहिरै बस्ने ?](https://snowberry.prixacdn.net/media/gallery_folder/madhav_nepal_2_1636794994_AI8SkZylOe_rvb0picnus5cj8slnbysjz4tq0ubgri9cvbinx3nojhb2pmofkdkpkbhomqu_w1XMA1w2UL_lchsaxuowgxs2yhcgflpxtsdwr2mod59fr5ur6rgclhjbzec1z7h8h71ercd.jpg)
माधवलाई धर्मसंकट,ओलीलाई प्रधानमन्त्री मान्ने कि सरकारबाहिरै बस्ने ?
![दुईतिहाइको प्रधानमन्त्री बन्दैछु, तपाईं पनि राजीनामा दिएर आउनुहोस् : अध्यक्ष ओली](https://snowberry.prixacdn.net/media/gallery_folder/Prachanda-and-Oli-Bhet_NhPqYJxIwZ_yupgp7aapfxy2lx5kvmrupd8paz9dasn44kx2temtlkfxvjxc5qljhbjbqp1_qF1Bwn0EPa_rcbir5talr2rtwz6pe6oivqmxklxag0qotlagndg5aguaregtlxsluwcj5pg.png)
दुईतिहाइको प्रधानमन्त्री बन्दैछु, तपाईं पनि राजीनामा दिएर आउनुहोस् : अध्यक्ष ओली
![रास्वपाका मकवानपुर जिल्ला सचिवालय सचिव भुवन खनालसहित ६ जनाले पार्टी परित्याग](https://snowberry.prixacdn.net/media/gallery_folder/raswapa_6f5cysrhlx_B2zTVktNy6_il2m7zhnjfrranuxfgswnvjflu7mbm9fql7cz53kvp3vcm3yz2ss9xg3epqx_5kZJeP8oun_bpcmqrmwvjby2n76xhnkpngalz1op96feujz4c6mefsdudbyx0lxhbaspl7v.jpg)
प्रतिक्रिया