‘प्रदेश मातहतका अस्पताललाई सर्वसुलभ र गुणस्तरीय बनाइने’
![](https://snowberry.prixacdn.net/media/gallery_folder/download%2520(3)_rvWBzZEWZ5_s5aib21gxqmaxrhplcxmlvqghxkdlut5phfaxiuc7pljcmto0whkggiteoko_BjF3tKFejn_be49jw5yqtbf24bcklq1xtkoydjsre8bted3pgmijrkatrchrzevkpygqesl.jpeg)
काठमाडौँ, १६ असार : बागमती प्रदेशका स्वास्थ्यमन्त्री रामेश्वर श्रेष्ठले प्रदेश मातहतका अस्पताललाई सर्वसुलभ र गुणस्तरीय बनाइने बताउनुभएको छ ।
जिल्ला स्वास्थ्य कार्यालय ललितपुरले आज ३४ जना महिला स्वयंसेविकाको बिदाई कार्यक्रम गरेको थियो । सो कार्यक्रममा बोल्दै मन्त्री श्रेष्ठले संविधानअनुसार आधारभूत स्वास्थ्य स्थानीय सरकारको एकल अधिकार क्षेत्रभित्र भए पनि स्रोतको अभावले समस्या भएको बताउनुभयो । उहाँले प्रदेशभित्रका सबै पालिकालाई स्वास्थ्य क्षेत्रमा सहयोग गरिरहेको जानकारी दिनुभयो ।
“सबै अस्पताललाई बागमती प्रदेश सरकारले औषधि, खोप, तालिम, गोष्ठीलगायत सहयोग गर्नेछ, जनतालाई सर्वसुलभ र गुणस्तरीय सेवा दिनेछौँ, प्रदेश मातहतका अस्पताललाई सर्वसुलभ र गुणस्तरीय बनाउन प्रयत्न गरिरहेका छौँ”, उहाँले भन्नुभयो, “यस वर्षको नीति तथा कार्यक्रममा स्वयंसेविकाहरुको जीवन बीमा र बजेट व्यवस्था गरिएको छ । कसरी राम्रो गर्न सकिन्छ भनेर संवेदनशील भएर मन्त्रालयले काम गरिरहेको छ ।”
उहाँले उत्पादनसँग जोडिने १५ देखि ४५ वर्ष समूहका युवा वर्ग आत्महत्याको सिकार बनिरहेकाले न्यूनीकरण गर्न मनोसामाजिक परामर्शका लागि प्रदेश सरकारबाट बजेट व्यवस्थापन गरिएको जानकारी गराउनुभयो । उहाँले समुदायसँग मिलेर मानसिक स्वास्थ्यसम्बन्धी जनचेतना जगाउनेलगायत कार्यक्रमहरु सञ्चालन गर्ने नीति तय गरेको बताउनुभयो ।
अनुभवले आर्जन गरेको सीपलाई पुस्तान्तरण गर्न महिला स्वयंसेविकालाई उहाँको आग्रह थियो । निराश नभई क्रियाशील रहन उहाँले अनुरोध गर्नुभयो । “आधारभूत स्वास्थ्य सेवाका लागि आमा सुरक्षा, नवजात शिशुको सुरक्षामा महिला स्वास्थ्य स्वयंसेविकाहरुले खेलेको भूमिकाका कारण नेपाल विश्वमा राम्रो स्थान प्राप्त गर्न सफल भएको छ”, उहाँले भन्नुभयो ।
जिल्ला समन्वय समिति प्रमुख ऋषिदेव फुयाँलले ललितपुरको हकमा पाटन अस्पतालले मात्रै बिरामीको चाप थेग्न नसकेकाले प्रदेश मातहतका स्वास्थ्य संस्थाहरुको क्षमता र सेवा सुविधा वृद्धि गर्नुपर्ने बताउनुभयो । महाँकाल गाउँपालिकाका प्रमुख गणेशबहादुर केसीले सरकारले उपलब्ध गराएको सेवा सुविधा कम भएको बताउँदै पालिकाभित्रका ५४ जना स्वास्थ्य स्वयंसेविकालाई हरेक वर्ष रु १० हजारका दरले प्रोत्साहन रकम उपलब्ध गराउँदै आएको जानकारी निुभयो । “निःस्वार्थ भावले गर्नुभएको सेवा अतुलनीय छ, आगामी दिनमा पनि गाउँटोलमा सेवा पु-याउनु हुनेछ भन्ने विश्वास छ”, अध्यक्ष केसीले भन्नुभयो ।
कोञ्ज्योसोम गाउँपालिकाका अध्यक्ष कृष्णमान लामाले संविधानले शिक्षा र स्वास्थ्य व्यवस्थापन गर्ने जिम्मेवारी स्थानीय सरकारलाई प्रदान गरेको भए पनि सङ्घ र प्रदेशका कार्यालयले गरेका कामका बारेमा जानकारी नहुने गरेको भन्दै आक्रोश व्यक्त गर्नुभयो ।
प्रमुख जिल्ला अधिकारी तुलसीबहादुर श्रेष्ठले सामुदायिक स्वास्थ्य क्षेत्रमा पहुँच अभिवृद्धि गर्ने विषयमा महिला स्वास्थ स्वयंसेविकाको भूमिका महत्वपूर्ण रहेको उल्लेख गर्नुभयो ।
बागमती गाउँपालिकाका उपाध्यक्ष भक्तबहादुर दर्लामीले घरघरमा पुगेर बाल मृत्युदर घटाउन र जनचेतना फैलाउन गरेको योगदानको प्रशंसा गर्नुभयो । उहाँले बागमती गाउँपालिकाले स्वयंसेविकाको हितलाई ध्यान दिइ सङ्घ र प्रदेशको अलावा थप सुविधा उपलब्ध गराइरहेको जानकारी दिनुभयो ।
जिल्ला स्वास्थ्य कार्यालयका प्रमुख डा भुवन पौडेलले महिला स्वयंसेविकाहरुले बाल मृत्युदर, मातृ मृत्युदर घटाउन पु-याएको योगदानका कारण नेपालले सहस्राब्दी विकास लक्ष्य हासिलको पुरस्कार प्राप्त गरेको बताउनुभयो ।
जिल्ला स्वास्थ्य कार्यालय ललितपुरले छ वटा स्थानीय तहमा कार्यरत ६० वर्ष पूरा गर्नुभएका ३४ जना महिला स्वास्थ्य स्वयंसेविकालाई दोसल्ला, प्रमाणपत्रसहित नगद रु १९ हजार आठ सय उपलब्ध गराएको हो ।
सरकारले निर्धारण गरेका स्वास्थ्यका लक्ष्य पूरा गर्न र स्थानीयस्तरमा सामुदायिक सहभागिता बढाउने उद्देश्य अनुरूप नेपाल सरकारले आर्थिक वर्ष २०४५/४६ देखि सुरु गरेको स्वास्थ्य स्वयंसेवक कार्यक्रमलाई महिला स्वास्थ्य स्वयंसेविका कार्यक्रमका रूपमा परिणत गरेको थियो ।
![राष्ट्रियसभाबाट लगानी सहजीकरणसम्बन्धी विधेयक स्वीकृत](https://snowberry.prixacdn.net/media/gallery_folder/rastriya-sabha_Ol7dWsE5pL_isuvrxk9vfgcrbszdfcyugplgzfyurtqo59lhno1iy80uplpqkpqv7asoh16_unyqFdAcf5_pharqnd7n2losxy0fblzhvhh7cmp5lpkdmifnoy869iolhqreqempddmaxua.jpg)
राष्ट्रियसभाबाट लगानी सहजीकरणसम्बन्धी विधेयक स्वीकृत
![निकुञ्जको कोर एरियामा भ्यु टावर र होटेल निर्माण गरेको मुद्दामा सबै प्रतिवादीलाई सफाइ](https://snowberry.prixacdn.net/media/gallery_folder/bises-adalet_rMTjMUMmCV_r6hadg1cwmjphj3xj5flmzfpao8pkflipslq0oo2pflhwqb67pberzlcfdsh_FAMkBdX8yb_lwl4l9mpgx6p4g7lnkht6klou8lfasvat5rvr7gne9urumuzfxvlvkhrfwyt.jpeg)
निकुञ्जको कोर एरियामा भ्यु टावर र होटेल निर्माण गरेको मुद्दामा सबै प्रतिवादील…
![धार्मिक आयोजनामा भागदौड हुँदा कम्तीमा २७ जनाको मृत्यु](https://snowberry.prixacdn.net/media/gallery_folder/hathras_WKLRY8p78S_MEJ1fp6aLP_ojnedwrzkzxjsqr7sgnkzla9ebzvrr8txknmec9sygkhp820etoeujyygxw6_FV6BXpV09W_lh2bdfkwyzdg7yysy3ryyfcuoxooiggd05oeks5ceoega0n8ah50hogko9kx.jpg)
धार्मिक आयोजनामा भागदौड हुँदा कम्तीमा २७ जनाको मृत्यु
![सुरेश अधिकारी प्रतिनिधिसभा सचिव नियुक्त](https://snowberry.prixacdn.net/media/gallery_folder/suresssh_XmhcMkY0cD_brgq7kd5puhljewme91qasoo0jrh6yqiogpnn46eeh5lghavgip7jhs2p6vw_NTBvTH3Ni1_eghatit24iaxhev1rp41wrd7drk1lanrsf12mzpdtmmuvdnoxfnchgo63bal.png)
सुरेश अधिकारी प्रतिनिधिसभा सचिव नियुक्त
![धरानका मेयर साम्पाङलाई कारबाहीको माग गर्दै स्थानीय बासिकाे प्रदर्शन](https://snowberry.prixacdn.net/media/gallery_folder/Harka-Raj-Rai-sampang_bBM3pyDWi3_tbb2tjfrshggzadm8z5p1e3cc9p0qezy0rncdx3yxcg2v2jmrzktquyy3r50_JD71QdVBM0_4xfpg3snkcrwu4ekixaw0wmgvb8iqf0ee2fqe8rkgdjgurytrnvgao7wbxcj.jpg)
धरानका मेयर साम्पाङलाई कारबाहीको माग गर्दै स्थानीय बासिकाे प्रदर्शन
![कांग्रेस सभापति देउवाले बोलाए प्रमुख तीन दलका शीर्ष नेताको बैठक](https://snowberry.prixacdn.net/media/gallery_folder/1673523140-gdEKu_Wx7FyxFaXt_ydyfa2fkoqqiq8oa3vaeousbrztpt5dpzlrf6lahozg1p0yfbxcwajpuchnl_RLZvX5BOu0_nmrfa4xvk65nfowmiru3j6xzfspw9kcfuebnzdisp1e4knvvbz5bbwhenza7.jpg)
कांग्रेस सभापति देउवाले बोलाए प्रमुख तीन दलका शीर्ष नेताको बैठक
![डेङ्गु सङ्क्रमणको जोखिम रोक्न उच्च सतर्कता](https://snowberry.prixacdn.net/media/gallery_folder/dengue-kits_olJKwzABsW_ewhgwkuu8t2trigijdgs3ko1ddn4jzjwlfh6bm7rtzvnfzadwm67qbdo57ux_tbXiBz6UE3_uxwppqhmaa9siyhjchchcv5tg8dkzddqalwiw5i2d47i4sr7dcz6qwf5yk80.jpg)
डेङ्गु सङ्क्रमणको जोखिम रोक्न उच्च सतर्कता
![नक्कली भुटानी शरणार्थी प्रकरण : बहस सकियो, आदेश आउन बाँकी](https://snowberry.prixacdn.net/media/gallery_folder/pratik-thapa-2_yBsUoqf9Mz_ocwobptcu82jdqkhrn2mmyxjkxxxxomoxmfl3hcy6gqp0eqomjc9zepu7kod_3sixoZCdBD_mypuah5aacurrpsl9s7tqetxvv23mixtqdqkscs3zqjxnupdcudwbzq0cymo.webp)
प्रतिक्रिया