देउवा र ओलीको संवाद सुरु, प्रचण्डको जादु अब के होला ?
![](https://snowberry.prixacdn.net/media/gallery_folder/deuba-oli-prachanda1682683072_dn5OKJu8QJ_15yvnkvvxz3qo6j7lywllamw2ovc7aixci01uo19mliozlvolz4da5u5wjti_d4o0MaB5OT_xrjwsicszyiajr36je5n7kfhmskemnokuomsevrvlhwegf731lctcuguullt.jpg)
केही दिनअघि मात्र प्रधानमन्त्री पुष्पकमल दाहाल प्रचण्डले आफूसँग जादुयी नम्बर रहेको भन्दै पाँचै वर्ष सरकार चलाउने अवसर पनि पाउन सक्ने भन्दै महत्त्वाकांक्षा सार्वजनिक गरेका थिए । उनको त्यो अभिव्यक्ति पहिलो भने थिएन । एमाले र कांग्रेसलाई पालैपालो खेलाउने र उनीहरुबीच टकराव सिर्जना गरी एकअर्कामा भेटै हुन नसक्ने स्थिति पैदा गरेर उनले आफूलाई सत्तामा निरन्तर राख्दै आएका पनि छन् । जम्मा ३२ सिटको माओवादीले सय सिटनजिकका कांग्रेस र एमालेमाथि शासन गरिरहेको यो दृश्य आफैमा हास्यास्पद र जनमतको अपमानसमेत हो ।
प्रमुख प्रतिपक्षी दल नेपाली कांग्रेसका सभापति शेरबहादुर देउवा र सत्तारुढ दल नेकपा (एमाले) का अध्यक्ष केपी शर्मा ओलीबीच शनिबार भने लामो समयको संवादहीनता तोडिएको छ । भक्तपुरको बालकोटस्थित ओलीको निवासमा उनीहरुबीच तीन घण्टा छलफल भएको बुझिएको छ । सपत्नी बालकोट पुगेका देउवालाई ओलीले दहीचिउराले स्वागत गरेका थिए । अझ प्रचण्ड र माधव नेपाल एउटै मञ्चमा भएको कार्यक्रममा विशिष्ट अतिथिका रुपमा बोलाइएका ओली त्यता जान छाडेर देउवासँग दही–चिउरा खाएर बसे । जुन राजनीतिक रुपमा धेरै अर्थपूर्ण छ ।
राजनीतिक स्थायित्वका लागि निर्वाचन प्रणालीमा हेरफेर र आर्थिक अवस्था सुधारका लागि प्रमुख दुई दल मिल्नुपर्ने बहस भइरहेको बेला कांग्रेस र एमालेका शीर्ष नेताहरूबीच छलफल भएको हो । भेटमा शान्ति प्रक्रियाका बाँकी काम पूरा गर्नेलगायत विषयमा छलफल भएको स्रोतले बतायो । २०७९ मंसिरको चुनावपछि कांग्रेस र एमालेबीच नयाँ सरकारबारे संवाद भएको थियो । अन्तिम समयमा पुष्पकमल दाहाल प्रचण्ड प्रधानमन्त्री बनेपछि दुई दलबीच संवादहीनताको स्थिति सिर्जना भएको थियो ।
२०८० फागुन ३० गते प्रतिनिधिसभामा प्रचण्डले विश्वासको मत लिने क्रममा ओलीले विगतमा संवाद गरौँ भन्दा देउवाले अस्वीकार गरेको बताएका थिए । लगत्तै देउवाले अब कुराकानी गर्ने जवाफ फर्काएका थिए ।गत वैशाखको सुरूमा दुई दलबीच पुनः संवाद भएको थियो । नेपाल कम्युनिस्ट पार्टी स्थापनाको ७५ औं वर्षगाँठको कार्यक्रममा एमालेले देउवालाई महत्त्वका साथ कार्यक्रममा बोलाएको थियो । त्यसबेला पनि केही सांकेतिक कुराकानी भएका थिए । तर त्यसयता उनीहरुबीच सार्थक संवाद हुन सकेको थिएन । सहकारी ठगी र गिरीबन्धु प्रकरणले त यी दुई दलबीच झन् दूरी बढाएको थियो । हालै प्रहरीले भुटानी शरणार्थी प्रकरणको फाइल खोलेर केही अभियुक्त पुनः पक्राउको शृंखला चलेपछि देउवालाई बालकोट पुर्याएको हो कि भनेर अनुमान पनि गरिएको छ ।
कांग्रेस र एमालेका शीर्ष नेताबीच पुनः संवाद सुरू भएपछि सत्ता राजनीतिमा एक तहको कम्पन पैदा भइसकेको छ । ओली र देउवाबीचको पछिल्लो संवादलाई महत्त्वपूर्ण राजनीतिक घटनाका रूपमा हेरिएको छ ।सरकारमा ससाना दलहरुको हालीमुहाली चलेको, प्रदेशहरू पनि निकै अस्थिर बनेको र जनतामा निराशा बढेको अवस्थामा अब दुई ठूला शक्ति मिलेर जानुपर्ने भन्ने एक खालको जबरजस्त धारणा राजनीतिमा छ । राजनीतिक स्थिरताका लागि मिल्ने हो त्यो देशका लागि एक सुखद अध्यायको सुरुवात हुन सक्छ ।
केही दिनअघि पूर्वराष्ट्रपति विद्या भण्डारीले पनि कांग्रेस र एमालेबाहेक यो देशमा अर्को कुनै मध्यम कदको शक्ति आवश्यक नरहेको र त्यस्तो भएसम्म देशले राजनीतिक स्थायित्व प्राप्त गर्न नसक्ने भन्दै माओवादी रवैयाले देशले ठूलो मूल्य चुकाउनुपरेको तथ्य औँल्याएकी थिइन् । संयोगवश त्यसको केही दिनमै एमाले र माओवादी नजिकिएका छन् । सम्भवतः यसको परिणाम पनि चाँडै नै देखापर्न सक्नेछ ।
![रास्वपाले निलम्बित महामन्त्री ढकालको नाम पार्टीको वेवसाइटबाट हटायाे](https://snowberry.prixacdn.net/media/gallery_folder/Mukul-Dhakal_iYj09K3fJE_5eu74omr9fbroce25avophb68vu2idmawoxfriihax7hvi7p2izikwygs7tr_RFeo68j7qg_5agugaoxzfptuyuktgtakbqg3s69zblcj9wtlbiwmkztiolx2loh3h7xdirn.jpg)
रास्वपाले निलम्बित महामन्त्री ढकालको नाम पार्टीको वेवसाइटबाट हटायाे
![आगामी तीन दिन हल्कादेखि भारी वर्षाको सम्भावना](https://snowberry.prixacdn.net/media/gallery_folder/Map_zdf6q1oBFx_xswieo12b6zweo9omhha1uewuqpk582kapw7xvi4mtdoakqk0zdjrqn2yf0v_8FkTbBCcv3_kuwbphebn7lihciryuyxca1yhlsambrxqnygbaywdza0s59lmdxu1dshotur.jpg)
आगामी तीन दिन हल्कादेखि भारी वर्षाको सम्भावना
![वर्षाले पुष्पलाल लोकमार्गमा क्षति](https://snowberry.prixacdn.net/media/gallery_folder/lokmagra(2)_rceP7mHJRU_qpwjojtjxzd7s7ajsv5bswdczrrxiwxzgapxvujkdxwjszus14d9vgbtx8iv_xOJQNii9xR_fnhi2asda3piu2enkeouesw1jtqeus9uyan2ncyuqdhbdi52uqmyfnh4dqka.jpg)
वर्षाले पुष्पलाल लोकमार्गमा क्षति
![जुम्लामा चट्याङ लागेर ५४ भेडा मरे](https://snowberry.prixacdn.net/media/gallery_folder/veda_1598335675_4gE0WJzRWD_wgzzlxi6ftomlox26ddatbxgwltybdekpd53crelotfpp63jc3xxjxu3amsn_1mU1k5ye3B_bn9qjqz4o819zzkkihx4n9ub665kwrlgfkqsr94jvia2slofmilf7uqqlslr.jpg)
जुम्लामा चट्याङ लागेर ५४ भेडा मरे
![नेकपा एमालेका मन्त्रीहरू बागमती प्रदेशबाट पनि बाहिरिने तयारिमा](https://snowberry.prixacdn.net/media/gallery_folder/bagmati-pradesh-mukhyamantri-office_rUhxKwJBzb_zmk31lcrxgx6v8g5qtrzki7ylr8ysz2q1piqxkvqpeead6wch82kcsztc2qw_46UPWvQxRC_7cvm8gagfydztf7ncgp8suyepxkggbgtrrbwzuq9cvimquwx8wglf2anr1v6.jpg)
नेकपा एमालेका मन्त्रीहरू बागमती प्रदेशबाट पनि बाहिरिने तयारिमा
![रारा तालमा पौडी खेल्ने क्रममा डुबेर एक जनाको मृत्यु](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
रारा तालमा पौडी खेल्ने क्रममा डुबेर एक जनाको मृत्यु
![देउडामा रमाए महाधिवेशन प्रतिनिधि](https://snowberry.prixacdn.net/media/gallery_folder/deuda%2520(1)_vEklSNWBgm_uadgtdid0m4wqydrxnxiftn2pfgynqzlih9dzdzxnhz3wjwu4rimsz5qelh2_cQt7UsJK8W_fat2c5lep6ig1bebx3oohpea6u9b9dlaipse6ykwyzyjaa4hnl03gpz1krfk.jpg)
देउडामा रमाए महाधिवेशन प्रतिनिधि
![यी हुन् मन्त्रिपरिषद् बैठकका निर्णय](https://snowberry.prixacdn.net/media/gallery_folder/Cabinate-meeting-new_MWkBhy8oIa_ygln0lx4brezqzfmqjum7kqfwit1qchumio1wej90mmt21ekhicnynncld3c_OojlZchYV0_xenufducmzhkfndwvznchp6urrbqi5jp5pcclepc5p54255eseuhavgze2ys.jpg)
प्रतिक्रिया