गृहमन्त्री लामिछानेका कारण नेपाल प्रहरीका दुई उच्च अधिकारीको बढुवा रोकिएर श्रेष्ठ र आचार्यको बढुवा !
![](https://snowberry.prixacdn.net/media/gallery_folder/1718374365_Rabi%2520Lamichanne%2520Final-1200x560_PVEDGyLAN3_jrdvk0zlnof1ayizoeehewz5t1kg3yt29kao97dhbbrchrdlmzdcztixhisb_VMxK5E5bdZ_qfg7aoe1wj2oj07wa2pqdfou0jett26lhavdbfua5wmcg3ip1si48xghwotc.jpg)
उपप्रधान तथा गृहमन्त्री रवि लामिछानेका कारण नेपाल प्रहरीका दुई उच्च अधिकारीको बढुवा रोकिएर एक तह मुनिबाट अवकाशमा जानुपरेको घटना यतिबेला सर्वत्र चर्चामा छ । त्यो पनि भ्रष्टाचाररहित शासन चलाउँछु भन्ने गृहमन्त्रीको सचिवालयमा मागिएको पैसा जम्मा गर्न नमानेका कारण भन्ने गम्भीर आरोप लागेको छ । डीआईजीमा बढुवा नभई एसएसपीबाटै अवकाशमा गएका एसएसपी डा.दीपक श्रेष्ठले फेसबुक पेजमा लेखेको कुराले नै पैसा नदिएका कारण बढुवा रोकिएको थियो भन्ने संकेत गर्छ ।
यो घटनाले गृहमन्त्रीको सचिवालयले मात्रै उनीहरूसँग पैसा मागेको थियो कि बढुवा सिफारिस समितिका लागि पनि मागिएको थियो भन्ने प्रश्न उठाएको छ । यो घटनाबाट यसअघिका सबै बढुवाहरु कामको भन्दा दामको आधारमा हुने गरेका थिए भन्ने प्रष्ट रुपमा देखाउँछ । अहिले एआईजी र डीआईजी बढुवा सिफारिस समितिमा गृहसचिव संयोजक हुन्छन् भने प्रधानमन्त्री तथा मन्त्रिपरिषद कार्यालयका सचिव सदस्य र आईजीपी सदस्य सचिव रहने व्यवस्था छ । यसैले अहिलेका प्रहरी प्रमुख पनि यो प्रकरणमा दोषी ठहरिएका छन् । समग्र प्रहरी संगठन यस्ता व्यक्तिको नेतृत्वबाट कसरी सक्षम हुन्छ भन्ने प्रश्न उठाएको छ ।
यस्ता अधिकारीहरू कै कारण उनीहरूले आफ्ना मान्छे पोस्ने र व्यावसायिक अधिकृत पाखा लगाएकै कारण प्रहरीको सरुवा-बढुवा सधैं विवादित बन्ने गरेको छ । अझ यो विषयमा त प्रहरी महानिरीक्षक वसन्त कुँवर र गृहमन्त्री रवि लामिछानेकै कारण नेपाल प्रहरी अस्पतालका दुई जना वरिष्ठ उपरीक्षकले (एसएसपी) अन्यायपूर्ण अवकाशमा जानुपरेको हो भन्दा फरक पदैन । प्राविधिकतर्फ स्वास्थ्य उपसमूहका एसएसपीद्वय डा.दीपक श्रेष्ठ र डा.सुवास आचार्य बिहीबारबाट अवकाशमा गएका छन् ।
यही सिफारिस समितिले पद रिक्त हुनु १० दिनअघि नै सल्लाहकारका साढु भाइ पोषराज पोखरेललाई २ दिनका लागि एआईजी बढुवा सिफारिस गर्न गृहमन्त्री लामिछानेले दवाव दिएका थिए । तर, नेपाल प्रहरी अस्पतालमा ५१ दिनअघि रिक्त डीआईजी पदमा बढुवा नगरी २ एसएसपीको बृत्तिविकास नै रोकिदिए । यसको कारण मागेको पैसा दिन नसक्दा भनिएको छ । अस्पतालमा २ डीआईजीका पद रिक्त भएको ५१ दिनसम्म बढुवा नगरी उनीहरुको अवकाश गराउने योजनामा गृहमन्त्रीबाटै बनाइनु लज्जास्पद विषय हो ।
प्रहरी अस्पतालमा २०८१ वैशाख २६ गतेदेखि २ डीआईजी पद रिक्त छ । वरिष्ठताक्रमका आधारमा उक्त अस्पतालमा कार्यरत एसएसपीद्वय दीपक श्रेष्ठ र सुभाष आचार्य बढुवाका दाबेदार हुन् । श्रेष्ठ नेत्र रोग विशेषज्ञ हुन् भने आचार्य नाक, कान, घाँटी रोगका विशेषज्ञ सर्जन हुन् । २०५९ जेठ २० मा भर्ना भएका श्रेष्ठ र आचार्य २०७५ असार १३ मा एसएसपी बढुवा भएका थिए ।
गृहमन्त्री लामिछानेकै कारण दुवै जना वरिष्ठ उपरीक्षकले ६ वर्षे पदावधि पुरा गरेर अवकाशमा जान बाध्य भए । डीआईजीको दरबन्दी रिक्त भएको डेढ महिनासम्म भए पनि उनीहरूको बढुवा प्रक्रिया गृहमन्त्रीले रोके । डीआईजीमा बढुवा भएको भए उनीहरू थप ५ वर्ष प्रहरीमा रहने थिए । अन्यायपूर्ण अवकाशमा जानु परेपछि डा.दीपक श्रेष्ठले आईजीपीलाई ‘नालायक सीईओ’ को आरोप लगाएका छन् । नेपाल प्रहरी ‘प्राइभेट कम्पनी’ मा परिणत भएको उल्लेख गर्दै उनले सामाजिक सञ्जाल फेसबुकमा अहिलेको सीईओ नालायक हो, यसले सबैलाई नालायक नै देख्छ, भनेका छन् ।
प्रहरी नियमावली अनुसार, बढुवा समितिले सिफारिस गरेको एक सातापछि मात्रै बढुवा हुने व्यवस्था छ । एक साताभित्र बढुवा सिफारिसमा परेका व्यक्तिमाथि कुनै उजुरी नपरे बढुवा हुन्छ । जसकारण पोषराज पोखरेललाई बढुवा सिफारिस गरिएको हो । प्रहरी महानिरीक्षक आईजीपी बसन्त कुँवरको अमेरिका भ्रमण जाने दिनै उनको सिफारिस गरिएको थियो । यो घटनाले पनि गृहमन्त्री लामिछानेले श्रेष्ठ र आचार्यको बढुवा रोक्ने प्रक्रियामा आर्थिक चलखेलको विषय अगाडि देखिएको हो ।
प्रहरी स्रोतका अनुसार, उनीहरू पछिका एसएसपी दामोदर पौडेल, संगीता घिमिरे र मनोज यादवमध्ये आफू निकट दुई एसएसपीलाई बढुवा गर्न गृहमन्त्री लामिछाने र आईजीपी कुँवर योजनाबद्ध तरिकाले लागेका थिए । त्यहीकारण दुवैको बढुवा नगरी अवकाशमा पठाइयो । श्रेष्ठ र आचार्यलाई बढुवा नगर्न हस्पिटल म्यानेजमेन्ट सम्बन्धी तालिम नलिएको भन्ने आरोप लगाइयो । तर, उक्त तालिम एसएसपी वा डीआईजीमध्ये जुनसुकै तहमा पनि लिन सकिने व्यवस्था छ
प्रहरी स्रोतका अनुसार, उनीहरू पछिका एसएसपी दामोदर पौडेल, संगीता घिमिरे र मनोज यादवमध्ये आफू निकट दुई एसएसपीलाई बढुवा गर्न गृहमन्त्री लामिछाने र आईजीपी कुँवर योजनाबद्ध तरिकाले लागेका थिए । त्यहीकारण दुवैको बढुवा नगरी अवकाशमा पठाइयो । श्रेष्ठ र आचार्यलाई बढुवा नगर्न हस्पिटल म्यानेजमेन्ट सम्बन्धी तालिम नलिएको भन्ने आरोप लगाइयो । तर, उक्त तालिम एसएसपी वा डीआईजीमध्ये जुनसुकै तहमा पनि लिन सकिने व्यवस्था छ ।
गृह मन्त्रालय स्रोतका अनुसार प्रहरी बढुवा प्रकरणमा मात्र हैन, अहिले गृहमन्त्री लामिछानेले आफ्नो सचिवालयलाई जुनसकै विषयमा दाम माग्ने अखडा बनाएका छन् । यसको चर्चा यो भन्दा अगाडिदेखि नै आएको हो । गृहमन्त्रालय मातहतबाट हुने कुनै पनि कामका लागि सबैभन्दा पहिले गृहमन्त्रीको सचिवालयसँग डिल गर्नुपर्छ । सचिवालयमा डिल मिलेपछि मात्रै त्यो विषय गृहमन्त्रीसम्म पुग्छ । यसरी सचिवालयलाई भ्रष्टाचारको अखडा बनाएका गृहमन्त्री लामिछानेले प्रहरी संगठनभित्रको सरुवा बढुवामा पनि आर्थिक लेनदेनलाई प्राथमिकता दिइरहेकाे साे स्राेतकाे भनाइ छ ।
![करेन्ट लागेर एक महिलाको मृत्यु](https://snowberry.prixacdn.net/media/gallery_folder/1654491977_98413_u6dccEjVII_jrjvrrm6p2zypsuykbakp2s3yjaki5rgkvsgvgnn16ykzzjkbpbpgnub68zm_C4b0zk6d98_4dqzqmf9o8sldwxzzqy3qdwqvjdrarj0kjowqggrprakiwmli9pdn2fsysg1.jpeg)
करेन्ट लागेर एक महिलाको मृत्यु
![बढ्यो सुनको मूल्य, कतिमा हुँदैछ कारोबार ?](https://snowberry.prixacdn.net/media/gallery_folder/Gold-4_tKcKl62pHB_dkggfhlivigiiwujytettre4osjgolifuoatq63hufas8bcikk5ofsccdot6_zNYZwHiZpf_kxakaw9mlaggdea6psc4ymv4dkwg6lhliorljjfrnqjhfkuygikk5k9nns5f.jpg)
बढ्यो सुनको मूल्य, कतिमा हुँदैछ कारोबार ?
![रास्वपा एमाले–कांग्रेसबीचकाे नयाँ गठबन्धनमा सहभागी नहुने](https://snowberry.prixacdn.net/media/gallery_folder/raswapa-rastriya-swotantra-party_1mOp5Nwz33_gcpzcutjxymcolafd0lg6fdmm0d5ugfml2biggrtjnxjuimdbft1pamcooiu_YORGxnA8q8_o6ia3nlzixhqjmthlzcbr1izdeqebp4wgxyhqmhqxakf3zmoymantrxs751v.jpg)
रास्वपा एमाले–कांग्रेसबीचकाे नयाँ गठबन्धनमा सहभागी नहुने
![प्रचण्डलाई व्यङग्य गर्दै बाबुराम भने- सबैलाई सधैँभरी ठग्न सकिन्न](https://snowberry.prixacdn.net/media/gallery_folder/prachanda-baburam-5a48aaa46faba6.689277101613213737_g1UCPpFuRY_8nwxpxmfq6lujreghv7fnge5b81qk1dimtq507ushg2uyiz9lhi6sy1bmob4_araiqTF9jd_usb1tr49y7sbtboejm2x0u3iveu1fcjtpvrzqpyulbczpr5kv64wk2jyzqj0.jpg)
प्रचण्डलाई व्यङग्य गर्दै बाबुराम भने- सबैलाई सधैँभरी ठग्न सकिन्न
![जसपाले कांग्रेस–एमाले गठबन्धनलाई साथ दिने](https://snowberry.prixacdn.net/media/gallery_folder/upendra-yadab_1MmfKVX7cY_7pfslujvof5bzrhbwyj5gidiuzmtkukjlclnilkky7lmqvanm8mvdzzpw8wd_0VTOw0osbu_7al1btmhviovtv7rxrkw72kabgf6gwwmax82rxegychn4ivkbrwgruushe5l.webp)
जसपाले कांग्रेस–एमाले गठबन्धनलाई साथ दिने
![यस्ताे छ प्रमुख दुई दल मिल्नुको कारण !](https://snowberry.prixacdn.net/media/gallery_folder/Screenshot%25202024-07-02%2520103137_Cw3V5HhK2q_uejadsjfnqo9nj5bhokti10x5gdxpgduixfuir2ibpsc7ol5keiujp2fecbz_vkbQWA6b0u_3jtyywqx7ywrbpn6rxc1xzv3tg7hqpyfeviydrofahovjmz2frrm9p01pbmn.png)
यस्ताे छ प्रमुख दुई दल मिल्नुको कारण !
![रानीसैनमा ‘भिस्याट’ प्रविधिमार्फत टेलिफोन सेवा](https://snowberry.prixacdn.net/media/gallery_folder/nepal-telecom_JEGpHQUKmX_l3zogmudhlmf0hvsackh2mwdqygwhrku2ogein5jp4fsupdd3x6wzesqpg9r_4XiExhvMsY_nc88awal8mtrpc2qd9g0dwgpr2drxoora8qwiwnosd163tp5vr0uzypaz7zu.jpg)
रानीसैनमा ‘भिस्याट’ प्रविधिमार्फत टेलिफोन सेवा
![विपद् व्यवस्थापनमा अन्तरपालिका अनुभव आदानप्रदान](https://snowberry.prixacdn.net/media/gallery_folder/chalfal%2520palika_LHawxncAkD_4mzbj2sk4trfqh9wnmu1ilssepz8of0sjas7kuwaroqg6j9oilipqwoolhfi_AWRLajBP4P_lnpoudbbqjo7ihlun3pokhma4iif5znqmtwqtmckvz9tq9zg9blv1ypaxrkz.jpg)
प्रतिक्रिया