‘विपद् तथा भूकम्पीय पूर्वतयारीमा निजी क्षेत्रको सहयोग जरुरी’
![](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
काठमाडौँ, १३ असारः सरोकारवालाहरुले विपद् तथा भूकम्पीय पूर्वतयारीमा निजी क्षेत्रको सहयोग जरुरी रहेकोमा जोड दिनुभएको छ ।
आज कर्णाली प्रदेश सरकार, आन्तरिक मामिला तथा कानुन मन्त्रालयद्वारा आयोजित कार्यशाला गोेष्ठीमा निजी क्षेत्रले जस्तोसुकै विपद् प्रतिकार्यमा सरकारलाई आवश्यक सहयोग गर्दै आएको र आगामी दिनमा पनि सहयोग जरुरी रहेकोमा जोड दिएका हुन् ।
रेडक्रस कर्णाली प्रदेश समिति अध्यक्ष लीलाराम सुवेदीले जस्तोसुकै विपद् या मानवीय समस्याका क्षेत्रमा रेडक्रस स्थापनाकालदेखि आफ्नो कर्ममा दत्तचित्त भएर लागेको बताउनुभयो । उहाँले विपद् व्यवस्थापनमा रेडक्रसले सरकारसँग सहकार्य गर्दै कामकारबाहीलाई जनसेवामा समर्पित गरेको जनाउनुभयो ।
उद्योग वाणिज्य महासङ्घ, कर्णाली प्रदेशका प्रतिनिधि प्रेम भण्डारीले सरकारप्रति निजी क्षेत्र जहिले पनि उदार रहेको तर सरकार निजी क्षेत्रप्रति उदासिन रहेको टिप्पणी गर्नुभयो । विपद् पूर्वतयारी तथा प्रतिकार्यमा निजी क्षेत्र सरकारसँग सहकार्य गरी अगाडि बढ्ने उहाँको प्रतिबद्धता थियो ।
नेपाली सेनाका प्रमुख सेनानी असीम श्रेष्ठले विपद् पूर्वतयारी तथा प्रतिकार्यका साथ खोज तथा उद्धारमा सेना जतिबेलामा पनि तैनाथ अवस्थामा रहेको उल्लेख गर्नुभयो । कर्णाली भूकम्पीय विपद्को उच्च जोखिममा भएकाले मानवीय तथा सम्पत्तिको सुरक्षा गर्न, खोज तथा उद्धारलाई छरितो बनाउन नेपाली सेनाको तालिमप्राप्त जनशक्ति तयारी अवस्थामा राखिएको उहाँले बताउनुभयो ।
प्रदेश सरकार भौतिक पूर्वाधार तथा सहरी विकास मन्त्रालयका इञ्जिनियर विशेष शर्माले विपद् जोखिम न्यूनीकरणका लागि सडकको स्तरोन्नति, भूकम्प प्रतिरोधात्मक संरचना निर्माणमा जोड दिइएको बताउनुभयो । युएनडिपी सुपरपरियोजनाका प्राविधिक अधिकृत कृष्ण चापागार्इंले कर्णालीमा विपद् र भूकम्पीय जोखिमका अवस्थाबारे प्रस्तुति राख्नुभयो ।
गोष्ठीमा भिरालो जमिन, छरिएका बस्ती, जथाभावी खनिएका सडक र कमसल भौतिक संरचनाका कारण कर्णालीमा ठूलो क्षति हुने अवस्थालाई अध्ययन तथा नक्साङ्कन गरी आउने विपद्बाट बच्न कहिले, कहाँ, कसले, के गर्ने र जिम्मेवारी के हुने भन्नेबारेमा तीन वटा समूह निर्माण गरी समूह कार्यसमेत गरिएको थियो ।
![पहिरोमा परी घाइते भएका लिम्बूको हेलिकप्टरमार्फत उद्धार](https://snowberry.prixacdn.net/media/gallery_folder/download_rNbDEfzwoS_zayvd3zdwvsixtpjekrrytelbyicytsntgwbqj2asggxbstt3wjmb9ygtriw_B1M1m7ihCg_4pfbeu3qli9165dwvtpr2wjtnjuibrqyeh6ua04xlcdrqmuadtj3hsa9u8n2.jpeg)
पहिरोमा परी घाइते भएका लिम्बूको हेलिकप्टरमार्फत उद्धार
![चक्रपथमा डिभाइडर नाघेर लेन क्रस गर्ने सरकारी गाडीका चालक प्रहरीकाे कारबाहीमा](https://snowberry.prixacdn.net/media/gallery_folder/lane_cross_UO2kIqAuze_R9iUKTpbso_5pge8anbqjbihndth0drwpammskhizb8jh4thfilq0ak5mjlfiabddk3xdhj_JHZbRH2TKz_acmypg1wtt53eineg0aff6bhruehlylkm7jg2ccputzdnjnilr1fwrnfq9r2.png)
चक्रपथमा डिभाइडर नाघेर लेन क्रस गर्ने सरकारी गाडीका चालक प्रहरीकाे कारबाहीमा
![मकवानपुरमा जंगली च्याउ खाँदा एकै परिवारका ५ जना बिरामी](https://snowberry.prixacdn.net/media/gallery_folder/mushroom-chayu_KG3j0TeTd6_7e0yqbeyrfhy9wrbs109mjzs4uwvldpn4upbuikjvwduyfv5ekojstfp8kfd_JMHXq3uzyI_qvncmhdfp8uax3wl0ozd6j01piysxbshzuoywzfbpraarjwzjklqdcpwknw1.jpg)
मकवानपुरमा जंगली च्याउ खाँदा एकै परिवारका ५ जना बिरामी
![नेपालगन्जमा घर बीमा कार्यक्रम कार्यान्वयनमा](https://snowberry.prixacdn.net/media/gallery_folder/bima_VdaFHTmAPZ_go0iuck51f4amp5qp4aqzw1kqv4kfzkljnexnshve05yii9rgd0v9jeiuhvv_hj2vwliiA9_h6inyzyiznlsy8roqeztyzp8pmjcv6ykwrci3e3re06v9ui7j3qtdb2x6dmh.jpg)
नेपालगन्जमा घर बीमा कार्यक्रम कार्यान्वयनमा
![पहिरोले गाईघाट–दिक्तेल सडक अवरुद्ध](https://snowberry.prixacdn.net/media/gallery_folder/download%2520(1)_7iTm5NRvS6_ytd5osr1sjn0g2ihp5onovz7ja3xukaggyybnquhqkpg4hoixoupvt2fnpdb_VOVNlqylya_wxkpnywfryjuoh6eiqnq1e8fzjpvbqzmhtaeennxnla9eamcd3xmqqhj7jog.jpeg)
पहिरोले गाईघाट–दिक्तेल सडक अवरुद्ध
![सर्लाहीको मकैबारीमा महिलाको शव फेला](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
सर्लाहीको मकैबारीमा महिलाको शव फेला
![सुदूरपश्चिममा मन्त्रालय फुटाएर विना विभागीय मन्त्रीहरूलाई जिम्मेवारी, कसले कुन मन्त्रालय पाए ?](https://snowberry.prixacdn.net/media/gallery_folder/Dirgha-Sodari_IRcBa2p5J8_dmzosttvnciqyoepka5mwu7ruag33ik0fekaymxukqbdfwkst0rtcuav7cjl_djlVmCd9Pe_gj1c2ucpuvrkrqx1mki2mzbgpki9lpmzc8xnqgryj8qhe3zlcvwhxm7uesxu.jpg)
सुदूरपश्चिममा मन्त्रालय फुटाएर विना विभागीय मन्त्रीहरूलाई जिम्मेवारी, कसले कुन…
![मकवानपुर जिल्लाको १६ वटा विद्यालयहरूमा एसईई नतिजा शून्य](https://snowberry.prixacdn.net/media/gallery_folder/exam-final_T5S6IFYFYR_jBL5V9m6pU_znmik5h9xen8d1daeahgb2sudp0hoznjffeakl4mmkbfbmhjfvkml74p83zc_Q3YRK5H85j_glpcahulzzux8vsfpb0y2zzvswhynrjgeewyltuzoqfeoma62pow05npbioc.jpg)
प्रतिक्रिया