एकीकृत समाजवादीद्वारा महाधिवेशनमा प्रस्तुत गरिने प्रतिवेदनमाथि छलफल
![](https://snowberry.prixacdn.net/media/gallery_folder/1719471926_bn-1200x560_iWaVZLYu4x_ua2peelaqymplkqbllzpjmwe196olaeabymblhljhd2itjeiq1dhog4f3wzt_64szg8lN7Q_uii18myyczmey1mhkzp1ywlu1o43ezhhnsmoyzoqcc6z1iscs3aegsj2mlr7.jpg)
काठमाडौँ, १३ असारः नेपाल कम्युनिष्ट पार्टी (एकीकृत समाजवादी)को आसन्न महाधिवेशनमा प्रस्तुत गरिने चार प्रतिवेदनमाथि सातै प्रदेशमा छलफल सम्पन्न गरेको छ । राजनीतिक प्रतिवेदन, समाजवादी कार्यक्रम, विधानसम्बन्धी र साङ्गठनिक प्रतिवेदनलाई साझा दस्तावेज बनाउन सबै प्रदेशका मातहतका कमिटीमा प्रतिवेदनमाथि छलफल गर्न पठाइएको थियो । सबै प्रदेशले सुझाव समावेश गरी केन्द्रमा पठाएका छन् ।
सबै प्रदेशमा खुला छलफल गरी मातहत कमिटीले केन्द्रमा पठाएका सुझाव समावेश गरी केन्द्रीय चारवटा प्रतिवेदनलाई केन्द्रीय सचिवालय बैठकले सर्वसम्मतिले अनुमोदन गरेपछि एउटै दस्तावेज बनाएर महाधिवेशनमा लैजाने पार्टी स्थायी समिति सदस्य आलोक रायमाझीले जानकारी दिनुभयो । असार १६ देखि २० सम्म काठमाडौँस्थित नेपाल प्रज्ञा प्रतिष्ठानमा हुने महाधिवेशनमा प्रस्तुत गरिने छ । पार्टीका नीति तथा कार्यक्रम पारित तथा नयाँ नेतृत्व चयन गर्ने विषयमा थप एकताबद्ध गर्ने विश्वास गरिएको छ ।
पार्टी अध्यक्ष एवं पूर्व प्रधानमन्त्री माधवकुमार नेपालले राजनीतिक प्रतिवेदन, सम्मानित नेता झलनाथ खनालले पार्टीको समाजवादी कार्यक्रम, उपाध्यक्ष बेदुराम भुसालले विधान संशोधन र महासचिव घनश्याम भुसालले साङ्गठनिक प्रतिवेदन तयार पार्नुभएको हो ।
राजनीतिक प्रतिवेदनमा राष्ट्रिय एकता, सामाजिक, सांस्कृतिक पक्ष उल्लेख गरिएका छन् । उक्त प्रतिवेदनमा मुलुकको समसामयिक परिस्थिति, राजनीतिक अवस्था, राष्ट्रिय तथा अन्तर्राष्ट्रिय परिस्थिति, पार्टीको आगामी कार्ययोजनासमेत प्रस्तुत गरिएको छ ।
प्रतिवेदनमा समाजवादको स्वरुप, आर्थिक रुपान्तरणका साथै वैज्ञानिक समाजवादका विषय छन् । मुलुकमा सामाजिक न्याय, समानतासहित विकास तथा समृद्धिका लागि समाजवादी व्यवस्था कार्यान्वयनमा जोड दिइएको छ ।
विधान दस्तावेजमा पार्टीमा तल्लो तहदेखि माथिल्लो तहसम्म निर्वाचित हुनुपर्ने, सबै कमिटीलाई लोकतान्त्रिक पद्धतिबाट अनुमोदित गराउने विशेषता छ । कायम रहेको ७० वर्षीय उमेरहद हटाउने भनिएको छ । युवा सहभागिता वृद्धि गर्ने विषयलाई प्राथमिकता दिइएको छ ।
साङ्गठनिक दस्तावेजमा देशभर पार्टी सङ्गठनको अवस्था, आगामी योजना तथा कार्यक्रम, सशक्त सङ्गठन निर्माणका विधि, महाधिवेशन केन्द्रित अभियान उल्लेख छन् । सशक्त पार्टी निर्माणका लागि सङ्गठनको महत्त्वपूर्ण भूमिका उल्लेख गरिएको दस्तावेजमा पार्टी निकट सबै सङ्गठन जनहितमा परिचालन गर्नुपर्नेमा जोड दिइएको छ ।
पार्टी अध्यक्ष नेपालको नेतृत्वमा गठित महाधिवेशन मूल व्यवस्थापन समितिले मातहतका अन्य १३ कमिटीले गरेका सम्पूर्ण काम महाधिवेशन केन्द्रित गर्न भनिएको छ । उक्त समितिले महाधिवेशनका आवश्यक सबै काम अन्तिम चरणमा पुगेको जनाएको छ ।
पार्टी तथा जनसङ्गठनका सबै तहका कमिटीहरूले सम्पूर्ण कामलाई महाधिवेशन केन्द्रित गर्ने र महाधिवेशन प्रभावित हुनेगरी पार्टी सङ्गठनका कुनै गतिविधि नगर्न निर्देशन दिएको स्थायी समिति सदस्य रायमाझीले जानकारी दिनुभयो ।
पार्टीले देशभरबाट एक हजार आठ सय ४९ प्रतिनिधि छनोट गरेको छ । छनोट गरिएका प्रतिनिधिको कुल सङ्ख्याको पाँच प्रतिशत अर्थात् ९५ जना प्रतिनिधि मनोनयन गर्ने व्यवस्था छ । केही दिनमा ती प्रतिनिधि मनोनयन गरिने जनाइएको छ ।
तत्कालीन नेपाल कम्युनिष्ट पार्टी (एमाले) बाट करिब तीन वर्षअघि विद्रोह गरी गठन गरिएको पार्टीले आसन्न महाधिवेशनलाई दशौँ राष्ट्रिय महाधिवेशनका रुपमा दाबी गरेको छ । विसं २००६ मा कोलकातामा स्थापना भएको कम्युनिष्ट पार्टीको राजनीतिक उत्तराधिकारी मानेको एकीकृत समाजवादी पार्टीले अहिलेसम्म सम्पन्न भएका नौवटा अधिवेशनको स्वामित्व लिएर अहिलेको राष्ट्रिय अधिवेशनलाई दशौँ मानेको छ ।
![ओली–देउवा भेटले राजनीतिमा तरंग, बन्ला त कांग्रेस–एमाले समीकरण?](https://snowberry.prixacdn.net/media/gallery_folder/20240608026_kp-oli_deuba_SFw8E6uI7T_cilxhp7edcnqaxblwchairx5ove8t14kyvpcd3r0shocfj8vmlvhompch6ny_0FiNSiKEpW_gpa6oticslsvjs4czx0bplcupnbck0sgrsalc8jelq42cwndz7nar9msxdjf.png)
ओली–देउवा भेटले राजनीतिमा तरंग, बन्ला त कांग्रेस–एमाले समीकरण?
![रास्वपाका मकवानपुर जिल्ला सचिवालय सचिव भुवन खनालसहित ६ जनाले पार्टी परित्याग](https://snowberry.prixacdn.net/media/gallery_folder/raswapa_6f5cysrhlx_B2zTVktNy6_il2m7zhnjfrranuxfgswnvjflu7mbm9fql7cz53kvp3vcm3yz2ss9xg3epqx_I2se0leq2d_yquuxsuydr9v62yy8p1sme7vdwlnm7stylul4ft6nqsgcbijdpxb10cdavm3.jpg)
रास्वपाका मकवानपुर जिल्ला सचिवालय सचिव भुवन खनालसहित ६ जनाले पार्टी परित्याग
![नेकपामा एस वरिष्ठसहित ७ उपाध्यक्ष रहने](https://snowberry.prixacdn.net/media/gallery_folder/madhav-nepa_PVxfNGnP35_p3tkrialnoehivzw1ews4u365mtkbzxvm3dlrryllo7ip0sg1j64nmyeasm0_bEes3eJxwK_x5uyreufh8pyevavcbj8istfwliok543wmazilj8giv0k89ivbw6q6nhzorw.jpg)
नेकपामा एस वरिष्ठसहित ७ उपाध्यक्ष रहने
![‘महाधिवेशनले कम्युनिष्ट सिद्धान्तलाई समयसापेक्ष परिमार्जन गर्ने’](https://snowberry.prixacdn.net/media/gallery_folder/Madhab_nepal_FZOqbY8pup_gpoods2mlrgtlw6hkccvu9sdw7mzwpszyfgixv8heblngqleozbygu5ugnze_WqCZ9ucHaw_bpncoti0hslytudizjst7f9qpilqpvzw2rokuy69agqrrz7dgiarurb5etvk.webp)
‘महाधिवेशनले कम्युनिष्ट सिद्धान्तलाई समयसापेक्ष परिमार्जन गर्ने’
![भ्रष्टाचार गरेको प्रमाण लिएर आए राजनीतिबाट संन्यास लिन्छु : कांग्रेस उपसभापति गुरुङ](https://snowberry.prixacdn.net/media/gallery_folder/dhanraj_1639585845_QadOtA6EQi_b948inzlp7xfpvbahnayfulinbmebrrm8jpmpfzdyb2ksylskedx7acksqdp_C3PP3nBP6n_vqwo5j9pv6td8cuevgfd0eu0rgkpxrbgt8qecpgm6zgax4ajvrptt8ynhykx.jpg)
भ्रष्टाचार गरेको प्रमाण लिएर आए राजनीतिबाट संन्यास लिन्छु : कांग्रेस उपसभापति …
![‘क्रान्तिदेखि शान्तिसम्म, ऐतिहासिक फोटो प्रदर्शनी’ हुने](https://snowberry.prixacdn.net/media/gallery_folder/girija_g50OjMAhJC_jxwj943bgjpzzuguxqbcddrq8y4mcnqmjnllvzjux425rjzsuc5dv8qdnt7b_zMYFFQ0vkD_jwkndvivg7qtw7t6gsbyx0hv19xmecntfafd6dff8a8kyta2urdpidxwafdf.jpg)
‘क्रान्तिदेखि शान्तिसम्म, ऐतिहासिक फोटो प्रदर्शनी’ हुने
![आफ्नो कुरा नटेर्ने मन्त्रीलाई फेर्न प्रधानमन्त्री दाहाल लाई गगनकाे सुझाव](https://snowberry.prixacdn.net/media/gallery_folder/1654853625_gagan%2520thapa-480x320_ysqpynhzfX_vld3r6pm4mgtxogebnmel2pkrwulp5zliyjm1p5nzbqtogjescemkqfzfg7e_OwGrwjBLCk_p2bqjxbtnbf0lqziuzwhttjdjljsf2hiy5hpcnp43berf9uwgrepktoc6muf.jpg)
आफ्नो कुरा नटेर्ने मन्त्रीलाई फेर्न प्रधानमन्त्री दाहाल लाई गगनकाे सुझाव
![गाउँपालिकामा बेथिति अध्यक्षले मान्दैनन् कानुन,जबर्जस्ती राख्छन पीए](https://snowberry.prixacdn.net/media/gallery_folder/FB_IMG_1719073399161_kBlAGPeuVs_maxkzzkmbyxtdf7afq5cywo4djgjihysfxzeo9fmdyzui9hwxtuzoggp5xi3_nqCPENHI6g_gcydilgdafgldbebwprpcic5pt6bstmrz6z1ftcswbarctmem23jltghlidy.jpg)
प्रतिक्रिया