विभाजनको डिलमा रास्वपा, महामन्त्री ढकालले बुझाए विष्फोटक प्रतिवेदन
![](https://snowberry.prixacdn.net/media/gallery_folder/v_wuSleo2z79_0ihoger8pjexl5cga76e67k5nppjysu0dpljicrjdjejpyz7s5xnfh6c42ub_FRYFlaEQFs_t1ltpvxosik4e5rmoyoglgpjgm1wjrmfvak3q9gqkoleja1jzcrvwjirdi7d.png)
कामाण्डाै। चुनावको मुखमा पार्टी खोलेर एकाएक देशको चौथो ठूलो शक्तिका रुपमा राष्ट्रिय स्वतन्त्र पार्टी (रास्वपा) मध्यान्तर नहुँदै विभाजनको डिलमा पुगेको छ । रवि लामिछानेको नेतृत्वमा पार्टी गठन हुँदा उनीपछिको शक्तिशाली पदमा मनोनीत भएका डा मुकुल ढकालले विभाजनका लागि औपचारिक रुपमा दस्तावेज दर्ज गरेका छन् ।
डा ढकालले पार्टीभित्र घृणित राजनीति भइरहेको र केही नेताका कारण सिंगो पार्टीपंक्ति बदनाम हुनुपरेको भन्दै नेतृत्वमाथि गम्भीर आरोप पनि लगाएका छन् । उनले देश दौडाहाको समीक्षा प्रतिवेदन बुझाउँदै सभापति रवि लामिछाने, उनको सहयोगी टोली र उपसभापति डीपी अर्यालका कारण पार्टी बदनाम हुँदै गएको भन्दै स्पष्ट शब्दमा असन्तुष्टि प्रकट गरेका छन् ।
स्वर्णिम वाग्ले, मनीष झा, सोविता गौतम, गणेश कार्की, तोसिमा कार्की लगायत नेताहरूले रवि लामिछानेको कार्यशैलीमाथि प्रश्न उठाउँदै आएका हुन् । अब स्पष्टरुपमा पार्टीभित्र फरक मत राख्ने समूह संगठित हुने देखिएको छ ।
महामन्त्री डा मुकुल ढकालले पार्टीभित्र आफूमाथि घृणित राजनीति भएको भन्दै वक्तव्य सार्वजनिक गरेका छन् । महामन्त्री ढकालले पार्टी सभापति रवि लामिछानेलाई आफ्नो देशव्यापी समीक्षा यात्राको प्रतिवेदन बुझाउने क्रममा पत्र लेखेर पनि यही कुरा भनेका छन् । उनले सभापति लामिछानेलाई यात्राको समीक्षा प्रतिवेदन आफूमा मात्र सीमित नराखी जस्ताको त्यस्तै सार्वजनिक गर्न पनि आग्रह गरेका छन् । उक्त प्रतिवेदन सार्वजनिक नगरे आफूमाथि पार्टीले गरेको अन्याय हुने तर्क पनि गरेका छन् ।
‘यसमा मेरो पनि व्यक्तिगत राजनीतिको सवाल छ, मैले गर्दै नगरेको कामहरूलाई पनि मेरो नाममा थुपारिदिएर पार्टीभित्र घृणित राजनीति भयो,’ उनले पत्रमा लेखेका छन्, ‘मेरा कुरा के के हुन्, जनतालाई मैले कहिले भन्नै पाइनँ। नराम्रा जति मेरा, राम्रा जति सबै अरूका भए। मेरा कुरा पनि के छन्, त्यो जनताले थाहा पाउनपर्छ । मेरो पनि राजनीतिक अधिकार हो। यो प्रतिवेदन ११.३ लाख जनता जसले घण्टीमा भोट हाले, उहाँहरूले पनि थाहा पाउनुपर्छ। यो प्रतिवेदन सार्वजनिक नगरिनु ममाथि पार्टीले गरेको अन्याय हुन्छ । ममाथि न्याय गरियोस्, यो प्रतिवेदन जस्ताको तस्तै सार्वजनिक गरियोस्।’
इलामको उपनिर्वाचनमा नराम्रोसँग पराजय व्यहोरेपछि रास्वपाले आन्तरिक समीक्षा गर्न महामन्त्री ढकाललाई गत जेठ ६ गते देशव्यापी यात्रामा पठाएको थियो। असार ५ गते उनी काठमाडौँ आइपुगेका थिए । यस क्रममा उनले ३८ वटा जिल्लाका २०७९ जनाभन्दा बढीसँग दोहोरो अन्तर्क्रिया गरेको प्रतिवेदनमा उल्लेख गरेका छन् । उनले प्रतिवेदन बुधबार सभापति लामिछानेलाई बुझाएका हुन् ।
पत्रमा उनले भनेका छन्–
उपरोक्त सम्बन्धमा पार्टीको निर्देशन बमोजिम म पार्टीको राजनीतिक यात्राको समीक्षा गर्न देशका विभिन्न जिल्लाका पालिकाहरुमा पुगी पार्टीको संगठन, राजनीतिक चरित्र, आर्थिक व्यवस्थापन, पार्टीका नेता, उम्मेदवार छनौट तथा राष्ट्रका विविध विषयहरुका सन्दर्भहरुमा केन्द्रित रही अन्तरक्रिया गरी फर्केको विदितै छ।
जेठ ६ गते पार्टीको केन्द्रीय कार्यालय घण्टीघरबाट शुरू गरेको समीक्षा यात्रा, ३८ वटा जिल्लाको माटो छोइ, २०७९ जनाभन्दा बढीसँग दोहोरो अन्तर्क्रिया गरी, महलदेखि जङ्गलसम्म बस्ने जनतासँग भेटी, हिमाल, पहाड, मधेस, तराईका सुगमदेखी दुर्गमका बस्ती पुगी, ८० किलोमिटर पैदल यात्रा र ४२१६ किलोमिटर सडक यात्रा गर्दै, कतै पिच सडक, कहिले भखरै ट्रयाक खोलिएका सडक हुँदै अन्त्यमा सुरूङ् मार्गबाट काठमाडौं प्रवेश गर्दै असार ५ गते, घण्टीघर काठमाडौँ आइपुगेर यात्रा समापन गरें ।
उक्त समीक्षा यात्राको प्रतिवेदन यसै पत्रसाथ सभापति ज्यूसमक्ष पेश गर्दछु । यो प्रतिवेदन पार्टीले पार्टीको समकालीन वस्तुस्थितिको यथार्थ चित्रण गर्नुकासाथै पार्टीले लिन पर्ने दिशाका सम्बन्धमा मार्गदर्शन समेत गर्ने मेरो विश्वास रहेको छ । त्यसैले यो प्रतिवेदन सबै तहका पार्टी पंक्ति तथा आम नेपालीमाझ प्रस्तुत गरिनुपर्छ भन्ने मेरो मान्यता रहेको छ । यसलाई तपाईमा सीमित नराखी सम्पूर्ण सरोकारवालासम्म पुर्याइदिनुहुन हार्दिक अनुरोध समेत गर्दछु ।
यसमा मेरो पनि व्यक्तिगत राजनीतिको सवाल छ । मैले गर्दै नगरेको कामहरूलाई पनि मेरो नाममा थुपारिदिएर पार्टीभित्र घृणित राजनीति भयो । मेरा कुरा के के हुन्, जनतालाई मैले कहिले भन्नै पाइन । नराम्रा जति मेरा, राम्रा जति सबै अरूका भए। मेरा कुरा पनि के छन्, त्यो जनताले थाहा पाउनपर्छ । मेरो पनि राजनीतिक अधिकार हो । यो प्रतिवेदन ११.३ लाख जनता जसले घण्टीमा भोट हाले, उहाँहरूले पनि थाहा पाउनुपर्छ । यो प्रतिवेदन सार्वजनिक नगरिनु ममाथि पार्टीले गरेको अन्याय हुन्छ । ममाथि न्याय गरियोस्, यो प्रतिवेदन जस्ताको तस्तै सार्वजनिक गरियोस् ।
![टी–२० विश्वकप विराट कोहलीको पहिलो अर्धशतक](https://snowberry.prixacdn.net/media/gallery_folder/Virat333_1NKNo5ISpf_4becI45LIF_oznxtrck0j2yp06o3pooi4vcavwmfelvldtqudhtw9devlunjn4ju9reybgd_KtU68Yvh91_yb3anqvxymcdimnf8hytdxx1phezubfcvtttdxsgcyfjkrp4zspgsa1ggasl.png)
टी–२० विश्वकप विराट कोहलीको पहिलो अर्धशतक
![गण्डकी प्रदेशसभा सदस्य फणिन्द्र देवकोटा पुनः मन्त्री बन्ने,आइतबार शपथ लिने](https://snowberry.prixacdn.net/media/gallery_folder/phanidra-devkota-1718365362_J1kXBjxT5p_sdsdjxg6y6qttyht8nocyz0ukzqikndpx2ebi6gyzg0fs00oxtinwnxsww0f_LUAWBrO0c0_81ulum4mjtifoijqss5xpnaahezolhxtl5r8wy1yhoi9oywqgqicthpudsrn.png)
गण्डकी प्रदेशसभा सदस्य फणिन्द्र देवकोटा पुनः मन्त्री बन्ने,आइतबार शपथ लिने
![कमेडी च्याम्पियन सिजन–३ को विजेता सुनील खड्का बने](https://snowberry.prixacdn.net/media/gallery_folder/comedy-champion3_XsW3M9UT1Z_4i935escatrqpamtplhahwgxks7fh3j6v0xv0pjayohrdbk1zvsk61sawoeq_d5X8ZO47Ym_hrswfhdyuu8lncuvakpo4tw0gqri8nmqp1cyx15wz4uy0oswqnvh1bopkxto.jpg)
कमेडी च्याम्पियन सिजन–३ को विजेता सुनील खड्का बने
![इराकको मस्जिदमा विस्फोटक उपकरण फेलाः राष्ट्रसङ्घीय एजेन्सी](https://snowberry.prixacdn.net/media/gallery_folder/a7ee309930c5e7cd80e745af4925253bdb6e1fac_29lQxAJpPT_oz43vfmrzeqo0plhvibgp5c25mzb5wrbsd29ifartv3itc7uis4lgru2bqk9_LpYDEXKSq0_wpwozfqoi91rktmyxksk8uz7kvqk60tbcccqhxdxoqtsg6rhchu7dmzhbb5i.jpg)
इराकको मस्जिदमा विस्फोटक उपकरण फेलाः राष्ट्रसङ्घीय एजेन्सी
![किसानको चिन्ताः कृषिलाई प्रविधिसँग नजोडे केही वर्षमै खाद्यसङ्कट हुनसक्छ](https://snowberry.prixacdn.net/media/gallery_folder/1_Ej9j0Ab3ON_iujhqktdi5ptndrrch9fyzpz73jxvgujqh9kpbpabwgbiorktmxkbg6lvo9o_tTmyvXkxBG_t9d1gfzkbh4omh4gvxxrtfomtiarechxkikt8ooj6ieefkm59mhjrlbwuzef.jpg)
किसानको चिन्ताः कृषिलाई प्रविधिसँग नजोडे केही वर्षमै खाद्यसङ्कट हुनसक्छ
![टी-२० विश्वकप २३ रनमा भारतले गुमायो दुई विकेट](https://snowberry.prixacdn.net/media/gallery_folder/india-rohit_BpcD7aglYu_wgrlcslttfuyun8nzv0py8hf2s4ysbfzelzv00hndldaovmjblctyjhp6rk4_PQVcZ3kkdL_enlnyhrvkqiwpswi67qw3ggccbcvaatv8iy281qpukeza47aqycto1hbhtct.jpg)
टी-२० विश्वकप २३ रनमा भारतले गुमायो दुई विकेट
![कविराजको व्यवसाय अरूका लागि पाठशाला](https://snowberry.prixacdn.net/media/gallery_folder/kabiraj%2520khanal_wl5nOq8SPn_7rhrm12ag6cmgh9pmgxxtqxqt3ysc5kjv9lj1alx5x13ine6sifmro1topjn_fCy4Q7PJGA_sfkjhntxsummi1znxcagif1xqtedopcigs2af4n9asrb8olftkpd33f3r5jf.jpg)
कविराजको व्यवसाय अरूका लागि पाठशाला
![तीन वर्षमा बन्ने भनिएको गेउरिया पुल १० वर्षसम्म पनि बनेन](https://snowberry.prixacdn.net/media/gallery_folder/Gauraya%2520Pul%2520(2)_YKenzzksOt_yumfzpwqgib1vbmhhznrwq5ejibrbxfeudg8r4oq05l70n4hxwkgkyt0zrn4_5kbxjAPnlg_unpb6zqk9ktyaquhvvtj1eia0jmcxyhkc4d53akuuyhztgcwri1dbq38spzw.jpg)
प्रतिक्रिया