के माधव नेपाल एकीकृत समाजवादीबाट पनि एक्लिँदै छन् ?
![](https://snowberry.prixacdn.net/media/gallery_folder/ekikrit_o3NaGxWkwm_aulhtksptqjhnutfrxuswl19kanphunuyiujya3v5qpgszjdvthrevbut1nn_r3KQ82TK3e_ngdsghjf2guqq5mn8l2odquwh2dx6lpzdq8dcg4jvpocsalqwtllsworxsxh.webp)
नेकपा एकीकृत समाजवादीको नेतृत्व चयनका लागि महाधिवेशन हुँदैन छ । यही मध्य असारमा हुन लागेको यो महाधिवेशन उनीहरूको पहिलो ठूलो भेला पनि हुनेछ । करिब १८ सय प्रतिनिधि हुने भनिएको महाधिवेशनमा चार सयभन्दा बढी त केन्द्रबाटै जानेछन्, जो स्थानीयस्तरबाट चुनिनुपर्दैन । अरू केही मनोनीत गरेरिनेछ । तर यति हुँदाहुँदै पनि माधव नेपालको अध्यक्ष बनिरहने चाहनामा भने ठूलो धक्का पुग्ने देखिएको छ ।
अहिलेसम्मको आकलनमा नेतृत्वको लागि तीन नेताले दौडधुप गरिरहेका छन् । वर्तमान अध्यक्ष माधवकुमार नेपाल, सम्मानित नेता झलनाथ खनाल र महासचिव घनश्याम भुसाल अध्यक्ष पदका आकांक्षी हुन् ।
नेताहरूको एउटा समूह सहमति गरेर नेतृत्व छान्ने प्रयासमा छ । सकेसम्म चुनाव नगर्ने भनेर लागिरहेका ती नेताहरुका उम्मेदवार भने फरकफरक नै छन् । असार ९ गते नेपाल र खनालका बीचमा पनि छलफल नभएको होइन । तर, प्रतिवेदन साझा बनाउन तयार भएका उनीहरु नेतृत्व भने एकअर्कालाई छाड्न तयार भएका छैनन् । अर्थात् सिद्धान्त र विचार त्यागेर सम्झौता गर्न दुवै जना तयार हुँदा पनि पदको दाबी छाड्न कोही तयार छैनन् ।
देशभरबाट १८ सय ७० प्रतिनिधिले महाधिवेशनमा सहभागिता जनाउनेछन् । त्यसमा मनोनयन गर्दा एक सय प्रतिनिधि थपिन सक्छन् । काठमाडौँको नेपाल प्रज्ञा प्रतिष्ठानमा असार १६ देखि महाधिवेशन हुँदै छ। बन्द सत्र असार १७ गते हुनेछ ।
नेपालले अध्यक्षमा दोहोरिने र खनालले चुनौती दिने तयारी भइरहँदा महासचिव बनेको १५ महिनामै घनश्याम भुसाल पनि अध्यक्षको प्रतिस्पर्धामा उत्रिने तयारीमा छन् । उनले पुस्तान्तरणको नारा अघि सार्दै पार्टीभित्रको युवा पंक्तिलाई आफ्नो पक्षमा एकत्रित बनाइरहेका छन् ।
तर एकीकृत समाजवादीमा भुसालको बेग्लै राजनीतिक संयन्त्र वा संगठन छैन । पार्टी विभाजनभन्दा निकै ढिलो मात्र उनी एमालेबाट एकीकृत समाजवादीमा पुगेका हुन् । त्यसैले उनको स्वीकार्यता पनि पार्टीमा कमजोर हुने हो कि भन्ने भय छ । देशभरबाट छानिएका प्रतिनिधि हेर्दा एक्लै चुनाव जित्न नसकिने उनको विश्लेषण छ । त्यही भएर सकेसम्म माधव र झलनाथ दुवैलाई मिलाउने प्रयत्नमा उनी छन् ।
यदि त्यो प्रयास सफल नभए उनी खनालको साथ लिएर चुनाव लड्ने दाउमा छन् । एमालेभित्रको शक्ति संघर्षमा लामै समय माधवलाई साथ दिएका घनश्यामले अन्तिम समयमा साथ छाडेका थिए र एमालेमै बस्ने निर्णय लिएका थिए । त्यतिखेर नेपाल निकै कमजोर पारी लिएर एकीकृत समाजवादी बनाउन पुगेका थिए । त्यतिखेर पार्टी फुटाउन उकास्ने प्रेम आलेमगरदेखि मेटमणि चौधरी र किसान श्रेष्ठ अहिले एमालेमा जान खुट्टा उचालिरहेका छन् । उनीहरु मन्त्री बन्ने लोभमा र कुनै अदृश्य शक्तिबाट प्रभावित भएर मात्र एमाले विभाजनका लागि तयार भएको आकलन अहिले नेपाल पक्षमा गरिँदै छ ।
तर वैचारिक नेताका रूपमा चिनिएका भुसाल २०७१ मा सम्पन्न एमालेको नवौँ महाधिवेशनमा सबैभन्दा बढी मत ल्याएर उपमहासचिव निर्वाचित भएका थिए । ०७७ पुस ५ मा एमाले अध्यक्ष समेत रहेका प्रधानमन्त्री केपी शर्मा ओलीले संसद् विघटन गरेपछि एमालेभित्र शक्ति संघर्ष चर्किँदा उनी विरोधमा उत्रिए । माधवकुमार नेपाल र झलनाथ खनालसहितका नेता ओलीको कदमको विरोधमा उत्रिए । त्यसबेला भुसालले माधवलाई साथ दिए पनि एकीकृत समाजवादीमा गएनन् । २०७८ मंसिरमा सम्पन्न एमालेको दसौँ महाधिवेशनमा उपाध्यक्ष उठे पनि भुसाल पराजित भए ।
२०७९ असोज २३ गते भुसालले एमाले परित्याग गरे । २०७९ मंसिर ४ मा सम्पन्न प्रतिनिधि सभाको निर्वाचनमा रूपन्देही–१ बाट स्वतन्त्र उम्मेदवार बने ।
नेपालसहितको कांग्रेस–माओवादी गठबन्धनले समर्थन गर्दा पनि उनले जितेनन् । त्यसको डेढ महिनापछि २०७९ पुस २९ मा उनी एकीकृत समाजवादी प्रवेश गरेका हुन् । त्यसको भोलिपल्टै उनलाई सचिवालय सदस्य भएका उनी २०७९ चैत ५ गतेयता महासचिव छन् ।
अहिलेसम्म झलनाथ र घनश्याम एउटै प्यानलमा रहेको मानिएको छ । अन्तिम समयमा माधव नेपाललाई विस्थापित गर्ने सर्तमा झलनाथ र घनश्याम एक ठाउँमा उभिन सक्ने ठानिएको छ । यी दुई नेता एक ठाउँमा उभिए एकीकृत समाजवादीमा माधव एक्लिनेछन् । त्यो अवस्थामा माधव फेरि अपमान भयो भन्दै त्यही पार्टी फुटाउनतिर लाग्छन् कि एमालेमा फर्किन्छन्, दृश्य हेर्नलायक हुनेछ ।
![‘नेपाली क्रान्ति मौलिक चरित्रको’](https://snowberry.prixacdn.net/media/gallery_folder/images_ID08rvBIWQ_qp60uzuczutukczx9io44e6rjguuwurczl0jic8e16vphgvcweudwgqkyz6s_GJ0AdmbIpP_9k8atonqrfhr0ygzit7il6xpomq9i1qqnjrqyhirxljkl8ad3eanif59gwfd.jpeg)
‘नेपाली क्रान्ति मौलिक चरित्रको’
![‘प्रदेश मातहतका अस्पताललाई सर्वसुलभ र गुणस्तरीय बनाइने’](https://snowberry.prixacdn.net/media/gallery_folder/download%2520(3)_rvWBzZEWZ5_s5aib21gxqmaxrhplcxmlvqghxkdlut5phfaxiuc7pljcmto0whkggiteoko_2a5dKXFu5Q_oar9issal5kloqxbjf3pefj6586xzfyokifdsxnife8wyjrtl0qrlzobmtiq.jpeg)
‘प्रदेश मातहतका अस्पताललाई सर्वसुलभ र गुणस्तरीय बनाइने’
![तराईमा सुख्खा मौसमले दूध उत्पादनमा कमी](https://snowberry.prixacdn.net/media/gallery_folder/download%2520(2)_K4Ecg7RMcV_72wed2sa1zfuluyr2st7jthqcm5khcqeobaqbc9cmuafvfbz1u2gi8hram9i_RBEdFIQ6CO_jr8lfra6izxr0kgnm0e4spdclaxkhc0mg2qc3tntmzkr1pu3prtajugzbibn.jpeg)
तराईमा सुख्खा मौसमले दूध उत्पादनमा कमी
![जनअपेक्षा पूरा गर्न सम्पूर्ण लोकतन्त्रवादी राष्ट्रिय शक्ति एकताबद्ध हुनुपर्छः प्रधानमन्त्री](https://snowberry.prixacdn.net/media/gallery_folder/PM_YoYfYK31XQ_5conwblynkrd7nowuewevllpiowpomuipi3uvirzsokzd1ydzpfydkqitfke_8bZMNVqUnJ_txw0ivehgu5rszlizhvyaa0lxxrx4q51gb1atch5zgbuxnbjb1bqcnqjzy4u.jpg)
जनअपेक्षा पूरा गर्न सम्पूर्ण लोकतन्त्रवादी राष्ट्रिय शक्ति एकताबद्ध हुनुपर्छः प्रधान…
![पाकिस्तानको बलुचिस्तानमा वर्षाका कारण छ जनाको मृत्यु](https://snowberry.prixacdn.net/media/gallery_folder/661f7246a18ba.image_NVMgkmEU5N_1mkwrbnpmjew5ac8wkj5qi96o4p23qimtyyt0el4qi3yoowwypwdswfvsgio_HoLWwAJQ0I_yvrah91mqmebqgptjwovfautacshzp2mklcmfegvyrza350ucfhlvl4pd9ue.jpg)
पाकिस्तानको बलुचिस्तानमा वर्षाका कारण छ जनाको मृत्यु
![भारतको राजधानी नयाँ दिल्लीमा अचानक भारी वर्षाका कारण ११ जनाको मृत्यु](https://snowberry.prixacdn.net/media/gallery_folder/20210727110L_1627392167887_1627640822039_1627640838290_QZoutkrAA4_wi9qqcfwwwxvesu1cfmsovlm64nbv2zcpaucm1cbwihkeevivawvjellaauu_jk3AcpHnd2_6ljmvc2oaw9i8vcnvvi4sg8ezigzhjhfhmtemxhktxwgovyrdaaiozlsg8fh.webp)
भारतको राजधानी नयाँ दिल्लीमा अचानक भारी वर्षाका कारण ११ जनाको मृत्यु
![एन आई सी एशिया बैंकद्वारा Mastercard Issuance सेवा शुभारम्भ](https://snowberry.prixacdn.net/media/gallery_folder/IMAGE%2520on%2520launch%2520of%2520Mastercard%2520service-2_dXhEWATrtF_tleabbabwrmwp7qyloknlxmidprxyf0qmopvqhlr1sosjdj51oj5o6eee4un_j6oIO5h5YH_w87saygaoewlzvvwjthqogrxujpbe0aieg9gva9hi2bxsld4p18qtz2noqn2.jpg)
एन आई सी एशिया बैंकद्वारा Mastercard Issuance सेवा शुभारम्भ
![नक्कली भुटानी शरणार्थी प्रकरणमा पक्राउ परेका प्रतीकमाथि भोलि थुनछेक बहस](https://snowberry.prixacdn.net/media/gallery_folder/pratik-thapa1_4UdBlnXy3s_apz8z0gxrj7ckhdvxvcd42gd2e2qnr6jbrbxe44crw3khfwednpq9p8n1e4r_wtKi9B0ZSl_x8ryacjcmkmcykodirus03r6i0i8wjvoa3becyeuflwgkudzc0rfqwwm8fmb.jpg)
प्रतिक्रिया