वर्षायाम प्रारम्भ भएसँगै गौरीगञ्जवासीमा बाढीको त्रास
![](https://snowberry.prixacdn.net/media/gallery_folder/%25E0%25A4%2589%25E0%25A4%2589%25E0%25A4%2589%25E0%25A4%2589%25E0%25A4%2589%25E0%25A4%2589%25E0%25A4%2589%25E0%25A4%2589_UO3qLw2nr3_ykni1axycv9ljauak93oipfypls4chip68mpygap7iynsftwpwtd3xh9zhsc_m0D8z1DS87_dkjtbiu32309jsxzbfclk0sip7v6eu4salpbb93r1p5vxr4yglftwl9fcsne.jpg)
काठमाण्डाै, ७ असारः आकाशमा कालो बादल मडारिनेबित्तिकै गौरीगञ्ज गाउँपालिका–१ होक्लाबारीकी ओस्नी राजवंशीको मन अधीर हुन्छ । वर्षासँगै घर नजिकको नदीमा आउने बाढीबाट आफ्नो र परिवारका सदस्यको ज्यान जोगाउने चिन्ताले उहाँलाई सताइरहन्छ ।
गाउँ नजिकबाट बगेको कनकाईमा बाढी आउँदा वर्षौँदेखि गाउँ डुबानमा पर्दै आएको उहाँले सुनाउनुभयो । होक्लाबारीका अधिकांश बासिन्दा विपन्न छन् । वर्षा सुरु भएसँगै त्रसित उनीहरू कनकाईमा पानीको सतह बढेको नियालिरहन्छन् । राति निद्रामा रहेका बेला बस्तीमा बाढी पस्ने पीरले उनीहरू निश्चिन्त निदाउन सक्दैनन् । प्रत्येक वर्षको वर्षायाम यसरी नै बित्ने गरेको छ ।
बस्तीमा बाढी पस्न नदिन भरपर्दो बाँधको व्यवस्था नहँुदा बर्सेनि सास्ती झेल्नु परेको वडा नं १ का सदस्य राजभक्त सुनुवारले बताउनुभयो । विसं २०७४ देखि नै जनप्रतिनिधि बन्नुभएका उहाँले नदीकटान र बाढी नियन्त्रण रोक्न प्रदेश र सङ्घीय सरकारको सहयोग नहुँदा समस्या भएको बताउनुभयो । उहाँले जनताको तटबन्धन कार्यक्रममार्फत बाँध बाँध्न पटकपटक माग गर्दा सुनुवाइ नभएको गुनासो गर्नुभयो । “हाम्रो पीडा कसले बुझ्ने ?, पालिकाको थोरै बजेटले बाँध बनाउन पुग्दैन”, उहाँले भन्नुभयो, “कुन बेला खोलामा बगेर मरिएला भन्ने त्रासमै बित्ने गरेको छ बर्खा ।”
होक्लाबारी बाढीजन्य विपद्को उच्च जोखिम भएको बस्ती हो । सो क्षेत्रका एक सय तीन परिवारलाई पूर्वमा कनकाई र पश्चिममा कमल बनियानी खोलाले घेरेको छ । यी दुईले एक सय ५० भन्दा बढी परिवार बसोबास गर्दै आएको गौरीगञ्जकै सिमलडाँगी, टप्पुबस्ती र कुञ्जीबारीमा हरेक वर्षायाममा आतङ्क सृजना गर्दै आएका छन् ।
बस्तीमा बाढी पस्नेबित्तिकै होक्लाबारीका बासिन्दालाई सुरक्षित स्थानमा सार्न इन्द्रेणी आधारभूत विद्यालयलाई आश्रयस्थल तोकिएको वडा सदस्य सुनुवारले बताउनुभयो । उक्त विद्यालय नै कनकाई र कमल बनियानीको बाढीको चपेटामा पर्नसक्ने उहाँले बताउनुभयो ।
बर्खाका बेला होक्लाबारी क्षेत्रमा आवागमनका लागि डुङ्गा नै चलाउनुपर्ने बाध्यता छ । पालिकाले सो क्षेत्रका बासिन्दाको सुविधाका लागि डुङ्गाको व्यवस्था गरिदिएको छ । गौरीगञ्ज गाउँपालिकाका अध्यक्ष फूलमति राजवंशीले गौरीगञ्जको वडा नं १ र २ अन्य वडाको तुलनामा बढी विपद्को जोखिममा रहेको बताउनुभयो । उहाँले वर्षाका कारण हुने विपद्को पूर्वतयारी पूरा गरिसकेको जानकारी दिनुभयो । “आपत्कालीन अवस्थामा अपनाउनुपर्ने सबै सावधानीको तयारी गरेका छौँ”, उहाँले भन्नुभयो, “राहत कोष र आवश्यक विपद् सामग्रीको तयारीसँगै प्रभावित क्षेत्रको अवलोकनसहित तथ्याङ्क सङ्कलन गरिसकेका छौँ ।”
अध्यक्ष राजवंशीले स्थानीय सुरक्षाकर्मी, सरकारी तथा गैरसरकारी सङ्घसंस्थासँग विपद् व्यवस्थापन संयन्त्र तयारी अवस्थामा रहेको जानकारी दिनुभयो । वडा नं १ कै कुञ्जिबारी, टाप्पुबस्ती, बिर्खेबस्ती, माझीगाउँ पनि बाढीको उस्तै त्रासमा रहेको छ । जिल्लाका झापा, कचनकवल गाउँपालिका र शिवसताक्षी नगरपालिकामा कनकाई नदीमा आएको बाढी गाउँमा पस्दा स्थानीयवासी विस्थापित हुन थालेको जिल्ला प्रहरी कार्यालय झापाले जनाएको छ ।
झापाका १५ स्थानीय तहका नौ हजार नौ सय १९ परिवार बाढीको उच्च जोखिममा रहेका जिल्ला विपद् व्यवस्थापन समितिले जनाएको छ ।
–––
![झापामा कमल खोलाले बगाउदा दुई बेपत्ता](https://snowberry.prixacdn.net/media/gallery_folder/badhi13-1024x571-1_V8aGlixdmc_z7u3fqtgsmmccbxfoktpbhlqkhwiachowzj9gpnn2baxbrlwykzq4vauzeot_EDcR8Q0Bqj_gwr16cycdyztydl3rldanruxgobznyqoolut4zd9boeoizcc8nt4t69shckc.webp)
झापामा कमल खोलाले बगाउदा दुई बेपत्ता
![शुक्रबारदेखि आगामी तीन दिन देशभर वर्षाको सम्भावना](https://snowberry.prixacdn.net/media/gallery_folder/2322_MlMunuU3fi_jctepsumprys6pn81aspa6yfrbk9aaxbmxzcd0b7fn4cobyvnstcr7p0kcct_8hbV6anYhp_lotwg4tqaux9wjlihpiuygxx4bgpjg2fpk4qhy13ficscrxk2ydjzmeao1nu.jpg)
शुक्रबारदेखि आगामी तीन दिन देशभर वर्षाको सम्भावना
![बढ्दो गर्मी कारण पाकिस्तानीमा ६ दिनमै ५ सयभन्दा बढीको मृत्यु](https://snowberry.prixacdn.net/media/gallery_folder/635709121956331740-EPA-PAKISTAN-HEATWAVE_ZEwmyx1CLj_vgxculi1i65ufes7doswyegs83icr8agkazvipkqxaujhym5hl9v8bzh266x_Tf70Icc4UJ_gfinwaovuisk8zzl0v5u4cz71pjpr8uzsbzfedx84x0cygrx3e1enxguzfkw.webp)
बढ्दो गर्मी कारण पाकिस्तानीमा ६ दिनमै ५ सयभन्दा बढीको मृत्यु
![वायु प्रदूषणले बर्सेनि विश्वमा ८१ लाखको मृत्यु , नेपालमा झन्डै ५० हजार मानिसको मृत्यु](https://snowberry.prixacdn.net/media/gallery_folder/ktm-polution-1712662448_ywdBvkIrdY_du87ehoszdgubsobiclagxhgmxgju8limzzbtw45vbmbg9oit8et5htfa73v_u8VsF4D1VD_183puquolsd6cpw2f3qscitxobkhpolmc1tx4r0y4jswrffi7xavzuccne0j.jpg)
वायु प्रदूषणले बर्सेनि विश्वमा ८१ लाखको मृत्यु , नेपालमा झन्डै ५० हजार मानिस…
![चार प्रदेशमा अति भारी वर्षाको सम्भावना](https://snowberry.prixacdn.net/media/gallery_folder/rain_pani_barsha_mausam_weather_n99RLcMiP6_eUyMPkqZCB_stjplcasrxy8bbi9l45enxgc5vumwbohftavzqqp29krabtcv8cushk865ij_brilCZSyKu_uxots9qhrn6l5xwwef5gzbpxohmmblblockpcgwb3qtlbvfkua6kjoilx2we.jpg)
चार प्रदेशमा अति भारी वर्षाको सम्भावना
![राति कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका केहि स्थानमा भारी वर्षाको सम्भावना](https://snowberry.prixacdn.net/media/gallery_folder/images%2520(1)_eVVVMnb6aB_0j8flnovp5jgmk3j0y59der3wsfjbhol9sbplv5rh9thley6ugbgbwfmk6ob_eKZZo9aAXc_k7rjgv6cfgna7fpvbxrdpfvavmo6mv6yilv1biy7lzs3f4rkgz4c6telbywy.jpeg)
राति कोशी, बागमती, गण्डकी, लुम्बिनी, कर्णाली र सुदूरपश्चिम प्रदेशका केहि स्थान…
![पाकिस्तानको कराँचीमा अत्यधिक गर्मीका कारण २५ जनाको मृत्यु](https://snowberry.prixacdn.net/media/gallery_folder/garmi11658215563_7M2gNnuXHT_pc9o5pgxwzfa54ttj3g8xq5hgrm67e6jh84rioiwwlwddhayj8ioi99owjvz_dRhbJ14KK3_z4un1efjbt6lp0mpdhdaawccwg0lxupzxjkewaqkgzedqzwfx773jmzikfzs.jpg)
पाकिस्तानको कराँचीमा अत्यधिक गर्मीका कारण २५ जनाको मृत्यु
![कोसी, मधेस, बागमती, गण्डकी र लुम्बिनी प्रदेशका एक/दुई स्थानमा भारी वर्षाको पनि सम्भावना](https://snowberry.prixacdn.net/media/gallery_folder/rain-pani1687495797_7z0VcXysKe_0knbq9hfxxehugokxi1aak1xawnu2dhv3zubvsfexrshzicjeilijqrke357_x5Pan1K4A0_bof6apnvtl3pgxyagovrjldrc4kof8nmh5525xkuinw0n46qr8vhia9gwqxt.jpg)
प्रतिक्रिया