परराष्ट्रमा चर्चा सीके राउतको, सम्भावना अञ्जान शाक्यको
![](https://snowberry.prixacdn.net/media/gallery_folder/ttt_xi1gFR56Dq_iapnwvzvm5hhxcjnys32nexzb1bwnfmtxykt1izklvlpyjofte8jgz1vs0kt_u6gDckOWSG_matb57egzftyujokf1wycdvu4vmdftvv4sfdkye2ddpfrpf92hjopeubjs5k.png)
प्रधानमन्त्री पुष्पकमल दाहाल 'प्रचण्ड' नेतृत्वको सत्ता गठबन्धनले जनमत पार्टीका अध्यक्ष डा. सीके राउतलाई सरकारमा सहभागी हुन आग्रह गरेको भनेर प्रचार गरिँदै छ । सबैजसो मिडियाले अब उनलाई उपप्रधानमन्त्रीसहित परराष्ट्रको जिम्मेवारी दिन लागिएको भनेर लेखेका छन् ।
प्रधानमन्त्री प्रचण्ड र नेकपा एमालेका अध्यक्ष केपी शर्मा ओलीले राउतलाई सरकारमा सहभागी हुन आग्रह गरेका भनिएको छ । स्वयं प्रधानमन्त्री प्रचण्ड वा एमाले अध्यक्ष ओलीले उनलाई विभागैसहित प्रस्ताव भने पठाएको पाइँदैन । उपप्रधानमन्त्री र गृहमन्त्री रवि लामिछानेले प्रचण्ड र ओलीको तर्फबाट परराष्ट्र लिने गरी आउन सन्देश पठाएको कुराचाहिँ राउतले नै विभिन्न सञ्चार माध्यमलाई बताएको पाइन्छ ।
प्रचण्ड नेतृत्वकै सरकारमा यसअघि जनमत पार्टीको तर्फबाट अब्दुल खान र अनिता साह सहभागी भएका थिए । यसपालि जनमतले संघीय सरकारमा सहभागिताको विषयमा मुख खोलेको छैन । पार्टीबाट आधिकारिक निर्णय पनि गरेको पाइँदैन । जनमतले मधेस सरकारमा मुख्यमन्त्री पाइसकेको छ । उपेन्द्र यादव नेतृत्वको जसपा नेपाललाई विस्थापित गरी आफूले मधेस सरकारको नेतृत्व गर्न पाउनु नै जनमतले आफ्नो ठूलै उपलब्धि र जितकै रुपमा लिएको देखिन्छ । हुन पनि आफूलाई मधेसको मसिहा नै ठान्ने उपेन्द्रको विरासत ढाल्न सक्नु र त्यो स्थान भर्खरै उदाएको शक्तिले लिनु चानचुने सफलता भने होइन । भलै यसमा नेकपा एमालेदेखि माओवादीजस्ता शक्तिहरुको पनि साथ छ । माधव नेपाल नेतृत्वको एकीकृत समाजवादीले समेत अन्तिम समयमा उपेन्द्रको साथ छाडेर सीके नै रोजेको छ ।
प्रधानमन्त्री प्रचण्डले नागरिक उन्मुक्ति पार्टीलाई समेत समेटेर मन्त्रिपरिषद् पुनर्गठनको तयारी गरिरहेको छन् । उपेन्द्र यादव सरकारबाट बाहिरिएपछि उनको रिक्तता पूर्तिका लागि सीके राउतलाई सरकारमा सहभागी गराउनुपर्ने बाध्यतामा पनि प्रचण्ड रहेका छन् । २०७९ मंसिरको चुनावमा राउतले यादवलाई हराएका थिए । पछि २०८० वैशाखको उपचुनावमा यादव चुनिएर आएका हुन् । त्यहाँ पनि उनका लागि जनमत नै प्रमुख चुनौती बनेको थियो । प्रतिनिधि सभामा जनमतका ६ सांसद छन् । जबकि उपेन्द्र यादवसँग जसपाका ५ सांसद मात्र बाँकी छन् । ७ जना सांसदले उपेन्द्रको साथ छाडी नयाँ पार्टी गठन गरिसकेका छन् ।
प्रधानमन्त्री प्रचण्डले पहिलो चरणमै आफ्नो पार्टीबाट मन्त्री बनेकाहरु नारायणकाजी श्रेष्ठदेखि शक्ति बस्नेत र रेखा शर्मालाई हटाउने तयारी गरेका छन् । पर्यटनमन्त्री हितबहादुर तामाङको विभाग परिवर्तनको योजना छ । श्रेष्ठले पाइरहेको परराष्ट्र एमालेको कोटामा पर्छ । केवल उनको व्यवस्थापनमा प्रचण्डलाई सहज होस् भनेर मात्र केही समयका लागि ओलीले छाडिदिएको बुझिन्छ ।
अब भने एमालेले परराष्ट्र छाड्ने छैन । एमाले अध्यक्ष ओलीले परराष्ट्र मन्त्रालयमा अञ्जान शाक्यलाई ल्याउने सम्भावना बढेको छ । एमालेको उच्च स्रोत अनुसार अहिलेसम्मको इतिहास हेर्दा ओलीले आफूनिकट खासखास मान्छेलाई अवसर दिएपछि मात्र अन्य नेता–कार्यकर्तालाई सम्झिने गरेका छन् । ओलीकै प्रतापका कारण शाक्यले परराष्ट्र मामिला अध्ययन प्रतिष्ठानको उपकार्यकारी निर्देशक, इजरायलको राजदूत, राष्ट्रिय योजना आयोगको सदस्य र राष्ट्रिय सभाको सदस्यको अवसर पाइसकेकी छन् । यी कुनै पनि पद चुनाव लड्नु नपर्ने तर पार्टीको भागमा परेर खान पाइने पद हुन् ।
अब त उनी सांसद नै भइसकिन् । मन्त्रीका लागि योग्यता पनि पुगिसक्यो । पूर्वराजदूत र परराष्ट्र मामिला अध्ययन प्रतिष्ठानको अनुभवले उनलाई परराष्ट्र मन्त्रालयबाहेक अरु कुन विभाग सुहाउला र ? त्यसैले यो सरकार एक दिन र एक छिन मात्र टिक्यो भने पनि एमालेबाट परराष्ट्रमन्त्रीको अवसर पाउने पहिलो र एक मात्र पात्र अञ्जान शाक्य हुनेछन् भनेर एमालेकै प्रायः नेताहरूको ठोकुवा छ । ती नेताहरुकै शब्दमा भन्दा, अञ्जान शाक्यजत्तिको योग्य अर्को पात्र न झापामा छन्, न त ओली थरकै अर्को व्यक्ति उनको नगिचमा देखिन्छन् । यस्तो अवस्थामा अञ्जान शाक्यबाहेक अर्को व्यक्ति परराष्ट्रमन्त्री हुनै सक्दैनन् ।
![इन्दु वर्माकाे कप्तानिमा एसिया कपका खेल्ने लागि नेपाली महिला टोली घोषणा](https://snowberry.prixacdn.net/media/gallery_folder/unnamed_M9R5vGAGJ4_ddxdbc88e4z0evpbvw5melppcwupu11yu6cvv5lo5bfgxirccued1crc30ls_w4GBJMNZJe_bnkexmwjgmwr2bkr0o9l9nhgsnd7fpqbuovjh7xdy1ip9bouqt3lxenuawda.png)
इन्दु वर्माकाे कप्तानिमा एसिया कपका खेल्ने लागि नेपाली महिला टोली घोषणा
![विपद् व्यवस्थापनमा परिचालन हुन प्रहरीलाई निर्देशन](https://snowberry.prixacdn.net/media/gallery_folder/nepal-police_0wQapf461P_ytg8ga6kfwbxdthiokly9rv7af1roqc3x9b1pc5i90wbr1yhwhdgcst6y9ex_KAFCjtoD4F_jtyxxepepwuut3bjj8gxmrhaqhosjf1njzj9metrn5twiwtlnw4zh4weysmo.webp)
विपद् व्यवस्थापनमा परिचालन हुन प्रहरीलाई निर्देशन
![विपदमा परी १४ जनाको मृत्यु, दुई बेपत्ता](https://snowberry.prixacdn.net/media/gallery_folder/Pahiro_Lamjung_kbBfsjDXyn_CO1wK4loOl_ziudlrwdqfvnx68j7vlt6r4e528gdpa4ljwblkvoqcadevazzuhw8gdwkprk_uId6fRSaDS_cimk3rdlpu8sqywmpjyoyl2h8l5jnhzesh0svxw8xiybx1uxpxryesla7txw.jpg)
विपदमा परी १४ जनाको मृत्यु, दुई बेपत्ता
![नक्कली शैक्षिक प्रमाणपत्र पेस गरेर जागिर खाने दुई शिक्षकलाई सजाय](https://snowberry.prixacdn.net/media/gallery_folder/download_RoglHQz1zn_m20eeqhj0rl8q1cjxtgrflb6k8qxzvhxgstighfuddl9hv5jxkjc4vwtf5pq_Qb22ZYUKna_pa52djbf0olld1yejyjixcghgjrnnr95qm5ejo38vmbephsslokabnnkgcga.jpeg)
नक्कली शैक्षिक प्रमाणपत्र पेस गरेर जागिर खाने दुई शिक्षकलाई सजाय
![वन कार्यालय जलेश्वरमा भ्रष्टाचार : ६ जना कसूरदार, १८ ले पाए सफाइ](https://snowberry.prixacdn.net/media/gallery_folder/download_AMDZfVkzrL_ub0rlu0k4bdm2a5ky0br04ara2fdufisr0bk0qd6asoldpezgwsfr4cecyjm_QImnfLVQ1E_kmjhq495p8ojydxfwzcjs8suvva9jydllinglqzcurtzlzqg17kqbyezl4hw.jpeg)
वन कार्यालय जलेश्वरमा भ्रष्टाचार : ६ जना कसूरदार, १८ ले पाए सफाइ
![असार १६ गतेदेखि निकुञ्ज सफारी बन्द हुने](https://snowberry.prixacdn.net/media/gallery_folder/jeep-safari-in-chitwan-national-park_pjE1DeU0C9_oiuxqy6zcpdgcnrl8odicimrj9msblzmikselqwvkwhuhpxwi693v3hztb1z_FP2a61XC9X_uxjdawkmiggjkgawbwv9vf5lp0ejdmet4a3ecifciis8rbeoz9afxpr2ubpg.jpg)
असार १६ गतेदेखि निकुञ्ज सफारी बन्द हुने
![वनक्षेत्र अतिक्रमण गरी बनाइएको भवनमा डोजर चल्यो](https://snowberry.prixacdn.net/media/gallery_folder/ban%2520_Fj2h3oUNAy_db40ra22wm9jmuqrz2ng0iqootslxk9ny0fuwaaxvgt07oh4n5xbagnv39cy_VRhp3PMISX_xqhntdhiewhfzf19mn4hsf2amqvnss6xgwyxugcast7fv01nytaxobvzktnr.jpg)
वनक्षेत्र अतिक्रमण गरी बनाइएको भवनमा डोजर चल्यो
![भेडीगोठले बुकीमा चहलपहल, बेंसी सुनसान](https://snowberry.prixacdn.net/media/gallery_folder/Bhedigoth_UJ6sBnqRVD_mba15d6nqxj6dkrkrvrhu2l6q49r8yvhtt1i3rkok5nsizt3pzzgyqsaepi9_QA4jYezlwm_ax551k0stiercif1s3trp7zwpqvmbkahpx4yzwxh73oy9kjq7vphl3oduniy.jpg)
प्रतिक्रिया