सुदूरपश्चिम प्रदेश सरकारद्वारा करको दरमा हेरफेर
![](https://snowberry.prixacdn.net/media/gallery_folder/sudurpakshim-sarkar1_Y4AA3uE3f3_N54HBAE9At_cv9ffxk5o1tasodx4wl9qmpmbw9vcouzl2wlgd1j3tcycsav8aljus4qd6os_ctICzQAut4_hu3bqorwmiql1njaolosa654s35xx5rb3ytj9tw7d9e6svm31dlxbgdevngh.webp)
सुदूरपश्चिम प्रदेश सरकारले आर्थिक वर्ष २०८१/८२ को बजेट कार्यक्रममार्फत प्रदेशको स्रोतको संरचनामा आन्तरिक राजस्वको हिस्सा बढाउन करको दायरा विस्तार र दरमा हेरफेर गरेको छ ।
करको दायरा विस्तार गर्न साधनस्रोत जनशक्ति व्यवस्थापन एवं कानुनी व्यवस्था भइनसकेका स्थानीय तहमा टाँगा, अटोरिक्सा, विद्युतीय रिक्सामा कर लगाउने र उठाउने व्यवस्था गरेको हो । यसैगरी सवारीसाधन कर, दस्तुर र शुल्कमा केही संशोधन गरिएको जनाइएको छ ।
प्रदेशभित्र विद्युतीय सूचना प्रणालीमा आधारित ‘राइड सेयरिङ एप’मार्फत् सार्वजनिक सवारीसाधन प्रयोग गरी सेवा दिने संस्थाको दर्ता र नवीकरण र दुईपाङ्ग्रे सार्वजनिक सवारीसाधन करसम्बन्धी नयाँ व्यवस्था गरिएको छ । कम्तीमा पाँच वर्ष वा सोभन्दा बढी अवधिसम्म नियमानुसार बुझाउनुपर्ने सवारीसाधन कर नबुझाएका र नवीकरण नगरेका सवारीसाधनको हकमा सवारीसाधन कर तथा नवीकरणको जरिवानामा ५० प्रतिशत छुट दिने व्यवस्था गरिएको छ ।
सामुदायिक तथा साझेदारी वनको आन्तरिक तथा बाह्य बिक्रीवितरणबाट हुने आम्दानीमा लाग्ने बिक्री शुल्कलाई क्रमशः १० प्रतिशत र २५ प्रतिशत कायम गरिएको छ । निजी तथा साझेदारी व्यवसायलाई औपचारिक अर्थतन्त्रको परिधिमा ल्याउन प्रोत्साहन गर्दै दर्ता तथा नवीकरण दस्तुरलाई कम गरिएको छ । नवीकरणको म्याद समाप्त भई पाँच वर्ष अवधि नाघिसकेका व्यवसायी नवीकरण गर्न आएमा जरिवानाको १० प्रतिशत लिने व्यवस्था गरिएको छ । घरजग्गा रजिस्ट्रेसनतर्फको सेवा शुल्कमा संशोधन गरिएको छ ।
प्रदेश सरकारको कूल आयको संरचनामा आन्तरिक राजस्व परिचालनको हिस्सा चार दशमलव २६ प्रतिशत मात्र छ । सङ्घ सरकारबाट प्राप्त हुने वित्तीय हस्तान्तरण र राजस्व बाँडफाँटको अंश ७० दशमलव चार प्रतिशत रहेको अवस्थामा प्रदेशको स्रोत संरचनामा आन्तरिक राजस्वको हिस्सा बढाउन कर तथा गैरकरको दायरा विस्तार गरी दरमा हेरफेर गरिएको बजेट वक्तव्यमा उल्लेख छ ।
प्रदेश सरकारको आगामी आर्थिक वर्षको बजेटमा रोजगारी सिर्जना, उद्यमशीलता विकास र गरिबी तथा आर्थिक असमानता न्यूनीकरणमा प्राथमिकता दिएको छ । कृषिक्षेत्रको विविधीकरण, आधुनिकीकरण तथा व्यवसायीकरण, पर्यटन क्षेत्रको पहिचान, संरक्षण, प्रचारप्रसार तथा विकास, दिगो र प्रतिफलमुखी एवं उत्थानशील भौतिक पूर्वाधार विकासलाई प्राथमिकता दिइएको छ । सरकारले आगामी आर्थिक वर्ष २०८१/८२ का लागि रु ३१ अर्ब ६२ करोड ९८ लाख २८हजार बजेट विनियोजन गरिएको छ ।
![विपद् व्यवस्थापनमा परिचालन हुन प्रहरीलाई निर्देशन](https://snowberry.prixacdn.net/media/gallery_folder/nepal-police_0wQapf461P_ytg8ga6kfwbxdthiokly9rv7af1roqc3x9b1pc5i90wbr1yhwhdgcst6y9ex_AI1wa1GUGJ_t9kdhvjkjld8wdrour4gc8yiwbldigctrmmaszfsmmvtdhri2nkwtfxtipli.webp)
विपद् व्यवस्थापनमा परिचालन हुन प्रहरीलाई निर्देशन
![विपदमा परी १४ जनाको मृत्यु, दुई बेपत्ता](https://snowberry.prixacdn.net/media/gallery_folder/Pahiro_Lamjung_kbBfsjDXyn_CO1wK4loOl_ziudlrwdqfvnx68j7vlt6r4e528gdpa4ljwblkvoqcadevazzuhw8gdwkprk_2PrdyoXAaT_ruuoopo8f0krlyc4hctefb5upxikcstzogudcnow5ogoyhb9n0rlxsl61jxz.jpg)
विपदमा परी १४ जनाको मृत्यु, दुई बेपत्ता
![नक्कली शैक्षिक प्रमाणपत्र पेस गरेर जागिर खाने दुई शिक्षकलाई सजाय](https://snowberry.prixacdn.net/media/gallery_folder/download_RoglHQz1zn_m20eeqhj0rl8q1cjxtgrflb6k8qxzvhxgstighfuddl9hv5jxkjc4vwtf5pq_3J0vgMbJkV_zpw5zzxqweyo1cdh1bzlkik1oq75ijihdyimh2qlph0cnkznlgb4hahia0tz.jpeg)
नक्कली शैक्षिक प्रमाणपत्र पेस गरेर जागिर खाने दुई शिक्षकलाई सजाय
![वन कार्यालय जलेश्वरमा भ्रष्टाचार : ६ जना कसूरदार, १८ ले पाए सफाइ](https://snowberry.prixacdn.net/media/gallery_folder/download_AMDZfVkzrL_ub0rlu0k4bdm2a5ky0br04ara2fdufisr0bk0qd6asoldpezgwsfr4cecyjm_Qy7sUxgiTR_k1tlnneebkwp5hca1bspilwwcafuyvgmlsjxg03kindd8zslx7rwysvywxub.jpeg)
वन कार्यालय जलेश्वरमा भ्रष्टाचार : ६ जना कसूरदार, १८ ले पाए सफाइ
![असार १६ गतेदेखि निकुञ्ज सफारी बन्द हुने](https://snowberry.prixacdn.net/media/gallery_folder/jeep-safari-in-chitwan-national-park_pjE1DeU0C9_oiuxqy6zcpdgcnrl8odicimrj9msblzmikselqwvkwhuhpxwi693v3hztb1z_7zMLN953hH_1odxzstx71ug3ubflgcqph6qdfypsofp6fvhipoxiiy42bmphhy3mb6ffphj.jpg)
असार १६ गतेदेखि निकुञ्ज सफारी बन्द हुने
![वनक्षेत्र अतिक्रमण गरी बनाइएको भवनमा डोजर चल्यो](https://snowberry.prixacdn.net/media/gallery_folder/ban%2520_Fj2h3oUNAy_db40ra22wm9jmuqrz2ng0iqootslxk9ny0fuwaaxvgt07oh4n5xbagnv39cy_cG1hMZ8FVR_ztlrt8surzggzwjjewlfh0lkohg2qacmcylte4d6lpkpitheovjzeakuzl5o.jpg)
वनक्षेत्र अतिक्रमण गरी बनाइएको भवनमा डोजर चल्यो
![भेडीगोठले बुकीमा चहलपहल, बेंसी सुनसान](https://snowberry.prixacdn.net/media/gallery_folder/Bhedigoth_UJ6sBnqRVD_mba15d6nqxj6dkrkrvrhu2l6q49r8yvhtt1i3rkok5nsizt3pzzgyqsaepi9_Q4QraBj6JK_yqzybxftt8bfdmfydccvpedb87mwcvjvwudtsojfvjmiz3jogy3i8lkmakeh.jpg)
भेडीगोठले बुकीमा चहलपहल, बेंसी सुनसान
![वर्णन मिडिया र्विफिङ : आज दिनभरका खबरहरु](https://snowberry.prixacdn.net/media/gallery_folder/ggggggggggggggg_IeEvAP7mzT_zsetfzzeqkatu8gxgwpkuvr0kkfxlwqw3bje14drvlvjtspz58itu0ybnfdl_GM93BHqZHA_8ze6b1hdpfqmdw5x2oxf1e8df1qbj7y2ypvrcjjekyfmqfaqbyks2zzfd4l9.png)
प्रतिक्रिया