कञ्चनजङ्घा एक्सप्रेस र मालगाडी ठोक्किँदा १५ जनाको मृत्यु, कसरी भयो दुर्घटना ?
![](https://snowberry.prixacdn.net/media/gallery_folder/viber_image_2024-06-17_21-08-32-477_tqJ4CONLWs_o4louu9m2penifysrsfoljtzjjqkw2u3y7p5vhrws5pgfpgzarrwhil0k5qp_jrYSBBRckP_sfwbuoiyeoz28lh3qpuqlhsgyhnnpeqnco78luwcfwlhli8lhxagxhuv398m.jpg)
पश्चिम बंगालको दार्जिलिङमा भएको रेल दुर्घटनामा १५ जनाको मृत्यु भएको छ । यस दुर्घटनामा ४६ जना घाइते भएका छन् ।
उत्तर सीमा रेलवेका प्रवक्ताले बीबीसी हिन्दीलाई भने, "अहिलेसम्म दुर्घटनामा कुल १५ जनाको मृत्यु भएको छ भने ४६ जना घाइते भएका छन्। दुर्घटनाका कारण यस क्षेत्रमा ८ वटा रेल रद्द गरिएको छ भने २४ वटा रेलको रुट परिवर्तन गरिएको छ।"
रेलवेका अनुसार मृतकमध्ये तीनजना रेल कर्मचारी रहेका छन् । सोमबार बिहान करिब ९ः४५ बजे यो दुर्घटना भएको हो । यो दुर्घटना हुँदा कञ्चनजङ्घा एक्सप्रेस रेल नयाँ जलपाईगुडी स्टेशन काटेर सियालदह तर्फ जाँदै गर्दा पछाडिबाट आएको मालगाडीले ठक्कर दिएको थियो । यो ठक्करका कारण कञ्चनजङ्घा एक्सप्रेस रेलका तीनवटा डिब्बा पटरीबाट खसेका छन् । साथै मालगाडीको अगाडिको भाग पनि पटरीबाट खसेको छ ।
घटनास्थलबाट प्राप्त तस्बिरहरूले मालगाडीसँग ठोक्किएपछि कञ्चनजङ्घा एक्सप्रेस रेलको पछाडिको भाग हावामा पुरै झुल्न थालेको देखाएको छ । रेलवे बोर्डका सीईओ तथा अध्यक्ष जया वर्माका अनुसार मालगाडीले सिग्नल तोडेर कञ्चनजङ्घा एक्सप्रेसलाई पछाडिबाट ठक्कर दिएको हो । यो ठक्करबाट कञ्चनजङ्घा एक्सप्रेसको पछाडिपट्टि रहेको गार्डको डिब्बा र दुईवटा पार्सल भ्यानमा ठूलो क्षति पुगेको छ ।
दुर्घटना हुँदा दुवै रेल एउटै ट्र्याकमा गुडिरहेका थिए ।उत्तर सीमाना रेलवेका प्रवक्ताले कञ्चनजङ्घा एक्सप्रेसका करिब १३०० यात्रुलाई सोही रेलको सुरक्षित डिब्बामा राखेर गन्तव्यतर्फ पठाइएको बताए । उक्त घटनामा मालबाहक रेलका चालकसँगै कञ्चनजङ्घा एक्सप्रेसका गार्डको पनि मृत्यु भएको थियो । आइतबार बिहान कञ्चनजङ्घा एक्सप्रेस रेल त्रिपुराको राजधानी अगरतलाबाट सियालदहतर्फ प्रस्थान गरेको थियो ।
यो ट्रेन गुवाहाटी स्टेशन हुँदै आफ्नो गन्तव्यतर्फ गइरहेको थियो। सोमबार बिहान करिब ८ बजे कञ्चनजङ्घा एक्सप्रेसले पश्चिम बंगालको न्यू जलपाईगुडी रेलवे स्टेशन पार गरेको थियो। त्यतिबेला यो ट्रेन करिब आधा घण्टा ढिलो चलिरहेको थियो । त्यसको केही समयपछि बिहान करिब साढे नौ बजे कञ्चनजङ्घा एक्सप्रेस रेल रंगपानी–छत्रसाल रेल खण्डमा थियो । त्यसपछि पछाडिबाट आउँदै गरेको कन्टेनर रेलले ठक्कर दिएको थियो ।
दुर्घटनापछि कञ्चनजङ्घा एक्सप्रेस रेलको पछाडिको भाग र मालगाडीको इन्जिनसहित अगाडिको भाग पटरीबाट खसेको थियो । रेलवेका तर्फबाट जय वर्माले दिएको जानकारी अनुसार मालगाडीलाई रोक्न रातो सङ्केत दिइएको हुनुपर्छ तर पाइलटले रेल रोकेनन् र अगाडि बढ्दा कञ्चनजङ्घा एक्सप्रेससँग ठोक्किएर दुर्घटना भएको हो ।
रेलवे पुरुष महासंघका महासचिव शिवगोपाल मिश्रले लगातारको ड्युटीका कारण मालगाडीका चालक निकै थकित भएको र आराम गर्नुपर्ने भए पनि सोमबार पनि ड्युटीमा लगाइएको दाबी गरेका छन् ।
![स्कुटरको ठक्करबाट पैदलयात्रीको मृत्यु](https://snowberry.prixacdn.net/media/gallery_folder/accident_20220221115319_uEGaS59alL_XLoOaYkxK5_qtu7uu7r42dflkwlyzhwpslnpzzndmv0sga5pee4kbsihomm4vxmv02huwdg_WHeYMBWuxQ_ux7xcsokcrb3zruiccumao9wmkicx8h8isabg1nnrq7sk74ewjtc1hqbrusz.jpg)
स्कुटरको ठक्करबाट पैदलयात्रीको मृत्यु
![दक्षिण अफ्रिकामा सवारी दुर्घटनामा १० को मृत्यु](https://snowberry.prixacdn.net/media/gallery_folder/download%2520(1)_C9EspFLjpv_jbl2r3hlhogohdbolwnzwe4y5awmivag2jxewg6xr6stflxzisel5vybsn0a_mu4xwY3r6V_i15jtbenkz7ibkt1ufuxvsmfliwqtokrvnbpojof33ox8qw0uhs7mkg8z7gm.jpeg)
दक्षिण अफ्रिकामा सवारी दुर्घटनामा १० को मृत्यु
![रुसको उत्तरी काकेसस गणतन्त्र दागेस्तानमा घातक हमला, एक दर्जनभन्दा बढीको मृत्यु](https://snowberry.prixacdn.net/media/gallery_folder/gaza-1_3XEeruhisk_ri3ho8qoxc8pqb6ijl7jzx8vunnlhxe0wlb0v8l03zwgddjpjrpdxg3je9el_PStEzVWm0t_pd7pfgvy17r8gwhxzphjk8lmunxqdemd5nx1276shm5yfxrkpujoufllf4yr.jpg)
रुसको उत्तरी काकेसस गणतन्त्र दागेस्तानमा घातक हमला, एक दर्जनभन्दा बढीको मृत्यु
![विभिन्न स्थानमा सवारी दुर्घटना हुँदा २ जनाको मृत्यु](https://snowberry.prixacdn.net/media/gallery_folder/accident_IPjJ9btxxT_hyso1ubynn698k35qvkhw4dkltmigw1hsiibkt4vutwuvczw9q498ivyqotm_fsn1IYaqmT_wkgnjixfl5r29an5nllxwqcv3bvjgoca9ms64mvinhrqgkns9i24krtzfjrj.jpg)
विभिन्न स्थानमा सवारी दुर्घटना हुँदा २ जनाको मृत्यु
![ट्याक्टर दुर्घटना हुँदा चालकको मृत्यु](https://snowberry.prixacdn.net/media/gallery_folder/accident-photo-(1)_Orj3DRJM3j_6fqztzofhtw43rqogi2arphymioyu4htamvrc32brt9jflul0dmawk0sodid_seZRZDop2R_bibqwnjz3kcdziuv4uhnakcumeloxhv0pb3zoibept0x1lv9frwb04ouozee.jpg)
ट्याक्टर दुर्घटना हुँदा चालकको मृत्यु
![भक्तपुरमा सुमोले ठक्कर दिँदा पैदल यात्रीको मृत्यु](https://snowberry.prixacdn.net/media/gallery_folder/accident_M454VJQS8B_wyclnvsfxsky2grlehksofx2qnokkpb9ogw3ga5klfo9qbsp1hgihvmd4s48_n5Ze4Hncmz_hbcom91gtqacdvi4vtyfkaiscx2xnpbxvy8lc2rr2ptjyrza1fmz1rc8je7k.jpg)
भक्तपुरमा सुमोले ठक्कर दिँदा पैदल यात्रीको मृत्यु
![तनहुँमा बस दुर्घटना हुदां ६ जना घाइते](https://snowberry.prixacdn.net/media/gallery_folder/download_ECBT9vZHtd_fqkhiruc2wkflcffb6cgxy7wrqdp7cotn7e2owecwnbnixlxkbcwvxofkxgq_UKS1W74pZB_7hdswvrhmoagzbloeqmabbmjwzzknzvon6gzqjwfhvirhmr72awprzuejnqi.jpeg)
तनहुँमा बस दुर्घटना हुदां ६ जना घाइते
![रौतहटमा स्कार्पियो दुर्घटना हुँदादुई जना भारतीय नागरिकको मृत्यु](https://snowberry.prixacdn.net/media/gallery_folder/accident_ehe6ztnSQP_on6fom6ok9crxy0mc8dwwaksuv0yitej1u6uvglcrqtqwcuxymrvwgr1670e_Zb1sptdyZv_evqhmihlguifkknofwrk7loton2aj0leigobu2figjdgcjyfy7ihwmpv94as.jpg)
प्रतिक्रिया