सशस्त्र प्रहरी बलका दुइ डीआईजीलाइ साेधियाे स्पष्टीकरण
![](https://snowberry.prixacdn.net/media/gallery_folder/apf-dig-purushotta%252C-anjani_ueBT0Zoofd_o0vk8bwe7mlxb6plbrclc9ho7qthmjh1c0svcgy0wdmo7iuxx1lv44hcvkbc_BZusjvvRp3_yw2cdkeq7qxck3hae0mws7k8i1ms1a6kb3dadjoxs6cjrfpqzgfuw7lbq38x.jpg)
सशस्त्र प्रहरी बलका डीआईजी अञ्जनीकुमार पोखरेल र डीआईजी पुरुषोत्तम थापा लगायतका केही अधिकृतहरुलाई संगठनको हित विपरीत कार्य गरेको भन्दै स्पष्टीकरण सोधिएको छ ।
उनीहरुलाई संगठनमा रहेर गर्नुपर्ने आचारसंहिता पालना नगरेको तथा संगठनको हित विपरीत कार्य गरेको आरोपमा स्पष्टीकरण सोधिएको हो । तर उनीहरुले संगठनको हित विपरीत के कार्य गरे भन्ने बारेमा केही खुलाइएको छैन ।
पोखरेलले सशस्त्र प्रहरीको एक कार्यक्रममा नेपाल प्रहरीलाई सीमा क्षेत्रबाट हटाउनु पर्ने र त्यहाँ सशस्त्रले कभर गर्नुपर्ने प्रस्ताव गरेका थिए । सो प्रस्तावको बारेमा कार्यक्षेत्रमा हस्तक्षेप गरेको भन्दै नेपाल प्रहरीले गृह मन्त्रालयमा गुनासो गरेको थियो ।
त्यसबाहेक उनले कोशी प्रदेशमा रहेका बेला पहाडी गुल्मबाट जनशक्ति ल्याएर धेरैलाई आउट छाडेको आरोपमात्र होइन प्रमाणित नै भएको थियो । डीआईजी शम्भु सुवेदीलाई बाहिनी बुझाउने बेला डीआईजी पोखरेलले बाहिनीबाट १०९ जना बिदामा रहेको हाजिर दिएका थिए ।
पहाडी गुल्मबाट कर्मचारी तानेर बाहिनी थुपारेका पोखरेलका कारण अहिले पूर्वी पहाडका गुल्म बेश जस्ता भएका थिए । गुल्ममा ५०–५५ जना जनशक्ति पनि छैनन् ।
त्यसपछि उनी मधेस प्रदेश जानका लागि माओवादी नेताहरुलाई भेटघाट गर्न पुगेका थिए । सो विषयलाई पनि संगठनले नोटिसमा राखेको जनाएको थियो । मधेस प्रदेशमा जान नपाएपछि उनले बराह बाहिनीमा केही अधिकृतहरुलाई बोलाएर संगठनमा आफूले जति राम्रो काम गरेको भए पनि राम्रो काम गर्नेलाई अवसर नदिएको भन्दै गुनासो गरेका थिए ।
बराह बाहिनीको कमाण्डमा उनी निकै विवादित भएका थिए । सशस्त्र प्रहरी बलका प्रवक्ता डीआईजी कुमार न्यौपानेले दुई डीआईजीलाई स्पष्टीकरण सोधिएको पुष्टि गरेका छन् ।
‘अञ्जनी पोखरेलले विभागको स्वीकृति बेगर को कससँग भेटघाट गरेको त्यसको बारेमा जानकारी दिनु भनिएको हो’, डीआईजी न्यौपानेले भने, ‘विभागको स्वीकृति बेगर कुनै राजनीतिक दलका नेताहरुसँग भेटघाटलाई रोक लगाइएको छ त्यसकरण उनको हकमा केही सूचनाको आधारमा जानकारी मागिएको हो ।’
सशस्त्र प्रहरीको प्रशासन विभागले सो स्पष्टीकरण सोधेको हो । अर्का डीआईजी पुरुषोत्तम थापालाई पनि विभागले स्पष्टीकरण सोधेको छ । सशस्त्र प्रहरी बलको बलम्बुस्थित केन्द्रीय स्टोरमा चैत २७ गते आगलागीको घटनाबारे गम्भीरता अध्ययन गर्दै डीआईजी थापालाई कारबाहीको तयारी स्वरुप स्पष्टीकरण सोधिएको हो ।
सशस्त्र प्रहरी बल, नेपाल नं. ९ पशुपतिनाथ बाहिनीबाट सुरक्षा जिम्मेवारीमा रहेका बेला कुनै पनि जिम्मेवारी ननिभाएका कारण उनलाई कारबाहीको तयारी स्वरुप पहिलो चरणमा स्पष्टीकरण सोधिएको स्रोतले जनाएको छ ।
त्यस दिनको ड्युटीमा रहेका सशस्त्र प्रहरी उपरीक्षकसहित ११ जना र नेपाल एपीएफ अस्पतालको सुरक्षा टोलीबाट मेनगेटमा खटिएका २ जनालाईसमेत कारबाही गरेको अवस्थामाा डीआईजी थापालाई विभागीय कारबाहीको तयारी रहेको स्रोतले जनाएको छ ।
थापाको हकमा भने सशस्त्र प्रहरीले स्पष्टीकरण सोधेको भन्दा पनि गृहबाट नै सोधिएको हुन सक्ने प्रवक्ता न्यौपानेले बताए ।
‘९ नम्बर बाहिनीको बाहिनीपति हुँदा सशस्त्र प्रहरी बलको केन्द्रीय भण्डारणमा आगलागी भयो सो सम्बन्धमा दुई वटा छानबिन समिति बनेका थिए, त्यसका आधारमा स्पष्टीकरण सोधिएको हुनसक्छ’ डीआईजी न्यौपानेले भने ।
![नेपाली अलराउण्डर दीपेन्द्रसिंह ऐरीको वरीयता एक स्थान खस्कियाे](https://snowberry.prixacdn.net/media/gallery_folder/dipendra-airee_N3KC0fKPal_bw6zothvqkekipmihyvy6pvjmelyneja2g5cjce1xgwdwsft2dwxtjaojzpi_auqIwHDXxj_bcbrvtta5ehtgaw1v6udgnte4o5kym4e5qgcqjiwoxgasmtyxmkmjni7o1em.jpg)
नेपाली अलराउण्डर दीपेन्द्रसिंह ऐरीको वरीयता एक स्थान खस्कियाे
![बाढी पसेपछि बन्द भएको विराटनगर विमानस्थल खुल्यो](https://snowberry.prixacdn.net/media/gallery_folder/Biratnagar.jpg_YPhL2QjiPZ_lklknnx4ctfiopguclchm8id3ldqum1x68ls7ef3vva9k6vcrxtg49ked1ef_FyWiB40aRN_ivh280gtf3ipsgya1h375jyabjdrixmwrelcaetvdt31txez6mt5sjvblslh.jpg)
बाढी पसेपछि बन्द भएको विराटनगर विमानस्थल खुल्यो
![खोलाले बगाउँदा एक युवकको मृत्यु](https://snowberry.prixacdn.net/media/gallery_folder/flood-water_8dx1FU7VS0_iq6ct5fpPX_uj7zlyt1sdwz4z8tz0nh5pd34iky8vdjpfoxie5akgaukei3cybl7y27q1xx_GGpIarcwpa_jans87bygz9zhzyihcn7z41xkt7dhymcmqm406ac2dqe2ngq3wtokeauukqc.jpg)
खोलाले बगाउँदा एक युवकको मृत्यु
![कला, संस्कृतिसहितको पहिचान नै भावी पुस्ताको महत्वपूर्ण सम्पत्ति होः राष्ट्रपति पौडेल](https://snowberry.prixacdn.net/media/gallery_folder/7673c9a5-a4b0-41ca-8b84-7839a9475106_A0G4pLJgOx_5xlxqauhahevwlyfmqk7kb2dqtsqh6g25g3t0pxygrbke76glccjkfue0a2i_8UL2Baqo8m_yl4azhtqd2rwy6a3nuui1fkiclya0fwjhho4s7rufbpnocfzeh4bedu9nozb.jpg)
कला, संस्कृतिसहितको पहिचान नै भावी पुस्ताको महत्वपूर्ण सम्पत्ति होः राष्ट्रपति प…
![प्रदूषणका कारण ८१ लाख मानिसको मृत्यु](https://snowberry.prixacdn.net/media/gallery_folder/air-pollution_VvUm6j3kjy.png.1200x650_q70_crop-smart_upscale_dOZBjDHu9q_mvedhf1jwg1jnomummjekt6x4vkcnqfu4ok4omxrwmfhlreypoba8lqciaoa_YdRTfNettl_q2o8ndwp0waibqqzjbrtsfbzh4gpxlz5bfiq9du3vn0y9vweh6gkssyamrlk.png)
प्रदूषणका कारण ८१ लाख मानिसको मृत्यु
![जनकपुरधाम-अयोध्या रेल सेवा सञ्चालनको तयारी अन्तिम चरणमा](https://snowberry.prixacdn.net/media/gallery_folder/Nepal-Railway-2_9KTXfVopvQ_c6idicnq5kxjet1idx8gbpeprnu3cyjtowopwmhbs4sjlhn6xs17pjb7oeus_7oeqdU3WIY_tmj404dpdj0mcvnhbd23cgf3oiylbmohj9uqo8xp2tuqus82ou2ysduvthrc.jpg)
जनकपुरधाम-अयोध्या रेल सेवा सञ्चालनको तयारी अन्तिम चरणमा
![भारत लिंदै गरेका ६० कार्टुन मदिरा सशस्त्र प्रहरीद्वारा बरामद](https://snowberry.prixacdn.net/media/gallery_folder/8998f29454ab60b30cf37e88cf92261f1719403180_upUj0bpd1Z_70bjebckmopti3kdgpvsam4ekipt7tpqdzjzuycsymzh11gn5jurut89bjlx_wWgDLLE9Dq_h41ek6n3hvkxy9ieinhn8hrk5gr4axwrpusf5qlycay1y2tsdmnn73esztqu.jpg)
भारत लिंदै गरेका ६० कार्टुन मदिरा सशस्त्र प्रहरीद्वारा बरामद
![नेपाल आँखा अस्पतालमा स्वास्थ्य बीमा सेवा लागू हुने](https://snowberry.prixacdn.net/media/gallery_folder/20240626_170157_0miFZd2x2V_m0pf0zsotnqrbplpvvmpv4h90sj2nezjpscs2sr6guilc3elh1vw442i4rz0_xzr4LbAbHa_nw3y8t0jnhvvfagfa9srng61qdgxbgsdekuu3h50wnilfrhb9umqioxi0zj1.jpg)
प्रतिक्रिया