आज सार्वजनिक बिदा :बकर इद मनाइँदै
![](https://snowberry.prixacdn.net/media/gallery_folder/bakar-ed_OG2JLruBYr_suizhutwkyldo6jj5zk0uuca8xlrjghvcbni7uoymgeh1f8yamdfhhgthynk_UqLot1Lqlm_imlo4r7l87apujpichiqd6w9qwm2wkm81j1vjxblorwhenaedqbx6rgm7mrv.jpg)
काठमाडौं । मुस्लिम धर्मावलम्बीको दोस्रो महान् पर्व बकर इद (इदुल जोहा) आज देशभरका मस्जिदमा मनाइँदै छ।
इदुल फित्रअर्थात् रमजान पर्वको ७०औँ दिनमा बकर इद मनाउने धार्मिक विधि छ। मुस्लिम धर्मावलम्बीले आज बिहानै स्नान गरी नजिकैको मस्जिद वा इदगाहमा गई सामूहिक नमाज पढ्छन्। नमाज पढिसकेपछि एकापसमा शुभकामना आदानप्रदान गर्ने चलन छ।
यस अवसरमा दरबारमार्गस्थित नेपाली जामे मस्जिद, काश्मिरी मस्जिदलगायत देशभरका मस्जिद र इदगाहमा मुस्लिम धर्मावलम्बीको भीड लाग्छ। हिजरी संवत् अनुसार १४३९ वर्ष पहिले अल्लाहको आदेशमा इब्राहिमले आफ्ना छोरा इस्माएल अलेह सलामलाई बलिदान गर्न तयार भएको सम्झनामा यो पर्व मनाउन थालिएको हो।
मुस्लिम धर्म गुरु (मौलाना) रहमत अली ऐतिहासिक बकर इद पर्वको आधार बनेका इब्राहिमको वंशमा सन् ५७१ मा मक्कामा मोहम्मद सलल्ला जन्मिई निरन्तरता दिएको बताउछन्। जसले यो पर्व एवं धर्मलाई पुस्तान्तर गर्न महत्वपूर्ण योगदान गर्दै हदिस नामक धर्मग्रन्थको रचना गरेका थिए।
“जुन ग्रन्थलाई अहिले मुस्लिम धार्मिक विद्यालय (मदरसा) मा समेत अध्ययन अध्यापन गराइन्छ, मक्कामा जन्मिनुभएका सलल्ला ५३ वर्षको उमेरपछि मदिनामा सर्नुभएको थियो, यही सम्झनामा अहिले पनि साउदी अरबमा पर्ने यी दुवै तीर्थस्थलमा ठूलो मेला लाग्ने गरेको छ”, उनले भने।
यस पर्वका अवसरमा मक्का मदिना जानु शुभ मानिन्छ। मक्का मदिना जान गृह मन्त्रालयले आतेजाते विमान टिकटको व्यवस्था गरी हज यात्रा गराउने गरेको छ। यसका लागि गृह मन्त्रालयअन्तर्गत हज समितिको सचिवालय स्थापना गरिएको छ। मक्का मदिना जान नपाउने हजयात्रीले समेत घर घरमै बकर इद मनाउँछन्। यो पर्वको मुख्य उद्देश्य नै हज यात्रा हो। यस पर्वमा अल्लालाई खुसी पार्न मुसलमानले धर्मले जायज मानेका जनावरलाई कुर्बानी (बली) दिन्छन्।
धार्मिक मान्यताअनुसार अल्लाहका नवी (दूत) इब्राहिम अलि सलामले ९० वर्षको उमेरमा पत्नी हाजराबाट प्राप्त गरेको सन्तान छोरा इस्माइललाई कुर्बानी गर्नुपर्ने आदेश प्राप्त भयो। जसलाई पालना गर्दा अल्लाह प्रशन्न भएर इस्माइलको कुर्बानी नभएर स्वर्ग (जन्नत) मा पालिएका दुम्बाको कुर्बानी भएको धार्मिक मान्यता छ। यसै कारण अहिलेसम्म कुर्बानी गर्ने प्रचलनलाई कायम राखेको मुस्लिम धर्मावलम्बीको भनाइ छ।
निसन्तान इब्राहिमले सन्तान प्राप्तिका लागि अल्लाहसँग मनन्नत मागेका थिए। अल्लाहले मलाई सन्तानको सुख दियो भने म कुर्बानी गर्छु भन्ने इब्राहिमको प्रतिबद्धता थियो। सोहीअनुरुप अल्लाहले निजको परीक्षणस्वरुप सपनामा कुर्बानी गर्नुपर्छ भनेका थिए भन्ने मुस्लिम धर्मावलम्बीको विश्वास छ।
उनले धेरै जनावर कुर्बानी गरे तर अल्लााह खुसी भएका थिएनन्। अन्तिममा आफ्ना सबैभन्दा प्यारा छोरालाई नै कुर्बानी गरी अल्लाहलाई राजी गर्न चाहेका थिए। यस घडीमा उहाँको परीक्षण सफल सावित भएपछि कुर्बानी गर्ने स्थानमा मानिसको होइन त्यही जन्नतमा पालिएर आएका दुम्बाको कुर्बान (बलि) भएको थियो। कुर्बानीको मासु तीन भागमा वितरण गरिन्छ। एक भाग गरिब एवं विपन्न परिवारलाई, अर्को एक भाग आफ्ना इष्टमित्रलाई र तेस्रो भाग आफैँले खानुपर्ने मुस्लिम धार्मिक मान्यता छ। यसैअनुसार आज पहिलो दिनको बकर इद मनाइँदै छ।
मुस्लिम धर्मावलम्बीले बुधबारसम्म तीन दिन यो पर्व मनाउने जनाइएको छ। यो पर्व मनाउने तीनै दिन कुर्बानी गर्नुपर्ने मुस्लिम धर्मावलम्बीको विधि रहेको नेपाली जामे मस्जिदका सचिव मन्सुर हुसेनले जानकारी दिए। यस अवसरमा सरकारले आज सार्वजनिक बिदा दिएको छ।
![परराष्ट्रमन्त्री श्रेष्ठ र चीनका उपविदेशमन्त्री वेइतोङबिच भेटवार्ता , सीमा नाकाहरु सुचारु गर्ने सम्बन्धमा पनि छलफल](https://snowberry.prixacdn.net/media/gallery_folder/bhetbarta_0OAOA8nQKG_gqs9yqf3pglxnyytevsb7cbxfceh9hdjyjvtkq7xg34e6ezspiiiz6gr4z5s_YiCaGfrGWn_6zld67jxmcgznucjnlzbhlb8oiowvowt3pbgxoksgzetaqrasltxohjvbjqt.jpeg)
परराष्ट्रमन्त्री श्रेष्ठ र चीनका उपविदेशमन्त्री वेइतोङबिच भेटवार्ता , सीमा नाकाहर…
![नेपाली नागरिकहरूको बाहुल्यता भएका देशहरूमा अनलाइनबाट मतदानको व्यवस्था गर्नुपर्छ : उपसभामुख राना](https://snowberry.prixacdn.net/media/gallery_folder/ac766a40-996d-11ed-900e-b1eb6fe3b024.jpg_RHbcuVz2S1_g29mymjujjlqpubp0c6rs9f3tppt98bjfcongbsfsddaxntc6qwmhnzll4eq_da5OyVRDkF_cfy8yyrjf6cysxlggeqmrl0ht9bk2pulmrhi6rh2o5wfawm31mkk9xkbxtnw.webp)
नेपाली नागरिकहरूको बाहुल्यता भएका देशहरूमा अनलाइनबाट मतदानको व्यवस्था गर्नुप…
![असान्जको लामो कानुनी सङ्घर्ष समाप्त भएसँगै अष्ट्रेलियाका प्रधानमन्त्रीद्वारा खुसी व्यक्त](https://snowberry.prixacdn.net/media/gallery_folder/4014_etpt5rUrMp_7hctmyeeafisdgzjwefg2l9kcx0rl5h2o0efr7ys3ujskfp5lxjyofxdehyq_zuVf8nI9M0_dufbb6k7ngo0uvex7ssuwmmbsvqcgfjmyfgnt5hrt0zcgezpbkw7guanewja.webp)
असान्जको लामो कानुनी सङ्घर्ष समाप्त भएसँगै अष्ट्रेलियाका प्रधानमन्त्रीद्वारा खुसी …
![तनहुँमा रासायनिक मल पर्याप्त मौज्दात](https://snowberry.prixacdn.net/media/gallery_folder/download_0V4IDelzaL_zjn6o1tomjqgporaqyqtlxg4oosrkhbufb5vv421lwok4uisnnalzdcol8xv_4qQqPAS7yO_bswyywt0avjhvesvixqrts77u3uckpcdc5p6a3zx5xwnfzy0tupiosxupawe.jpeg)
तनहुँमा रासायनिक मल पर्याप्त मौज्दात
![कैदकट्टाका लागि छ सय बीस जनाको सिफारिस](https://snowberry.prixacdn.net/media/gallery_folder/Jail-photo_gtUmbqdvIv_onhfytjveqinichix9yzfzccs4buqm5bu75idpqajudbtj6ehrczlo2rvahj_zd8OjvOgXE_tz4uzdgfu9k7ctxaek5ns7mfwhlwdhlppshkiq51vk7x81aflnuotz28lg2h.jpg)
कैदकट्टाका लागि छ सय बीस जनाको सिफारिस
![खेतमा काम गर्दैगर्दा चट्याङ लागेर मृत्यु दुई जनाको मृत्यु](https://snowberry.prixacdn.net/media/gallery_folder/IMG_3148_GJHWMrJgdJ_vi4tqyfhwqxymohw5ehfjr6hoq95jn0qogxmdl9pjmmi8dpl3uvtxz0s9gbt_Xb5A5y3ZKs_u7nuoabea7n4nxf6k2uqs7p6fo6kmtd7vxza7dlehtbozjih6vinkd4uwtrn.jpeg)
खेतमा काम गर्दैगर्दा चट्याङ लागेर मृत्यु दुई जनाको मृत्यु
![राष्ट्रिय परीक्षा बोर्डले एसईईको नतिजा ४ बजे सार्वजनिक गर्ने](https://snowberry.prixacdn.net/media/gallery_folder/SEE-Exam-Board-768x521_6DwMV7Qojs_ovcywybtei2rmjfkzygbxapoutrtavfxcuom8ajrb8gjtq1gxvsxh16uctej_F1l0NGix9w_ulfyhjpjgghxq1i3xgnrkzunnhi7ltt8peap5tjkpbb7noide026thy5y9td.jpg)
राष्ट्रिय परीक्षा बोर्डले एसईईको नतिजा ४ बजे सार्वजनिक गर्ने
!['इट्स माई शो' विवादमा सुरज सिंहकाे जवाफ: दुखित छु र यो सामाग्रीको हिस्सा बन्न म चाहन्न](https://snowberry.prixacdn.net/media/gallery_folder/hp-surajjpgzvorzaykt_7COgcwpZMy_wiep7jtdwy8d69jh6t9sljp4yfcazs5hgi7r4jcl2sa881p2ngha5fjlymau_IgPYKnoYtb_xzorrxxpxwjpmi2cpr4gcuxctkxughnq66kvbajtftghm25qmdn2gblu0val.jpg)
प्रतिक्रिया