केही व्यापारीको ‘इन्ट्रेस्ट’मा बजेट बनाएको सांसद सिंहको आरोप

काठमाडौं । प्रतिनिधिसभाका सांसद डा.अमरेशकुमार सिंहले अर्थमन्त्री वर्षमान पुनले आउँदो आर्थिक वर्षको बजेट केही व्यापारीको ‘इन्ट्रेस्ट’मा बनाएको आरोप लगाएका छन् ।

बजेट नेकपा (माओवादी केन्द्र) का ३२ सांसदलक्षित र केही व्यापारीको इन्ट्रेस्टमा बनाइएको उनको आरोप छ । “यो बजेट केही व्यापारीले बनाएको छ, अर्थमन्त्रीजीको इन्टे«स्टमा । यो बजेट माओवादी पार्टीको सिंगल ३२ जना सांसदको लागि मात्रै बनेको छ,” उनले भने ।

आइतबार प्रतिनिधिसभा बैठकमा संघीय मामिला तथा सामान्य प्रशासन, ऊर्जा, जलस्रोत तथा सिँचाइ र अर्थ मन्त्रालयको विनियोजित बजेटमाजिको छलफलमा भाग लिँदै सांसद सिंहले माआवादी केन्द्र समाप्त हुने अवस्थामा रहेकाले उक्त पार्टीले जित्न सक्ने निर्वाचन क्षेत्रमा मात्र सरकारले बजेट विनियोजन गरेको जिकिर गरे ।

“यो २७५ जनाको यो बजेट बन्छ बन्नु दिवास्वप्न हो । किनकि, माओवादी पार्टी समाप्त हुने अन्तिम संघारमा छ । त्यसो भएपछि आफ्नो पार्टीले जित्न सक्ने ठाउँमा मात्रै बजेट खन्याएको छ,” उनले भने, “हामीजस्ता निर्धा सांसदलाई उहाँहरूले देख्नु हुन्न ।”