किसानलाई प्रोत्साहन गर्न लहानको आँप ‘ब्राण्डिङ’
![](https://snowberry.prixacdn.net/media/gallery_folder/Untitled-1_eFaLX281Nv_fbj99uGwYU_ffWJmV3xcL_v2dzgfedxyfunpdrvam2yqpghrgcdmf78hedf6bpi5k906nnl3tgcy6uek1h_7tJFHAWiog_rwypoxay1zjd71fgfvzlc7rinlbzp2txtrbxsnz3jb8hpzusl40dslecikjv.jpg)
स्थानीय उत्पादनलाई प्रवर्द्धन र किसानलाई प्रोत्साहन गर्ने उद्देश्यले लहानमा उत्पादित आँपको ‘ब्राण्डिङ’ गर्न थालिएको छ । आँपको राजधानी मानिएको लहानबाट आजदेखि औपचारिकरूपमा आँपको सङ्कलन, ‘ग्रेडिङ’, ‘प्याकेजिङ’, ‘ब्राण्डिङ’ तथा बजारीकरण कार्यक्रम सुरु भएको हो ।
गत वर्ष ३० मेट्रिक टन आँप ब्राण्डिङ गरी काठमाडौँलगायत देशका विभिन्न सहरमा बिक्री वितरण गरेको लहान नगरपालिकाले यस वर्ष ५० मेट्रिक टन बिक्री गर्ने लक्ष्यसहित लहानको आँप ‘ब्राण्डिङ’ कार्यलाई निरन्तरता दिएको नगरपालिकाका कृषि शाखाका संयोजक एवं वडा नं १२ का वडाध्यक्ष बद्रीनारायण चौधरीले बताउनुभयो ।
यहाँको आँपलाई नेपाली बजारमा पहिचान दिलाउने र उपभोक्ताले विषादिरहित शुद्ध आँप उपभोग गर्न पाउन् भनी नगरले निजी क्षेत्रसँग समन्वय गरी आँपको ब्राण्डिङ थालेको उहाँले जानकारी दिनुभयो ।
“गत वर्षभन्दा यस वर्ष व्यवस्थित रूपमा यहाँको उत्पादित आँपको ब्राण्डिङ गरी बजारीकरण गर्ने योजनाअनुसार आजदेखि काम सुरु गरेका छौँ । यहाँको सरस्वती कृषि फार्मसँग सम्झौता गरी आँपमा लोगो लगाएर काठमाडौँ पठाउने तायारी गरिएको छ”, संयोजक चौधरीले भन्नुभयो, “किसानले असार सुरु भएसँगै मालदह आँप बजारमा ल्याउन थाल्ने भएकाले सङ्कलन गरी पठाउन सम्पूर्ण तयारी गरिएको छ ।”
नगरपालिकाले आँपको जातीय शुद्धता र गुणस्तरीयतासहित काठमाडौँको शान्तिनगरमा ‘लहानको आँप’ बिक्री कक्ष सञ्चालन गर्ने भएको छ । राष्ट्रव्यापी अनलाइन माग तथा ‘होम डेलिभरी’का लागि ओयो पसललाई आधिकारिक ‘अनलाइन पार्टनर’ नियुक्त गरिएको कृषि शाखा प्रमुख प्रकाश साह हलुवाईले जानकारी दिनुभयो ।
उहाँका अनुसार यहाँ उत्पादित आँपको ब्राण्डिङ, प्याकेजिङ, डेलिभरी, ढुवानी, बिक्रीकक्ष तथा अन्य आवश्यक सामग्रीमा ५० प्रतिशत अनुदान दिई निरन्तर अनुगमन र मूल्याङ्कनसमेत गरिनेछ ।
स्थानीय आँपको ब्राण्डिङसँगै नगरपालिकाले राख्ने दरभाउमा यहाँका किसानले राम्रो मूल्य पाउने भएपछि आँप खरिद बिक्रीमा बिचौलिया वर्गले लाभ उठाउने परिपाटीको अन्त्य गरेको नगरप्रमुख महेशप्रसाद चौधरीले बताउनुभयो ।
उहाँले भन्नुभयो, “यहाँका किसानलाई उत्साहित बनाउन नगरपालिकाले आँपको ब्राण्डिङ गरेको हो । यसले यहाँ उत्ािपदत आँपको पहिचान बनाउने छ । योसँगै उपभोक्ताले विषादीरहित नेपाली आँप बजारमा पाउनेछन् ।” नगरप्रमुख चौधरीले आँपलाई लामो समयसम्म भण्डारण गरिराख्न चिस्यान केन्द्र आवश्यक भएको भन्दै त्यसका लागि प्रदेश तथा सङ्घीय सरकारलाई सहयोगका लागि अनुरोधसमेत गर्नुभयो ।
लहानलाई आँपको पकेट क्षेत्रका रूपमा चिनिन्छ । मुख्यगरी यहाँको वडा नं १२, १३, १४, १५, २३, १५, १८, १९ र २४ मा किसानले बीघौबीघा आँपखेती गर्ने गरेका छन् ।
![समझदारीअनुरूप नै सत्तासमीकरण निरन्तर रहन्छ : प्रधानमन्त्री](https://snowberry.prixacdn.net/media/gallery_folder/IMG-20240622-WA0009_GVdWx4WU9Y_z07bq2hccgfdogeqioj0iwntiftsda58dvyirodacvf33rpsjscuigz3vn00_Oy2VZ6lmFp_ewalgsm5ez33go7hrtr9hgvqyzjjlid56rva8ya5mb74ojuu84pn34qpwe8d.jpg)
समझदारीअनुरूप नै सत्तासमीकरण निरन्तर रहन्छ : प्रधानमन्त्री
![अब बस्ने केन्द्रीय कमिटी बैठकले महाधिवेशनकाे मिति तोक्छ : प्रचण्ड](https://snowberry.prixacdn.net/media/gallery_folder/Prachanda-speech_VLbuxhomcq_zfsudtjdmuunopy4khdzkvjhltspesqmg6v8rl9lygdpeurwhdudrvypsn8n_SRgh3Rhevk_b7pr01ugm5vs2qviya3q7j8wmnznwonflh2kjcywzxmg7resuvcs8kax0gtd.jpg)
अब बस्ने केन्द्रीय कमिटी बैठकले महाधिवेशनकाे मिति तोक्छ : प्रचण्ड
![कोशी प्रदेशको बजेट बहुमतले पारित](https://snowberry.prixacdn.net/media/gallery_folder/1701244471_koshi%2520sava-1200x560_xj5l2fYkhR_gogqmc49bgwgenai1fvc7dwwxqal6zvuc0khgvtu7oqsdkebr1amviirfx0u_RJpR8MHQeS_ow5tizxplbs0imvm0tihtpectevkccdln1surczekann9ttfgbnh0fsd0cq9.jpg)
कोशी प्रदेशको बजेट बहुमतले पारित
![काभ्रेमा विपद्जन्य घटनामा उद्धारार्थ पूर्वतयारी](https://snowberry.prixacdn.net/media/gallery_folder/bipat_o3mqLbaUZN_NLSqtjHZdi_Gpk0qC7xBR_nknqc6xjl0lqgj6daytxvoarxjhiqkxhyxeiujbujtm922zswxmoveplkhnj_foueuAPK5C_ye52a44xahiyvg6zzqfpmojjxjl5wcsir6nzwyunkczi2jpocbaqn4p1m2ow.jpg)
काभ्रेमा विपद्जन्य घटनामा उद्धारार्थ पूर्वतयारी
![इटाली जहाज दुर्घटना : मृतकको सङ्ख्या ३४ पुग्याे](https://snowberry.prixacdn.net/media/gallery_folder/Screenshot%25202024-06-22%2520154801_8kfP5WN5YH_lw2c4nmg1yg5qzg9udo1fipu72wrmyiycvtwzlszb7azn3x618dhx0f6nxq0_CqFfsjI5I9_ixte3hyzollf9xlm8olbqik3zq2deuloke3pxzsbnifcqemjdb1gpeuaxakf.png)
इटाली जहाज दुर्घटना : मृतकको सङ्ख्या ३४ पुग्याे
![शान्ति प्रक्रियामा दमननाथ ढुङ्गाना र पद्मरत्न तुलाधरको योगदान बिर्सन नसकिने](https://snowberry.prixacdn.net/media/gallery_folder/20240622_102144_FbFjCTsakp_acpqbayzvyenlxzbiiflw8vxjw2maeq3l9ii8xhptekf5jyxmduva72igxsu_LZFjXam89R_8kuhuuoyucyrkizte4vaaeqj9o4eh7t12b0vbr2ec10rkmv4qqipgsq5cihe.jpg)
शान्ति प्रक्रियामा दमननाथ ढुङ्गाना र पद्मरत्न तुलाधरको योगदान बिर्सन नसकिने
![रासससँगको समन्वयमा भोजपुरीमा समाचार सम्प्रेषण गर्ने वीरगञ्ज महानगरको घोषणा](https://snowberry.prixacdn.net/media/gallery_folder/Birgunj%2520mahanagar1662189272_vhfwNg7yLZ_n0poavi4ifbumj10tvgndyhsoqdojlk7sfboaaivaaukt2ya0bcqiuejpun2_SBFlrYSuA9_z9pteuwzgd50rd7qvku7lx6kvdxqdpnz2tyymza8i1vx06zp0ou07aclqmmd.jpg)
रासससँगको समन्वयमा भोजपुरीमा समाचार सम्प्रेषण गर्ने वीरगञ्ज महानगरको घोषणा
![पाँच हजारबाट व्यवसाय थालेकी मीनाकुमारीलाई अहिले माग पूरा गर्न हम्मे](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
प्रतिक्रिया