प्रचण्ड शैलीमा एक्लै नेता बन्न हिँडेका उपेन्द्र
![](https://snowberry.prixacdn.net/media/gallery_folder/prachanda_upendra1677146716_7zaSp79PsS_iwynvzzhvdmyw3u006qxuukrvcks0vzazazsgyljveefuhln7q9rcty0hygy_7zvdhGMvaP_lapwqfywm08be1wtieraokeoo1e718xnxaigz6ldcgjytfajmxlfhggukmbr.jpg)
यथार्थमा भन्दा उपेन्द्र यादव नै मधेसका खास नेता हुन् । मधेस आन्दोलनका बलमा उनले बेग्लै क्षेत्रीय शक्तिको स्थान राष्ट्रिय राजनीतिमा बनाए । मधेसले पनि काठमाडौँसँग शक्तिको बार्गेनिङ गर्न सक्छ भन्ने स्थापित गरे । संविधानमा संघीयता लेखाए ।
तर उपेन्द्रको बयान यतिमै सकिँदैन । सत्तालोलुपताको पराकाष्ठा पनि उनले नै देखाए । पार्टीमा सर्वसत्तावादको प्रयोग अन्य दलका कुनै नेतामा भन्दा कम गरेनन् । बाबुराम भट्टराईदेखि महन्थ ठाकुर, विजय गच्छदार र अशोक राईसम्मका उच्च कदका नेतालाई भित्र्याएर पनि उनले पार्टी चलाए । तैपनि उनले आफूबाहेक अर्कोलाई नेतृत्वतर्फ चियाउन दिएनन् । जसले नेतृत्वको लोभ गर्यो, उसलाई टिक्नै नसक्ने अवस्थामा पुर्याए । वास्तवमा यो राजनीतिको प्रचण्ड सूत्र हो । अलि पहिला यो सूत्र कांग्रेसमा गिरिजाप्रसाद कोइरालाले प्रयोग गरेका थिए ।
कोइराला अस्ताएपछि कांग्रेसमा केही हदसम्म नेताविशेषको कम, अनि पार्टीको संस्थागत प्रणालीको बढी प्रभाव देखिँदै गएको छ । नभए हालैको महासमिति बैठकमा गगन थापा र विश्वप्रकाश शर्माको नीतिमा आधारित दस्तावेज पेस र पारित हुने थिएनन् । अझ भन्दा प्रचण्डसँगको समीकरण उल्टिने नै थिएन । किनभने देउवा र प्रचण्डको कुरो मिलिरहेकै थियो । गगनहरुले कुरा बिगारे र सत्ता समीकरण उल्टियो । देउवाका सहयोगीहरु सरकारबाट सडकमा आए । देउवाको मुखैमा आएको प्रधानमन्त्रीको पद पनि अनिश्चित भयो ।
उपेन्द्र र प्रचण्डबीच लामो समय सहकार्य चल्यो । उनीहरु फरक पार्टीमा भए पनि प्रायः राजनीतिक लाइन मिल्थ्यो । खासमा प्रचण्डको छाया पार्टीजस्तै थियो जसपा नेपाल । पछिल्लो समय जब उपेन्द्रले प्रधानमन्त्रीको आकांक्षा दर्शाए, अनि प्रचण्डको वक्रदृष्टिमा परे । उनकै पार्टी फुटाइदिए । सरकारबाट गिराइदिए । केन्द्रदेखि प्रदेशसम्मै जसपा सरकारविहीन बन्न पुग्यो ।
उपेन्द्रले प्रचण्डबाट धोका खाए पनि प्रचण्डको पार्टी चलाउने शैलीको अनुसरण भने मजैले गरेको देखिन्छ । माओवादी पार्टी स्थापनाकालदेखि प्रचण्ड जसरी नेतृत्वमा अटल छन्, उपेन्द्र पनि त्यही रूपमा रहिरहने अभ्यासमा खरो उत्रिँदै आएका छन् ।
हालैको जसपा नेपालको महाधिवेशनलाई हेरौँ ।
जनता समाजवादी पार्टी (जसपा) नेपाल जेठ २८ गते महाधिवेशनमा होमिएको थियो । जनकपुरधाममा भएको महाधिवेशनको तेस्रो दिन जेठ ३० बुधबार अध्यक्ष उपेन्द्र यादव सर्वसम्मतरूपमा पुनः अध्यक्ष चुनिए । महाधिवेशनको खास उपयोगिता त्यहीँ सकियो । त्यसपछि बाँकी पदाधिकारीमा निर्वाचन हुने भनियो निर्वाचनको सबै तयारी गरियो । जब मतदान गर्ने बेला भयो, जेठ ३१ गते बिहीबार मध्यान्हतिर ११ सय ३५ जना महाधिवेशन प्रतिनिधिका माझ उनले घोषणा गरे, ‘चुनाव गरेर एकता महाधिवेशनको सन्देश दिन सक्दैनौँ । त्यसैले महाधिवेशन यहीँ रोकौँ । बाँकी पदाधिकारी पनि सर्वसम्मत चयन गरौँ ।’
अब उपेन्द्र आफूले चाहेका नेतालाई छानीछानी पदको पजनी गर्नेछन् । आफूले तत्काल नचाहेका र भविष्यमा चुनौती बन्न सक्ने नेतालाई किनारा लगाउँदै जानेछन् । यो नै राजनीतिको प्रचण्ड शैली हो, जसको खास र एक मात्र लक्ष्य पार्टी जति कमजोर भए पनि नेतृत्वमा अनवरत रहिरहनु हो । यसपालि पनि उपेन्द्र यस उद्देश्यमा सफल भएका छन् । प्रधानमन्त्री पद पाउनै लाग्दा पार्टी फुटेकोमा दुःखी भएका उपेन्द्रले पक्कै पनि महाधिवेशनबाट आफू सर्वसम्मत भएको, महाधिवेशन बीचैमा स्थगित गर्न सफल भएको र महाधिवेशनको सम्पूर्ण शक्ति हातमा लिएर आफै सर्वशक्तिमान बन्न सफल भएकोमा चौगुना खुसी मनाइरहेका होलान् ।
उनको आगामी कार्यकाल पनि सफल रहोस् । शुभकामना ।
![‘मिडिया काउन्सिल विधेयक नियन्त्रणमुखी छ’](https://snowberry.prixacdn.net/media/gallery_folder/press-councile-nepal_zFmMckPVr1_lebv4l45fegchgkfnkc2p4dhzl7zpgqqjfbnuowens9nkudsr4hyzfrgfcab_s0V7OWVDHb_u7ndu6kikkhs33bay01l4fylg46mu0rvfk0xuzkep8nmi1keu7cbnjbeabrx.jpg)
‘मिडिया काउन्सिल विधेयक नियन्त्रणमुखी छ’
![भाटभटेनीले विद्यार्थीलाइ दियाे महिनाको २० घण्टा कामको सुविधा, पारिश्रमिक साप्ताहिक पाइने](https://snowberry.prixacdn.net/media/gallery_folder/bhus_x7A0hQ1F7F_ufWzrASDsI_smuqpatxraywlnfhjpyfg3ex7pblhmqpkg0on1h5kt9sfqfmvjruzcnssm0j_hJoaZExQKK_lwcyo59wikjopzz3n802jprigj26355nypb7hv05qkqmuzhykknfv3t52jty.png)
भाटभटेनीले विद्यार्थीलाइ दियाे महिनाको २० घण्टा कामको सुविधा, पारिश्रमिक सा…
![इन्दु वर्माकाे कप्तानिमा एसिया कपका खेल्ने लागि नेपाली महिला टोली घोषणा](https://snowberry.prixacdn.net/media/gallery_folder/unnamed_M9R5vGAGJ4_ddxdbc88e4z0evpbvw5melppcwupu11yu6cvv5lo5bfgxirccued1crc30ls_6lCHRmPidt_hk097o9tboiyty2pwley075lgequq4p2rtx96eoazhsz438yczr7cnwaltob.png)
इन्दु वर्माकाे कप्तानिमा एसिया कपका खेल्ने लागि नेपाली महिला टोली घोषणा
![विपद् व्यवस्थापनमा परिचालन हुन प्रहरीलाई निर्देशन](https://snowberry.prixacdn.net/media/gallery_folder/nepal-police_0wQapf461P_ytg8ga6kfwbxdthiokly9rv7af1roqc3x9b1pc5i90wbr1yhwhdgcst6y9ex_6jrEOEJsLq_9mdcntawesjcnzapdzccypdenixj34rjjt65oehxhntt2q9cfjwrps5cjmk4.webp)
विपद् व्यवस्थापनमा परिचालन हुन प्रहरीलाई निर्देशन
![विपदमा परी १४ जनाको मृत्यु, दुई बेपत्ता](https://snowberry.prixacdn.net/media/gallery_folder/Pahiro_Lamjung_kbBfsjDXyn_CO1wK4loOl_ziudlrwdqfvnx68j7vlt6r4e528gdpa4ljwblkvoqcadevazzuhw8gdwkprk_FPqWz6YCJH_vrdygnxxegh8docgbcbnnvqzfhnj91hop3lyueqoxzerwmycmqadcx6mjh1d.jpg)
विपदमा परी १४ जनाको मृत्यु, दुई बेपत्ता
![नक्कली शैक्षिक प्रमाणपत्र पेस गरेर जागिर खाने दुई शिक्षकलाई सजाय](https://snowberry.prixacdn.net/media/gallery_folder/download_RoglHQz1zn_m20eeqhj0rl8q1cjxtgrflb6k8qxzvhxgstighfuddl9hv5jxkjc4vwtf5pq_B6w3B6xUQk_jwox3u6re7klumcpsmrxnbq6twvjr1r41ymhj0ptfqjpvqye0oxnzyydi7wb.jpeg)
नक्कली शैक्षिक प्रमाणपत्र पेस गरेर जागिर खाने दुई शिक्षकलाई सजाय
![वन कार्यालय जलेश्वरमा भ्रष्टाचार : ६ जना कसूरदार, १८ ले पाए सफाइ](https://snowberry.prixacdn.net/media/gallery_folder/download_AMDZfVkzrL_ub0rlu0k4bdm2a5ky0br04ara2fdufisr0bk0qd6asoldpezgwsfr4cecyjm_hvvEYLx67p_ugeyurdjr6j5ygdbpj2xytm7ychknnlbtns9bhuewmzfvjejkrh61wphzbe1.jpeg)
वन कार्यालय जलेश्वरमा भ्रष्टाचार : ६ जना कसूरदार, १८ ले पाए सफाइ
![असार १६ गतेदेखि निकुञ्ज सफारी बन्द हुने](https://snowberry.prixacdn.net/media/gallery_folder/jeep-safari-in-chitwan-national-park_pjE1DeU0C9_oiuxqy6zcpdgcnrl8odicimrj9msblzmikselqwvkwhuhpxwi693v3hztb1z_zED47VrXdJ_prdmdvq3cavukrtotcehubpc28f474l5zexrocnnx0wbosvxybblsqnypkfx.jpg)
प्रतिक्रिया