के ओली–प्रचण्ड गठबन्धन दिल्लीबाट नवीकरण भएकै हो त ?
![](https://snowberry.prixacdn.net/media/gallery_folder/Blue%2520and%2520Cream%2520Minimalist%2520Indian%2520Travel%2520Tour%2520Presentation_wuKgTexGt2_xxapv1ywrod6yogew5twn67omsi68aezcdwla31gv05ackdjnwne0txd2pvh_w6tcQaxQF9_pxqd3rfraoojrvj7jhox1vi734fjev014udc6cvvz63dctrtisk8fswv40hp.jpg)
प्रधानमन्त्री पुष्पकमल दाहाल ‘प्रचण्ड’ भारत भ्रमणबाट फर्किए । उनी भ्रमण सफल भएको भन्दै दंग छन् । भारतमा प्रचण्डले पाएको मानसम्मानबाट उनको समर्थक पंक्ति पनि पुलकित छ।
मोदीले प्रचण्डलाई एक्लै पनि भेटे। मन्त्री जयशंकरलाई पनि भेट्न लगाए । यस हिसाबले हेर्दा छिमेक पनि प्रचण्डलाई खास महत्त्व दिएको हो कि भन्ने पनि देखिन्छ ।तर यहाँनिर बुझ्नुपर्ने कुरा के छ भने प्रचण्ड त्यहाँ बोलाइएका पाहुना हुन् । आफैले आमन्त्रित गरेका पाहुनाको स्वागत सत्कार हुनु स्वाभाविक र सामान्य हो ।
अझ मोदीका दृष्टिमा प्रचण्ड केवल माओवादी नेता मात्र होइनन् । नेपालका प्रधानमन्त्री हुन् । नेपाल राज्यका प्रतिनिधि हुन् । निकट छिमेकीसँगको सम्बन्धमा सुमधुरता देखाउनकै लागि भए पनि मोदीले यति गर्नैपर्ने हुन्थ्यो ।
भारतमा मोदीको राजनीतिक शक्ति केही कमजोर भएको छ । उनको शक्तिक्षय हुनुमा छिमेकीसँगको सम्बन्ध पनि एउटा कारण हो । नेपालको संविधान रोक्न खोजे । सीमा विवाद बल्झाउन पुगे । धार्मिक अतिवादको असफल प्रयोगमा उनी एक्सपोज मात्र भए । नोटबन्दीका कारण नेपाल राष्ट्र बैंकमा थुप्रिएका भारतीय मुद्रा साटिदिएनन् । पञ्चेश्वरलगायत केही परियोजनामा मोदीले गफ दिए तर स्थलगत रुपमा काम अघि बढेन । सन् २०१४ मा उनी शक्तिमा आउँदा अवस्था जे थियो, अहिले पनि त्यही छ ।
प्रचण्डलाई महत्त्व दिएको देखाएर उनले छिमेकीको विश्वास जित्न चाहेको र नजिकै राख्न खोजेको देखाउन सके । यो मोदीको बाध्यता हो । किनभने भारतमा भाजपा एक्लैको बहुमत रहेन । प्रधानमन्त्री मोदी गठबन्धनमा निर्भर रहनुपर्ने भयो । पहिलाभन्दा घटेको शक्तिका साथ सत्तामा निरन्तरता पाएका मोदीका निम्ति छिमेकलाई विश्वासमा लिएरै अघि बढ्नुपर्ने बाध्यता छ ।
अन्तर्राष्ट्रियरुपमा हिजो मोदीलाई जुन तहमा सुनिन्थ्यो र स्वीकार गरिन्थ्यो, अब त्यस्तो नहुन सक्छ ।
तसर्थ, छिमेकीलाई साथमा राखेको देखाउनुको मोदीका निम्ति खास अर्थपूर्ण छ । त्यसैले प्रचण्डलाई आएको निम्तो र दिल्लीमा भएको भेटले यहाँको ओली–प्रचण्ड गठबन्धनको नवीकरण हो भनेर बुझ्नु बच्कनापन हुनेछ ।
मोदी आफैलाई अहिले आन्तरिक व्यवस्थापन ठूलो चुनौती बनेको छ । हिजोको दिनमा भाजपा अत्यधिक शक्तिमा थियो । अहिले त्यो अवस्था नभएकोले छिमेकीसँगको सम्बन्ध र व्यवहार फरक रुपमा अगाडि बढाउनुपर्ने हुन्छ । सतर्कतापूर्वक व्यवहार गरिएन भने त्यो प्रत्युत्पादक बन्न सक्छ ।
मोदीको सत्ताको चाबी नेपालसँग सीमा जोडिएका उत्तर प्रदेशका नीतिशकुमारको हातमा पुगेको छ । गढवालमण्डलका अजित डोभलको सुरक्षा र जासुसीको आँखाले हेरिने नेपाल सम्बन्धभन्दा नीतिशकुमारले राजनीतिक र सांस्कृतिक सम्बन्धका आँखाले हेर्ने सम्बन्ध बढी यथार्थपरक हुनेछ । यसकारण पनि मोदीले तत्कालै नेपालमा आफूले चाहेको परिस्थिति सिर्जना गर्नेभन्दा पनि जे परिस्थिति छ त्यसैमा आफ्नो हित र चासोको सम्बोधन खोज्न सक्नेछन् ।
यो नेपालका नेताहरुका निम्ति राम्रै कुरा हो । यद्यपि दिलीमा मोदीको धाप पाए भन्दैमा प्रचण्ड सत्ता सुरक्षित भयो भनेर निष्कर्ष निकालिहाल्नुचाहिँ मूर्खता हुनेछ । उनको उथलपुथलका लागि घरेलु कारण नै पनि काफी छन् । गठबन्धनमा रवि लामिछानेदेखि माधव नेपालसम्मका नेतामा जुन उकुसमुकुस छ, त्यसले जुनसुकै बेला सत्तापलट गराइदिनेछ । यसमा भारत वा महाभारतको भूमिका आवश्यक नै छैन ।
![आधा हातले कम्प्युटर चलाउने गणेश राई प्रधानमन्त्रीको सचिवालयमा नियुक्त](https://snowberry.prixacdn.net/media/gallery_folder/rai-ganesh-co_W5YXKTIi85_ajzmgm4p1zxzg4ffg19wkoaruaecvuehkeahqhcbcvqiqso74nqpozvibknq_ZUfiXBvqC4_frggq8zyyldi0j4arpoob7rpmpbavpdti01f4qz19zgtfsxbstvle5m8fnqm.jpg)
आधा हातले कम्प्युटर चलाउने गणेश राई प्रधानमन्त्रीको सचिवालयमा नियुक्त
![दुई हजार रोपनीमा फलफूल बगैँचा स्थापना](https://snowberry.prixacdn.net/media/gallery_folder/flower_exhibition2024-03-18-03-03-29_Bk2d8ufVTF_ybjfejehfthfegt21rmtvfmnd1yeb6nr8jpv9ax2kvozxf7bhmgwrhocfdhp_94jiGj3bt8_tpecvvqfftwgovrgeya2fkhizphy2jdptcrpzwvsutygpcbs89qr5umvcutx.jpeg)
दुई हजार रोपनीमा फलफूल बगैँचा स्थापना
![कृषि उपजलाई बजार अभाव](https://snowberry.prixacdn.net/media/gallery_folder/Kirsi%2520upaj_rvvsFfbYGF_xlvsepkbfi6vbhtrkb8kzttptkl47m0xoxox9w7bb0j95pm27biczlrpsjhh_XGM9Bt1F2c_i1pwad7e7qdkgj2pf7dqjg8sbxnpwm9negeuyaeelhrwgxgbqsvm0k7oorvt.jpg)
कृषि उपजलाई बजार अभाव
![सरकारले गलतीले मृत घोषित गरिएका एक भारतीय व्यक्तिले आफू जिउँदै छु भनेर प्रमाणित गर्न अपराधको साहरा](https://snowberry.prixacdn.net/media/gallery_folder/rajasthan-man2_b24UhVTm91_v3FnQQpmWG_wzhmgcn2rftlskpvzebmzetb8yzxqsbelctoxaewxwzhutzcc9ys0lwybams_hPVsJgSCOL_s4k9idbudrdq6huzjltkfw8mcno9cg5nsoz8aooavu7jenpkfqxpvqbzdzvg.webp)
सरकारले गलतीले मृत घोषित गरिएका एक भारतीय व्यक्तिले आफू जिउँदै छु भनेर प्रम…
![बीपीको सिद्धान्त शेखरले बचाएका छन्, उनलाई समर्थन गरौं : कांग्रेसकी नेतृ सुजाता](https://snowberry.prixacdn.net/media/gallery_folder/sujata-koirala_GDDEsNs1aQ_C7uy3CbGRa_vvcgzljlantrxpjea2062ikcs4nl6z84bipluqaakv8tlduqkrewtakwgojr_ml8X16idCA_edocvw8crmmx3prxbx9t4ip5qauhdda4gxpmwpfooy1mfbymvnwwepbbukcs.jpg)
बीपीको सिद्धान्त शेखरले बचाएका छन्, उनलाई समर्थन गरौं : कांग्रेसकी नेतृ सुजा…
![एलओसीमा झडप : एक पाकिस्तानी नागरिकको मृत्यु, २ भारतीय सेना घाइते](https://snowberry.prixacdn.net/media/gallery_folder/kashmirma_pher_bhidanta_0tw3fpyD2M_y8tw8evdssefcwuvc0k8lx8ycbhnhry3eqcqtsj7azbxdfpt28oervlqy3e6_mbu8kp46S5_vvovv9vlywczhsvdac8opej0tvjwib2uilxsvuhu8u9qtkf87jplmhbe7naf.jpg)
एलओसीमा झडप : एक पाकिस्तानी नागरिकको मृत्यु, २ भारतीय सेना घाइते
![समाज सेवामा युवाको भूमिका महत्वपूर्ण](https://snowberry.prixacdn.net/media/gallery_folder/main-qimg-81d3833fbad7c2810b55661abca09416-lq_wazrgVGdQD_qelmwxzdqgc1lhshhmorsrsew6yj5av1rcdirrxujnrsrbggiw9uttotbfv2_c6yTO7HjrS_lkuabsyt3h3tmeqy11rbnk5ocv1uthijmsvlt2tzodopop65zwvvwcja3lde.jpeg)
समाज सेवामा युवाको भूमिका महत्वपूर्ण
![अमेरिकी राष्ट्रपतीय निर्वाचनमा कमला ह्यारिसको उम्मेदवारी घोषणा](https://snowberry.prixacdn.net/media/gallery_folder/453103239_925517762953215_7666439444351459727_n_h9DPLRLzak_htn1bzklanbfcjcht16t7jqk0ipczchpxyqe79xc40hok8rjplnzs5xngya6_3msQZsBtWh_wxn8pwuxhpmiz67sbnoatfuiieu8lb5zs5zcbp2dhqnpnaoptbdjqxpfbqxa.jpg)
प्रतिक्रिया