८० करोड बराबरको ५६ बिघा जग्गा व्यक्तिका नाममा गर्ने चार जनालाई सजाय
![](https://snowberry.prixacdn.net/media/gallery_folder/Bisesh-Adalat_PrsYfvcsNI_rissfnb8w6s41qlmykajhgkwsfyiien2adywwapsyz9acmsipjsesj4pbu8r_wgCA3SlMks_cusxfcbyjkverdw6nez2tpzaygbtkwhnthwpxndnhaja7ese93qdwoijg38k.jpg)
विशेष अदालतले सरकारी जग्गा व्यक्तिहरुका नाममा पु¥याएको मुद्दामा चार जनालाई सजाय सुनाएको छ । ८० करोड रुपैयाँ मूल्य पर्ने उदयपुर जिल्लाको ५६ बिघाभन्दा बढी जग्गा व्यक्तिहरुका नाममा कायम गरेको विषयमा फैसला भएको हो ।
विशेषका अध्यक्ष टेकनारायाण कुँवर तथा सदस्यहरु तेजनारायण सिंह राई र रामबहादुर थापाको इजलासले यस मुद्दामा आंशिक ठहर हुने फैसला गरेको हो । अख्तियार दुरुपयोग अनुसन्धान आयोगले १५ कात्तिक २०७० मा मुद्दा दायर गरे पनि यो मुल्तवीमा गएको थियो । तर सर्वोच्चबाट अन्तिम किनारा भएपछि फैसला आएको हो ।
विशेषका उपरजिष्ट्रार धनबहादुर कार्कीका अनुसार यस मुद्दाका १० मध्ये ४ प्रतिवादीमाथि कसूर कायमको फैसला भएको छ भने अन्य ६ जनाले सफाई पाएका छन् । दोषी ठहर हुनेमा भुपबहादुर गौली खत्री, पृथीमान सार्की, विष्णुदेवप्रसाद चौधरी र गंगाबहादुर भुजेल छन् ।
उनीहरुले भ्रष्टाचार निवारण ऐनको ३(१)(ख) बमोजिम कसूर गरेको भन्दै सजाय सुनाइएको हो । साथै ऐनको दफा ११ बमेजिम १÷१ वर्ष कैद र जनही ५०–५० हजार रुपैयाँ जरिवानासमेत हुने भएको छ ।
ऐनको दफा ३(१) ले रिसवत दिने वा लिनेलाई सजाय हुने व्यवस्था गरेको छ । यसको (ख) मा २५ देखि ५० हजार रुपैयाँसम्म घूस लेनदेन गरेमा तीनदेखि चार महिनासम्म कैद हुने उल्लेख छ । दफा ११ मा भने सरकारी कागजात सच्याउनेलाई सजाय हुने प्रावधान छ । जसअनुसार कसूरदारलाई तीन महिनादेखि दुई वर्षसम्म कैद र ५० हजार रुपैयाँसम्म जरिवाना हुनसक्छ ।
यस मुद्दामा सफाइ पाउनेमा सूर्यबहादुर खड्का, निरबहादुर खड्का, दुर्गाबहादुर खिलेंगे सार्की, किरण पाण्डे, झर्के सार्की र दिनेश खड्का छन् । अभियोग पुष्टि भएका खत्री, पृथीमान सार्की, विष्णुदेवप्रसाद चौधरी र गंगाबहादुर भुजेल यस अघि पनि किर्ते मुद्दामा सर्वोच्चबाट दोषी ठहर भइसकेका हुन् ।
किर्ते मुद्दामा उनीहरुमाथि २०७० फागुनमा उदयपुर जिल्ला अदालतमा मुद्दा दर्ता भएको थियो । अन्य अदालतमा मुद्दा विचाराधीन रहेका कारण विशेषले मुद्दा मुल्तवीमा पठाएको थियो । पक्षहरु पुनरावेदन गएपछि यो मुद्दा उच्च हुँदै सर्वोच्च पुगेको थियो । विशेषले दोषी ठहर गरेको चारै जना किर्तेमा पनि सर्वोच्चबाट दोषी देखिएका थिए । जसपछि उक्त फैसलालाई समेत आधार मान्दै विशेषले भ्रष्टाचार मुद्दामा फैसला दिएको हो ।
किर्तेको यस मुद्दामा सर्वोच्चका न्यायाधीशद्वय विश्वम्भरप्रसाद श्रेष्ठ र तिलप्रसाद श्रेष्ठको इजलासले फैसला दिएको थियो । सर्वोच्चबाट अन्तिम फैसला भएपछि विशेषले सुनुवाई थालेको हो । १६ असार २०७९ मा सर्वोच्चले किर्ते मुद्दा किनारा लगाएपछि विशेषले मुल्तवीबाट जगाएर यसमा सुनुवाइ थालेको थियो ।
उदयपुरको तत्कालीन भुमरसुवा गाविसको ५६ बिगहा १० कठ्ठा सरकारी जग्गा कर्मचारीहरुको मिलेमतोमा व्यक्तिका नाममा दर्ता भएको भेटिएको थियो । फिल्डबुकको जग्गाधनी महल र कैफियत महल सच्याएर भ्रष्टाचार भएको दाबीसहित मुद्दा चलेको हो ।
दोषी ठहर भएकामध्ये विष्णुदेवप्रसाद चौधरी तत्कालीन नापी कार्यालय प्रमुख हुन् । गंगाबहादुर भुजेलले सार्कीले दिएको ५० हजार रुपैयाँ घूस नापी प्रमुखलाई बुझाएको भेटिएको थियो ।
भुपबहादुर गौली खत्री भने नापी कार्यालय उदयपुरमा कार्यालय सहयोगी पदमा कार्यरत थिए । उनले हस्ताक्षर किर्ते गरेको विधि विज्ञान प्रयोगशालाले पुष्टि गरेको थियो ।
यसैगरी पृथीमान सार्कीले भिर पहिरो लेखिएको ठाउँमा टिपेक्स लगाइ मेटी जग्गा धनीको महलमा आफ्नो नाम राख्न लगाएका थिए । उनले नापी प्रमुख चौधरी र कार्यालय सहयोगी गौलीको योजनाअनुसार मिलेमतोमा ५० हजार रुपैयाँ घूस बुझाइ कागजात सच्याएको बयान दिएका थिए ।
![यौनकाण्डका चर्चित कालोकोटधारीहरुको कर्तुत यस्तोसम्म हुन्छ !](https://snowberry.prixacdn.net/media/gallery_folder/F_UHM2qo4XS8_y69cgbxg7eqlkbdvokrdjovwb1cx7zm0yt708zjeldpwer7ppn689y7z26p2_x86Cv67OHJ_7ump1vy6f1buytr43c8vi76jvf5mvn0minzjyzc6gxud61ohw7ahzibgvpux.png)
यौनकाण्डका चर्चित कालोकोटधारीहरुको कर्तुत यस्तोसम्म हुन्छ !
![कालोकोटधारीलाई कसले नैतिकता सिकाउने ?](https://snowberry.prixacdn.net/media/gallery_folder/uu_D0FHA0l88W_xqs9buruzwf3isnjdjz4qc42oe0wmzkkqpvfdmjjqv2f1h8aeejadgifmvvv_Aaaijd3mLc_povwrjgmcs5ywhkmqvj5ymorcrulcgsjlg5vlluuebvsfr1rwkqhk34pcvd4.png)
कालोकोटधारीलाई कसले नैतिकता सिकाउने ?
![सर्वाेच्चमा दोहोर्याउने मुद्दाले अनुमति पाउनै सकस, दश प्रतिशत पनि स्वीकार्य हुदैनन्](https://snowberry.prixacdn.net/media/gallery_folder/viber_image_2024-07-19_04-56-59-830_jS4b5AG1Vm_n9hnukl8vs44xaboageof1ivmlcwnqmm7g3ydpnthfbxigctqqqsjp8gxdef_W4GcuPcCoX_pw1mk5wlvitaphicq3tvw2uhjbv2cyqc1ggq57kwts8ammiefsmod4pscofi.jpg)
सर्वाेच्चमा दोहोर्याउने मुद्दाले अनुमति पाउनै सकस, दश प्रतिशत पनि स्वीकार्य हुद…
![कर्मचारीको तलब मर्यादाक्रम अनुसार लागू गर्न सर्वोच्चको परमादेश (पूर्णपाठसहित)](https://snowberry.prixacdn.net/media/gallery_folder/supreme-court_ZxYTp8EGHM_czd2kjy57mw7iitv66dwjgloof2wyrlp55qhrqw1qqhp0nfxavtnlfr061ad_DFfo2cgv6P_vzo1l3m5ioga9a56lcuhotwindettxjgujzawfmcitmkpkcjxztv0nhr4rep.jpg)
कर्मचारीको तलब मर्यादाक्रम अनुसार लागू गर्न सर्वोच्चको परमादेश (पूर्णपाठसहित)
![उच्च अदालत विराटनगरद्वारा चौध हजार मुद्दा फछ्र्याैट](https://snowberry.prixacdn.net/media/gallery_folder/1660720822_high_court_biratnagar_5nJsWx6NR4_agg89movhdoqajejegvynfqpuswyve8kvmgobnqhrxjpe2t6wg1w6mgngazj_jxgInGd6Lj_4dqaqio8js55zg9xcu8z2dzh9gerzkkmw2ymh1ohm8pgaxepe99ascg2ag5y.jpg)
उच्च अदालत विराटनगरद्वारा चौध हजार मुद्दा फछ्र्याैट
![न्यायको अंकगणित– कति न्यायसंगत छ श्रीमान् ?](https://snowberry.prixacdn.net/media/gallery_folder/%255B%255B%255B_X8kpLNNNqK_yssbtjgbspimdfm0chyiycaa0pmnppzqxm1wsrgprgip0p9htsnusce3rpoq_KFubAPl7Bf_mbhlkxymqnosjzxzui0cbklsfimgctrukbpuzemzspku0qsjyhkxfsjjvl0e.png)
न्यायको अंकगणित– कति न्यायसंगत छ श्रीमान् ?
![नदी किनाराका सुकुम्बासी बस्ती हटाउन अदालतको आदेश (पूर्णपाठसहित)](https://snowberry.prixacdn.net/media/gallery_folder/6008c517b480a_5ec32a8f11f79_5e9e35ab35ca0_5e466c6b1e050_Supreme_court_f7KAusqW5X_0vZzj5VtYh_yx9wfbp0gexxcr2hlt10era1yh5cz7lcctymfo0nyqdo60bcvcpcnaxvxdgb_CsiXSp0dyI_qp98w7zxkopbhs3lfiweop2xzqpjb43tibybegdibvs5eqyqvn3dcrjcuhbk.jpg)
नदी किनाराका सुकुम्बासी बस्ती हटाउन अदालतको आदेश (पूर्णपाठसहित)
![आजदेखि थप ५ जिल्लामा पारिवारिक इजलास सुरु हुँदै](https://snowberry.prixacdn.net/media/gallery_folder/High-court_sarbochha-adalat_tg6WFxPKtp_gh4zaqvmpuh19ph4iy4gzpbgfq2onhqhpavucmwernslw6exw39yynadfl3g_rqaOQigYE4_87kyftq3yw7bof8o0vnkzsqdlzc9mk7zsczlxad3mmsfu3tacvv5tlm0cjq1.webp)
प्रतिक्रिया