झुलाघाट-चिवाभञ्ज्याङ यात्रामा छैनन् भीम रावल, एमालेमा एक्लिँदै

समृद्धिको संकल्प यात्रा भन्दै एमालेले १४ मंसिरदेखि बैतडीको झुलाघाटबाट यात्रा सुरु गरिसकेको छ । एमाले अध्यक्ष केपी ओलीसहित सबै पदाधिकारी र नेता सहभागी यो यात्रा सुदूरपश्चिम सकेर कर्णाली प्रदेश पुगिसकेको छ ।

रावल गृहजिल्ला अछाम जान आइतबार धनगढी पुगेका थिए । सोमबार अछाम पुगे ।  सुदूरपश्चिमबाट सुदूरपूर्वसम्मको यो अभियानमा रावल जोडिन नसक्नुमा अध्यक्ष ओली र रावलको अहम हो ।   चितवनमा भएको एमालेको १०औँ महाधिवेशनमा अध्यक्षमा ओलीसँग प्रतिस्पर्धा गरेर रावल पराजित भएका थिए । र, निर्वाचित केन्द्रीय सदस्य पनि अस्वीकार गरेपछि उनी एमालेमा पदविहीन बने । 

गत वर्षको संसदीय निर्वाचनमा पनि रावलले टिकट पाएनन् जबकि एमाले जिल्ला र प्रदेश कमिटीले उनको एकल नाम सिफारिस गरेको थियो ।तर, ओलीले उनको नाम काटेर पूर्वमाओवादी नेता झपट बोहरालाई टिकट दि । अछाममा एकीकृत समाजवादीले जित हात पारेको थियो ।