एसियाली खेलकुद : नेपालले महिला कबड्डीमा पदक पाउने निश्चित
![](https://snowberry.prixacdn.net/media/gallery_folder/GJmM5fEEOXW76gLIL3QiqYcGoKtDii5w44VSyYDz_W6hVGJuaWj_sw5sdglavxfb445rcgkohgybjezlodyiybrehnlzg6dytqqirf1kqeyrgigx.jpg)
काठमाडौँ, १७ असोज : उन्नाइसौँ एसियाली खेलकुद प्रतियोगिताअन्तर्गत नेपाल महिला कबड्डीतर्फ सेमिफाइनलमा प्रवेश गरेको छ । सेमिफाइनल प्रवेश गरेसँगै १९औँ एसियाली प्रतियोगितामा नेपालले कबड्डीमा पदक पाउने निश्चित भएको छ ।
चीनको हाङझाउमा जारी प्रतियोगिताअन्तर्गत केहीबेरअघि सम्पन्न खेलमा इरानले बङ्गलादेशलाई ५४–१६ अङ्कले पराजित गरेसँगै नेपाल समूह ‘बी’को उपविजेताका रूपमा सेमिफाइनल प्रवेश गरेको हो । सेमिफाइनलमा प्रवेश गरेसँगै नेपालले जारी एसियाली प्रतियोगितामा कम्तीमा कास्य पदक प्राप्त गर्ने टुङ्गो लागेको हो । कबड्डीमा सेमिफाइनल पुग्ने चारवटै टोलीले पदक प्राप्त गर्ने प्रावधान छ ।
महिला कबड्डीतर्फ नेपालले पहिलोपटक एसियाली खेलकुदमा भाग लिएको हो । “पहिलो सहभागितामै आफ्नो देशलाई पदक दिलाउन सफल भएका छौँ”, नेपाली महिला कबड्डी टोलीका प्रशिक्षक विष्णुदत्त भट्टले चीनको हाङझाउबाट रासससित कुरा गर्दै भने, “महिला कबड्डी टोलीले विश्वमा नेपालको इज्जत बढाएको छ, जारी एसियाली खेलकुदमा मुलुकलाई पदकविहीन हुनबाट जोगाउन सफल भयौँ ।” सेमिफाइनलमा पनि उत्कृष्ट प्रदर्शन गर्दै कास्य पदकमा मात्र सीमित नरहने उनको भनाइ थियो ।
नेपाल रहेको समूह ‘बी’ मा इरान र बङ्गलादेश रहेका थिए । इरान समूह ‘बी’को विजेताका रूपमा प्रतियोगिताको सेमिफाइनलमा प्रवेश गरेको छ । नेपालले पहिलो खेलमा सोमबार बङ्लादेशलाई ३७–२४ अङ्कले पराजित गरेको थियो भने दोस्रो खेलमा मङ्गलबार इरानसित १९–४३ अङ्कले पराजित भएको थियो । नेपाल र इरानसित पराजित भएको बङ्गलादेश भने प्रतियोगिताबाट बाहिरिएको छ । इरानले १८औँ एसियाली खेलकुदमा पनि महिला कबड्डीमा स्वर्णपदक जितेको थियो ।
यस्तै महिला कबड्डीतर्फ समूह ‘ए’मा भारत, थाइल्याण्ड, चाइनिज ताइपेइ र दक्षिण कोरिया रहेका छन् । नेपालले अब समूह ‘ए’को विजेता टोलीसित सेमिफाइनल खेल्ने छ ।
![रान्डल मुआनी र उसमान डेम्बेलेकाे गोलमा बेल्जियममाथि फ्रानसको जित](https://snowberry.prixacdn.net/media/gallery_folder/9e61b374b375169ae182d5d0eb053fe3ffeeefff_vNsWIBhhg4_0w055zot7och8rh53n0jtdhp2qjy91ej90yk0ja5gukgfmoa20ch3g9u4tzh_idOibnUeRt_l7yxwcb1wshtkndplqyxqampzzk0q3p6tnnggqrhioxtcuqztvmudehg4cv0.jpg)
रान्डल मुआनी र उसमान डेम्बेलेकाे गोलमा बेल्जियममाथि फ्रानसको जित
![लामाे समय घुँडाको लिगामेन्ट इन्जुरिका कारण मैदान बाहिर रहेका नेइमार मैदानमा फर्किने तयारी](https://snowberry.prixacdn.net/media/gallery_folder/viber_image_2024-09-10_07-30-29-951_vp0SGVTmot_kbo6sidllx8dgamjzgsgwseg9ntmjwpuyp4ve0jdahagdnaxkjbrwlcuafjs_zroSwbaaMO_kucymtgxxujwmnab60fedbnn4sdxubmq156kykzoshusaiugh9cis3hndsg2.png)
लामाे समय घुँडाको लिगामेन्ट इन्जुरिका कारण मैदान बाहिर रहेका नेइमार मैदानम…
![‘वार्नरको अनुपस्थितिमा स्मिथलाई टी-२० टोलीमा टोलीमा फिर्ता बोलाउनु पर्छ’ : मार्क टेलर](https://snowberry.prixacdn.net/media/gallery_folder/5992418f2018ad1a7fb1ff4e104d3f80_jmFLC90JdO_ckykksc8tajkxpp1cpmfz0gaudv4dfdxrzwa32f7htfnb1tycjbumrmtitun_6GBQfBEalu_0df2iveizfclwagqtgs0vxpqplrcctbjtlzhdln1qvvsc7nnqw2hrdsb2psb.jpeg)
‘वार्नरको अनुपस्थितिमा स्मिथलाई टी-२० टोलीमा टोलीमा फिर्ता बोलाउनु पर्छ’ : मा…
![आइसिसी विश्वकप लिग–२ दोस्रो त्रिकोणात्मक सिरीज लागि नेपाली टोलीको घोषणा](https://snowberry.prixacdn.net/media/gallery_folder/Nepal-team_awWxIWwHmL_wqkbznv2ugdrcnf4c3fcmiwpucabgbddeo9sb4nb4iwctfgfnuxa8o47nwck_YHeAPK6QgI_vtmqp6lurirjy4adbxnqknaivvov0r14g4mobji2hzyglv18yxqojuohy9e8.jpg)
आइसिसी विश्वकप लिग–२ दोस्रो त्रिकोणात्मक सिरीज लागि नेपाली टोलीको घोषणा
![पाथुम निसानकाको शतककाे मद्दतमा तेस्रो खेलमा श्रीलंकाले इङ्ल्यान्डलाई आठ विकेटले हरायाे](https://snowberry.prixacdn.net/media/gallery_folder/1725883978863_FotoJet-(84)_LeFRfv032R_26bldmhofrb65qhq6rjeencmqgsr2sgtsess46xpvlzsnbfsor46mulajd8h_Tu5cB6fSQx_ruulutfbblwo9jybap07qfi7crrxsav5lmjc9pmrt6w5m5fjrrqta5nmp6le.jpeg)
पाथुम निसानकाको शतककाे मद्दतमा तेस्रो खेलमा श्रीलंकाले इङ्ल्यान्डलाई आठ विकेट…
![चन्द्रपुरमाथि एपीएफकाे ६–० गाेलकाे फराकिलो जित](https://snowberry.prixacdn.net/media/gallery_folder/apf-chandrapur_A0MZxj8u9B_wx4vhf2zcB_j7tbm4eb96n3tbzwu5rypjcerggrny5rokfk3ojfpligvhh9xpcaaozqiwk1_cjcMk3X8d6_huml6xgayip9xisj7vciu2iscicvjo0tuioev8zwopl0ednn039qzflwu1fu.jpg)
चन्द्रपुरमाथि एपीएफकाे ६–० गाेलकाे फराकिलो जित
![एएफसी यु–२० एसियन कप छनोटका लागि अन्तिम टोली घोषणा](https://snowberry.prixacdn.net/media/gallery_folder/u20%2520nepal%2520k1658909406_kkn7MnK4kD_lsmnudh6xk62sxv3ti0wyfrnkezcwxooxo6yjku3naewss52jvavop78sccy_9b2zCqLJdf_ffqbyr0bzj40psixd5e7m8t6clpfvrjpkjcvqv8vakjmq4djzd9olfymm6tj.jpg)
एएफसी यु–२० एसियन कप छनोटका लागि अन्तिम टोली घोषणा
![स्पेनले स्वीट्जरल्याण्डलाई फराकिलो गाेल अन्तरले हरायाे](https://snowberry.prixacdn.net/media/gallery_folder/2024-09-08T201433Z_1999259743_UP1EK981K85H8_RTRMADP_3_SOCCER-UEFANATIONS-SWI-ESP-REPORT-1725826998_2B4PLbYGkA_3ts3upv94i7t29bgqe3mhtbpdlvvyiugyy3gfkfu59nwhuzohntewrsbqp4f_EDQWO4Vjyf_znihfdozofusyo1qygly6vpzjazomlowu1qwfspmwnwnmw3ngobcvuamyuqi.webp)
प्रतिक्रिया