लागूऔषध सहित पक्राउ

सिरहा -
बरियारपट्टी गाउँपालिक २ खोक्सीबाट प्रतिबन्धित लागूऔषध डाईलेक्स १ सय एमएलको डाइलेक्स डिसी २२ बोतल, नाइट्रोभेट ट्याब्ले ४१ थान सहित २ जनालाई बिहीबार प्रहरीले पक्राउ गरेको छ ।

पक्राउ पर्नेहरुमा सुखिपुर नगरपालिका ८ बस्ने २५ वर्षीय सुजित यादव र सोही नगरपालिका १० बस्ने २९ वर्षीय दिपेन्द्र महतो रहेका छन् ।

प्रहरी चौकी जानकीनगर सिरहाबाट खटिएको प्रहरीले भारतबाट नेपालतर्फ आउँदै गरेको स ७ प ७३०६ नम्बरको मोटरसाईकल जाँच गर्ने क्रममा उक्त लागूऔषध सहित फेला पारी मोटरसाइकल चालक सुजित र मोटरसाइकलमा सवार महतोलाई पक्राउ गरेको हो ।

धनुषा -
जनकपुर उपमहानगरपालिका १४ हनुमान मन्दिरबाट प्रतिबन्धित लागूऔषध नाइट्राभेट ट्याब्लेट १५ पाता सहित सोही ठाउँस्थित रजौल बस्ने २७ वर्षीय रितिस गुप्तालाई बिहिबार प्रहरीले पक्राउ गरेको छ ।

वडा प्रहरी कार्यालय मुजेलिया धनुषाबाट खटिएको प्रहरीले शंका लागि जाँच गर्ने क्रममा उक्त लागूऔषध सहित फेला पारी उनलाई पक्राउ गरेको हो ।

बाग्लुङ - 
निसिखोला गाउँपालिका ६ का वडा अध्यक्ष ५२ वर्षीय सूर्य बहादुर घर्तीलाई चरेश बनाउन तयार पारी राखेको अवैध लागूऔषध गाँजाको धुलो करिब ८६ किलो ५ सय ग्राम सहित शुक्रबार बिहान प्रहरीले पक्राउ गरेको छ ।

उनको घरमा लुकाईछिपाई लागूऔषध गाँजा राखिएको भन्ने गोप्य सूचना प्राप्त हुनासाथ ईलाका प्रहरी कार्यालय बुर्तिवाङबाट खटिएको प्रहरीले उक्त गाँजाको धुलो सहित फेला पारी उनलाई पक्राउ गरेको हो ।

यस सम्बन्धमा स्थानीय प्रहरीले थप अनुसन्धान गरिरहेको छ ।