मोरङ क्षेत्र-३ बाट निर्वाचित प्रतिनिधिसभा सदस्य डा. शर्माले सुरु गरे नि:शुल्क क्याविन सेवा

मोरङ क्षेत्र नम्बर-३ बाट निर्वाचित प्रतिनिधिसभा  सदस्य  डाक्टर शुनिल शर्माले आफ्नो क्षेत्रका बासिन्दाका लागि  ५०  वेडको नि:शुल्क क्याबिन सेवा सुरु गरेका छन् ।

शनिबार प्रतिनिधिसभा सदस्य  जितेका  उनले आइतबार विहान नोबेल मेडिकल कलेज विराटनगरमा क्षेत्र नम्बर ३ का स्थानीयका लागि ५० बेडको नि:शुल्क क्याबिन सेवा सुरु गरेका हुन् । 

२०७४ सालको निर्वाचनमा एमाले उम्मेदवार भानुभक्त ढकालसँग पराजित भएका शर्माले यो पटक ढकाललाई भारी मतान्तरसहित पराजित गरेका थिए ।  शर्माले ४८ हजार ६३१ मत ल्याएका थिए । ढकालले २५ हजार ८९५ मत ल्याए । राप्रपा उम्मेदवार रेखा थापाले १० हजार ९८८ मत ल्याएकी  थिइन् ।

क्षेत्र नम्बर ३(१) मा कांग्रेसका मानबहादुर लिम्बु र मोरङको ३(२)मा एमालेका ज्ञानेन्द्र सुवेदी निर्वाचित भएका थिए ।