अवैध लागूऔषध सहित पक्राउ

काठमाडौं, ८ असार -
रौतहट चन्द्रपुर नगरपालिका ५ चपुरस्थित सडकबाट सोही नगरपालिका १ पौराही बस्ने २१ वर्षीय उमेश राना समेत २ जनालाई ९ किलो ५ सय ग्राम अवैध लागूऔषध गाँजा सहित आइतबार साँझ प्रहरीले पक्राउ गरेको छ ।

ईलाका प्रहरी कार्यालय चपुरबाट खटिएको प्रहरीले पौराहिबाट सरकारी अस्पतालतर्फ जाँदै गरेको बा ६४ प ७३८१ नम्बरको मोटरसाइकल जाँच गर्दा उक्त लागूऔषध सहित फेला पारी उनीहरुलाई पक्राउ गरेको हो ।

झापा -
कमल गाउँपालिका ५ बस्ने १९ वर्षीय दिपेश थापा समेत ३ जनालाई अवैध लागूऔषध ब्राउन सुगर करिब ३६ ग्राम सहित आइतबार साँझ प्रहरीले पक्राउ गरेको छ ।
गौरादहतर्फ जाँदै गरेको मे ११ प ६५४६ नम्बरको मोटरसाइकल र बा ४४ प ९७८५ नम्बरको मोटरसाइकल जाँच गर्दा उक्त लागू औषध सहित फेला पारी उनीहरुलाई प्रहरीले पक्राउ गरेको हो ।
यस सम्बन्धमा स्थानीय प्रहरीले थप अनुसन्धान गरिरहेको छ ।