अवैध लागूऔषध चरेश : सिमलको काठ सहित पक्राउ

काठमाडौं  -

टोखा नगरपालिका ९ लक्ष्मी मार्गबाट अवैध लागूऔषध चरेश ६ केजी ५ सय ग्राम सहित २ जनालाई मंगलबार साँझ प्रहरीले पक्राउ गरेको छ ।
पक्राउ पर्नेहरुमा काठमाडौं नयाँ बसपार्क बस्ने म्याग्दी मंगला गाउँपालिका ४ घर भएका ४४ वर्षीय नन्द रोक्का र सोही ठाउँ बस्ने म्याग्दी मालिका गाउँपालिका ४ घर भएका २४ वर्षीय तुल प्रसाद घर्तीमगर रहेका छन् ।
लागूऔषध संचय, ओसारपसार, बिक्री वितरण नियन्त्रण गर्न महानगरीय अपराध महाशाखा टेकु काठमाडौंबाट खटिएको प्रहरीले उनीहरुलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।

सिमलको काठ सहित पक्राउ
बारा -
कलैया उपमहानगरपालिका १२ धर्मनगर टोल बस्ने ४५ वर्षीय शिव शंकर धानुकलाई करिब ७० क्यूफिट सिमलको गोलिया काठ सहित सोमबार बेलुका प्रहरीले पक्राउ गरेको छ ।
विशेष सुराकीको आधारमा प्रहरी चौकी मटिअर्वा बाराबाट खटिएको प्रहरी टोलीले कैलाया उपमहानगरपालिका १० मटिअर्वास्थित सडकमा ना ७ त ३५७३ नम्बरको ट्याक्टरमा अवैध रुपमा लैजाँदै गरेको अवस्थामा उक्त काठ फेला पारी ट्याक्टर चालक धानुकलाई पक्राउ गरेको हो ।
काठ र ट्याक्टर सहित उनलाई आवश्यक कारवाहीको लागि सव डिभिजन कार्यालय कलैया बारा पठाइएको जिल्ला प्रहरी कार्यालय बाराले जनाएको छ ।