तातोपानी नाका फेरि बन्द

काठमाडौं -  हिजो (सोमबार) तातोपानी नाका खुलेको आज फेरि बन्द भएको छ ।

लोडरअनलोड मजदुरहरुलाई चीनको ल्याबको परीक्षणले पोजेटिभ देखाएपछि तातोपानी नाकाबाट हुने आयात रोकिएको छ ।

शनिबार नेपालबाट चीनतर्फ पठाइएका २९ जना चालक तथा लोड गर्ने श्रमिकहरुमध्ये तीन जनालाई चिनियाँ ल्याबको परीक्षणमा कोरोना देखिएपछि चीनले नाका बन्द गरेको तातोपानी भन्सार कार्यालयले जनाएको छ ।

चीनतर्फ रहेका तीन नेपाली श्रमिकलाई कोरोना देखिएको चिनियाँ अधिकारीले जनाएका छन्, आज कुनै वस्तु नाकाबाट आएको छैन,’ भन्सार प्रमुख खत्रीले भने ।