पहिरोमा पुरिएका एक जनाको एपीएफ टोलीद्वारा जीवितै उद्वार 

स्याङजा - स्याङजा जिल्लाको वालिङ नगरपालिका १४ तमादी भन्ने स्थानमा पहिरोले पुरिएको एक घरबाट एपीएफ टोलीले असोज ८ गते एक जनाको सकुशल उद्वार गरेको छ।

सोही ठाउँ बस्ने माया नेपालीको घर पहिरोले पुरिदा सोही घरमा पुरिएका उनलाई एपीएफ टोलीले जीवितै उद्वार गरेको हो । सो ठाउँबाट एपीएफ टोलीले अन्य ९ जनाको शव फेला पारेको छ । सो घटनाबारे जानकारी पाउनासाथै सशस्त्र प्रहरी बल, नेपाल नम्बर ३० गुल्म स्याङजाबाट एपीएफ टोली तत्कालै उद्वारको लागि त्यस स्थानमा खटिएको थियो ।