कोशी प्रदेशसभाको तेस्रो अधिवेशनको बैठक आज बस्दै

काठमाडाैँ। कोशी प्रदेशसभाको तेस्रो अधिवेशनको बैठक विशेष कारणवश आज (शुक्रबार) बिहान ११ बजेसम्मका लागि स्थगन गरिएको छ । प्रदेशसभाको हिजाे बसेको पहिलो बैठकपछि ३० मिटेनका लागि स्थगन गरिएकोमा बेलुकी ८ बजे बस्ने भनी सूचना जारी भएको थियो ।

बेलुकी ९ः३० बजे प्रदेशसभाका सचिव गोपालप्रसाद पराजुलीद्वारा जारी अर्को सूचनामा आज (शुक्रबार)११ बजे बस्ने गरी बैठक स्थगन भएको उल्लेख छ ।

कोशी प्रदेश प्रदेशसभा नियमावली, २०७४ (पहिलो संशोधन समेत)को नियम ६ को उपनियम (३) बमोजिम प्रदेशसभा सदस्यहरूलाई जानकारी गराइएको सूचनामा उल्लेख गरिएको छ । यसअघि सभा दिउँसो १ बजे सञ्चालन हुने कार्य सूची रहे पनि सभा १ः५० मा प्रारम्भ भएको थियो ।