नगर प्रहरी प्रमुखमा सीताराम हाछेथू नियुक्त

ललितपुर । ललितपुर महानगरपालिकाले नगर प्रहरी प्रमुखमा पूर्व ट्राफिक प्रहरी निरीक्षक सीताराम हाछेथूलाई नियुक्त गरेको छ ।
ललितपुर महानगरपालिकाका प्रमुख चिरिबाबु महर्जनले आइतबार हाछेथूलाई नियुक्त गरिएको जानकारी दिए ।

हाछेथूलाई नगर प्रहरी र दमकल व्यवस्थित गर्ने जिम्मेवारीसहित महानगरले आइतबार नियुक्त गरेको हो ।
महानगरपालिकाका नगर प्रहरीको क्षमतालाई अझै चुस्त बनाउन उनलाई नियुक्त गरेको ललितपुर महानगर प्रमुख चिरिबाबु महर्जनले बताए ।