बागमती नदीमा नुहाउन गएकी तीन बालिका बेपत्ता,एकको शव फेला

रौतहट- रौतहट जिल्लाक‍ो गढीमाई नगरपालिकामा पर्ने बागमती नदिमा नुहाउन गएका तीन बालिका बेपत्ता भएको छ ।

गढीमाई नगरपालिका वडा नंबर ७ धर्मपुर टोलका भदै मुखियाको १० बर्षीय छोरी पिंकु कुमारी,सोही वडामा बस्ने लक्षुमण दासको १२ बर्षीय छोरी सुसिता दास र छट्टु मुखियाको १० बर्षीय छोरी चन्चल कुमारी मुखिया बागमती नदिमा नुहाउन गएको बेला बेपत्ता भएको छ ।

बेपत्ता हुन साथ प्रहरी चौकी धर्मपुर र ईलाका प्रहरी कार्यालय समनपुरका छोलीले खोजी कार्य सुरु भईरहेको प्रहरी उपरीक्षक रविराज खड्काले बताएको छ।

ईलाका प्रहरीले खोजी कार्य गर्ने क्रममा पिंकु कुमारीको शव फेला परेको र अन्य दुई जनाको शव खोजी कार्यमा लागेको प्रहरीले जनाएको छ।

ती बालिकाहरु हिजो १० बजे देखी बेपत्ता भएको गरुडा नगरपालिका ६ पोथियाही का सिख मेराज का १२ बर्षीय छोरा हशमुदिनको शब शव फेला पारेको छ । मृत्यु कसरी भयो भने यस सम्बन्धमा प्रहरीले थप अनुसन्धान गरिरहेको छ ।