मास्क लगाउन अनुरोध गर्ने चालकको महिला यात्रीले उडाइदिए सातो

 

काठमाडौं । ट्याक्सी ड्राइभरले यात्रुलाई दुर्व्यवहार गरेका समाचार बेलाबेला आउने गर्छन् । सन फ्रान्सिस्कोमा भने महिला यात्रीहरूले ट्याक्सी चालकको हुर्मत लिएको समाचार छ । त्यहाँ तीन महिलाले एक ट्याक्सी ड्राइभरलाई गम्भीर यातना दिएका छन् ।

चालकले ट्याक्सीमा बसेका महिलाहरूलाई फैलँदो कोरोनाका कारण मास्क लगाउन अनुरोध गरेको थियो । उनीहरूले चालकको सल्लाह पालन गर्नुको सट्टा महिलाहरू उसैमाथि दुर्व्यवहार गर्न थाले । लाइभ हिन्दुस्तानका अनुसार उनीले चालकको अनुहारमा पर्ने गरी जोडले खोक्न थाले अनि चालककै मास्क पनि हटाइदिए ।
त्यसपछि तीमध्येकी एकले आफूलाई कारोना पोजिटिभ बताउँदै चालकको सातो लिइन् । उनीहरूको पूर्ण अभद्रता क्यामेरामा रेकर्ड गरिएको थियो । पछि रिपोर्टर डायन लिमले यसलाई ट्वीटरमा साझा गरे । उक्त भिडियो अहिलेसम्म २३ लाखभन्दा बढी पटक हेरिएको छ ।

३२ वर्षीय चालकले भने, “अभद्र व्यवहार गरिसकेपछि उनीहरू बाहिर निस्किए ।’’ तीमध्येकी एकले झ्यालबाट पेपर स्प्रे कारभित्र छर्किएपछि चालकलाई सास फेर्नै गाह्रो भयो ।