नेपाली रुपैयाँ सहित दुई जना भार्तीय महिला पक्राउ

अमित ठाकुर - रौतहट जिल्लाको सदरमुकाम गौर महादेवपट्टी दशगजामा नेपाली लाखौं रुपैयाँ सहित दुई जना भारतीय महिला पक्राउ परेका छन्।

आज स्रोत नखुलेको ६ लाख ४० हजार रुपैयाँ सहित भारत बिहार राज्यको सितामढी जिल्लाका बैरगनिया ग्राम पंचायत वडा नंबर १ सिन्दुरीया निवासीका ४५ बर्षीय सान्ती देवी र मिना देवी पक्राउ परेका हुन्।

पक्राउ परेका दुवै महिला दशगजा क्षेत्रमा घाँस काट्ने बहानाले आएको र दुवै महिलामाथि संका लागेपछि प्रहरी सहायक निरीक्षक मनोज सिंहको कमान्डमा खटिएको टोलीले चेकजाँच गर्दा स्रोत नखुलेको रुपैयाँ बरामद भएकाे प्रहरी उपरीक्षक रविराज खड्काले बताएका छन् । 

यस सम्बन्धमा प्रहरीले थप अनुसन्धान गरिरहेको छ ।