इरानका सर्वोच्च नेता खामेनीले छोरालाई मोज्ताबा खामेनीलाई आफ्नो बनाए उत्तराधिकारी

इरानका सर्वोच्च नेता आयतोल्लाह अली खामेनीले आफ्ना छोरा मोज्ताबा खामेनीलाई आफ्नो उत्तराधिकारी बनाएका छन् ।

५५ वर्षीय खामेनीले शारीरिक अस्वस्थताका कारण यो निर्णय लिएको केही अन्तर्राष्ट्रिय सञ्चारमाध्यमहरूले लेखेका छन् । यद्यपि यसको आधिकारिक पुष्टि भने भइसकेको छैन ।

विभिन्न रिपोर्टका अनुसार इरानको एक्सपर्ट एसेम्बलीले सेप्टेम्बर २६ मा नै नयाँ सर्वोच्च नेता चयन गरेको थियो। खामेनी आफैंले सभाका ६० सदस्यलाई बोलाएर उत्तराधिकारीको बारेमा गोप्य रूपमा निर्णय गर्न भनेका थिए। सभाले मुज्ताबाको नाम सर्वसम्मतिले पारित गरेको थियो ।

आफ्नो बुबा जस्तै मुज्तबा इस्लामिक मामिलामा जानकार मानिन्छन्। उनी पहिलो पटक सन् २००९ मा चर्चामा आएका थिए । उनले इरानमा भएको विरोध प्रदर्शनलाई दबाउन कठोर रुपले प्रस्तुत हुँदा धेरै व्यक्तिको मृत्यु समेत भएको थियो । त्यसपछि राष्ट्रपतिको चुनावमा कट्टरपन्थी नेता महमूद अहमदिनेजादले सुधारवादी नेता मीर हुसेन मौसावीलाई हराएका थिए ।

सुधारवादी नेताहरुले निर्वाचनमा व्यापक अनियमितता भएको दाबी गरेका छन् । त्यसपछि लाखौं मानिस सडकमा निस्किए । यसलाई ‘इरानी हरित आन्दोलन’ नाम दिइएको थियो। यो दुई वर्षसम्म चल्यो, तर इरानी सरकारले बल प्रयोग गरेर यसलाई दबाएको थियो। यसको पछाडि मुजताबा खामेनीको दिमाग रहेको बताइएको छ ।

मुज्तबालाई सर्वोच्च नेता बनाउने तयारी २ वर्षदेखि चलिरहेको बताइन्छ । मुज्तबा कुनै पनि सरकारी पदमा नभएपनि महत्वपूर्ण निर्णयमा भने उनको सहभागिता निरन्तर बढेको देखिएको छ ।

उनलाई एक रहस्यमय व्यक्ति भनेर पनि भन्ने गरिन्छ । उनी आफ्नो बुबा जस्तै सार्वजनिक भाषण पनि दिँदैनन्।