९ हजार कर्मचारीलाई कामबाट निकाल्दै निशान

 जापानी अटो निर्माता कम्पनी निशानले हजारौँ कर्मचारीलाई कामबाट निकाल्ने भएको छ ।

 चीन र अमेरिका जस्ता मुख्य बजारमा विक्री घट्न थालेपछि कम्पनीले विश्वभर आफ्नो उत्पादन कटौती गरेको छ । यसैबिच खर्च बढाउने उपाय अन्तर्गत कर्मचारीलाई कामबाट निकाल्न थालिएको समाचारमा जनाइएको छ । 

कम्पनीका अनुसार विश्वभरका कारखानाबाट ९ हजार कर्मचारीलाई निकालिनेछ । कम्पनीले विश्व बजारमा आफ्नो उत्पादन २० प्रतिशतले घटाउँदै छ । 

रोजगारी कटौतीबाट कहाँ कहाँका प्रभाव पर्छ भनेर बीबीसीले कम्पनीसँग मागेको विस्तृत विवरणको निशानले जवाफ दिएको छैन । 

कम्पनीले सञ्चालन मुनाफा प्रक्षेपण पनि सन् २०२४ का लागि ७० प्रतिशतले घटाएको छ । कम्पनीले मुनाफा परिदृश्यमा कटौती गरेको यो दोस्रो वर्ष हो ।