आकाशमा यात्रीले विमानको ढोका खोल्न खोजेपछि...

 ब्राजिलबाट र पानामातर्फ गइरहेको एउटा विमानभित्र कुटपिट भएको छ । विमान आकाशमा उडिरहेको समयमा ती यात्रुले विमानको आपतकालीन ढोका खोल्ने प्रयास गरेका थिए । विमानमा सवार अन्य यात्रुले यो कुरा थाहा पाउने बित्तिकै उनलाई समातेर कुटपिट गरेका थिए ।

घटना कोपा एयरलाइन्सको हो । मिडिया रिपोर्टका अनुसार यो घटना मङ्गलवारको हो । विमान आफ्नो गन्तव्यमा अवतरण हुनुभन्दा ३० मिनेट अघि  एक यात्री उठेर विमानको आपतकालीन ढोका खोल्न थाले । उनको नियत थाहा पाउने बित्तिकै अरू यात्रुहरू उठेर उनलाई रोक्न खोजे । तर उनी रोकिँदै रोकिएन । उनी झन् आक्रामक बन्दै गए ।

केही सिप नलागेपछि अरूले उनलाई कुटपिट गरे । ती यात्रुको पहिचान खुलाइएको छैन । विमान अवतरण हुने बित्तिकै ती यात्रुलाई समातेर लगिएको थियो । उनले त्यस्तो अनियन्त्रित व्यवहार किन गरे भन्नेबारे अनुसन्धान भइरहेको बताइएको छ । यो घटनाको भिडियो सामाजिक सञ्जालमा भाइरल भइरहेको छ ।