शाहरूख खानलाई ज्यान मार्ने धम्की

भारतीय अभिनेता शाहरूख खानलाई ज्यान मार्ने धम्की आएको छ। आफूलाई ज्यान मार्ने धम्की दिइएपछि शाहरूखले मुम्बईको बान्द्रा प्रहरी चौकीमा उजुरी दिएका भारतीय सञ्चारमाध्यमले जनाएका छन् ।

उनलाई कसले ज्यान मार्ने धम्की दिएको हो भन्ने उजुरीमा खुलाइएको छैन । तर, भारतका केही सञ्चारमाध्यमले फैजान खान नामका व्यक्तिले शाहरूखलाई ज्यान मार्ने धम्की दिएको उल्लेख गरेका छन्  । उनी छत्तीसगढको रायपुर निवासी रहेको बताइएको छ ।

ती व्यक्तिले शाहरूखसँग अधिक रकम माग गरेका बताइएको छ । यसअघि भारतीय अभिनेता सलमान खानलाई पनि केही पटक ज्यान मार्ने धम्की आएको थियो ।