ट्रम्पलाई बधाईको ओइरो, इजरायली प्रधानमन्त्रीले भने–‘यो ठुलो विजय हो !’

 इजरायली प्रधानमन्त्री बेन्जामिन नेतान्याहुले डोनाल्ड ट्रम्पलाई अमेरिकाको राष्ट्रपतिमा विजयी भएकोमा बधाई दिएका छन् ।

ट्रम्पसँग आफू र पत्नी साराको तस्बिर राखेर नेतान्याहुले ट्रम्पको जीतलाई ‘इतिहासको सबैभन्दा महान पुनरागमन’को उपमा दिएर बधाई दिएका छन् ।इजरायल र अमेरिकाको नयाँ गठबन्धन झन बलियो हुने भन्दै उनले यसलाई नयाँ सुरुवात भनेका छन् ।

रुस-युक्रेन युद्ध रोकिनुपर्ने पक्षका ट्रम्प इजरायलको गाजा र अरु हमलाका भने पक्षधर जस्तै हुन् । त्यही भएर ट्रम्पको आगमनमा युक्रेनी राष्ट्रपति भोलोदिमिर जेलेन्स्की तनावमा भए तापनि नेतान्याहु उत्सवमा देखिएका छन् ।