दीपिका पादुकोण र रणवीर सिंहले खुलाए छोरीको नाम

बलिउड दम्पती दीपिका पादुकोण र रणवीर सिंहको सेप्टेम्बर ८ मा छोरीको जन्म भएको थियो। करिब २ महिनापछि यो जोडीले आफ्नो छोरीको नाम फ्यानसामु खुलाएका छन् । 

छोरीको जन्मको समयमा, यो जोडीले इन्स्टाग्राममा एक स्टोरी सेयर गरेर यसको घोषणा गरेका थिए । अब दुबैले इन्स्टाग्रामबाटै छोरीको बारेमा ठूलो जानकारी दिएका हुन्। दिपावलीको विशेष अवसरमा दीपिका पादुकोण र रणवीर सिंहले पनि छोरीको नाम र यसकोअर्थ खुलाएका छन् । स्टार जोडीले आफ्नो छोरीको नाम ‘दुआ पादुकोण सिंह’ राखेका छन्।

रणवीर र दीपिकाले आफ्नो पोस्टमा दुआको अर्थ खुलाउँदै लेखेका छन्- दुआ भनेको प्रार्थना हो, किनकि यो हाम्रो प्रार्थनाको जवाफ हो।  दीपिका र रणवीरले पहिलो पटक आफ्नी छोरीसँग दीपावली मनाएका छन् । दम्पतीले छोरीको खुट्टाको फोटो अपलोड गरेका छन् ।