भारत र न्युजिल्याण्डबीचको दोस्रो टेस्टको दोस्रो दिन १४ विकेट पतन
स्पिनरहरु चम्किएको भारत र न्युजिल्याण्डबीचको दोस्रो टेस्टको दोस्रो दिन १४ विकेट पतन भएको छ ।
भारतले पहिलो इनिङको ब्याटिङमा ९ तथा न्युजिल्याण्डले दोस्रो इनिङको ५ विकेट गरेर दिनमा १४ विकेट पतन भएको हो । १४ मध्ये १३ विकेट स्पिनरको नाममा रह्यो ।
न्युजिल्याण्डका स्पिनर मिचेल स्यान्टेनर एक्लै ७ विकेट लिदा भारत पहिलो इनिङमा सस्तैमा समेटियो । पहिलो इनिङमा भारत १ सय ५६ रन बनाउदै अल आउट भयो ।
भारतका लागि रविन्द्र जडेजाले सर्वाधिक ३८, ओपनर यशस्वी जैसवाल र शुभमन गिलले समान ३०, रिषभ पन्त र वासिंटन सुन्दरले समान १८ तथा सरफराज खानले ११ रन जोडे । न्युजिल्याण्डका लागि मिचेल स्यान्टेनरले १९.३ ओभरमा ५३ रन खर्चिएर ७ विकेट लिए । ग्लेन फिलिप्सले २ तथा टिम साउथीले १ विकेट लिए ।
पहिलो इनिङमा भारत १ सय ३ रनले पछि पर्यो । आजै दोस्रो इनिङको सुरुवात गरेको न्युजिल्याण्डले ५ विकेट गुमाएर १ सय ९८ रन बनाएको छ । उसका टम ब्लन्डेल र ग्लेन फिलिप्स क्रिजमा रहेका छन् । त्यसअघि कप्तान टम लाथमले सर्वाधिक ८६ तथा विल योंगले २३ रन जोडेका थिए ।
भारतका लागि वासिंटन सुन्दरले ४ तथा रविचन्द्रन आश्विनले १ विकेट लिए । दोस्रो दिनको खेल सकिदा न्युजिल्याण्डले ३ सय १ रनको अग्रता बनाएको छ । त्यसअघि भारतको पुनेस्थित महाराष्ट्र क्रिकेट एसोसिएसन स्टेडियममा न्युजिल्याण्डले टस जितेर ब्याटिङ रोजेको थियो।
न्युजिल्याण्डका लागि डेभोन कन्वेले सर्वाधिक ७६, रचिन रविन्द्रले ६५, मिचेल स्यान्टेनरले ३३, विल योंग र ड्यारेल मिचेलले समान १८ तथा कप्तान टम लाथमले १५ रन जोडे । एक समय १ सय ९७ रनमा ३ विकेट गुमाएर बलियो स्थितीमा रहेको न्युजिल्याण्डले ६२ रन जोड्दा बाँकी ७ विकेट गुमायो ।
भारतका लागि सुन्दरले २३.१ ओभरमा ५९ रन खर्चिएर ७ विकेट लिए । रविचन्द्रन आश्विनले ३ विकेट लिए । न्युजिल्याण्डको पछिल्लो ७ विकेट सुन्दरले नै लिएका थिए ।
आजै पहिलो इनिङको सुरुवात गरेको भारतले पहिलो दिनको खेल सकिदा १ विकेट गुमाएर १६ रन जोडेको छ । क्रिजमा यशस्वी जैसवाल र शुभमन गिल रहेका छन् । त्यसअघि कप्तान रोहित शर्मा टिम साउथीबाट डग आउट भएका थिए ।
भारतविरुद्धको पहिलो टेस्ट न्युजिल्याण्डले जितेको थियो ।
प्रतिक्रिया