पाकिस्तानका पूर्वप्रधानमन्त्री खानले अक्सफोर्ड विश्वविद्यालयको कुलपतिको चुनाव लड्ने
पाकिस्तानका पूर्वप्रधानमन्त्री इमरान खानले बेलायतको अक्सफोर्ड विश्वविद्यालयको कुलपतिको चुनावमा लड्न चाहना राखेका छन् । यो पदमा २१ वर्षदेखि कार्यरत ८० वर्षीय लर्ड प्याटनले राजीनामा दिएपछि रिक्त हुँदा खानले यस्तो चाहना राखेका हुन् ।
बेलायती समाचार ‘द टेलिग्राफ’का अनुसार खानले पाकिस्तानको जेलबाट अक्सफोर्ड विश्वविद्यालयको कुलपति पदका लागि चुनाव लड्नेछन् । खान १० वर्षको जेल सजाय भोगिरहे पनि उनले अनलाइनबाटै चुनाव लड्ने बताइएको छ ।
बेलायती अखबारका अनुसार कुलपतिको पद विश्वविद्यालयबाट स्नातक गरिसकेकाहरूले मात्र पाउने गर्दछन् । खानले अक्सफोर्ड विश्वविद्यालयबाट शिक्षा हासिल गरेका छन् । बेलायती पूर्वप्रधानमन्त्री सर टोनी ब्लेयर र बोरिस जोन्सन पनि विश्वविद्यालयको कुलपति बन्ने दाउमा छन् । यद्यपि खान आफैँ वा उनको पार्टी पीटीआईको तर्फबाट कुनै आधिकारिक बयान आएको छैन ।
खान यसअघि सन् २००५ मा ब्राडफोर्ड विश्वविद्यालयको कुलपति बनिसकेका छन् । जुन पद उनले सन् २०१४ सम्म सम्हालेका थिए । खान अगस्ट २०२३ देखि जेलमा छन् ।
ताइवानमा ‘यागी’ नामकाे शक्तिशाली आँधी, ४ जनाको मृत्यु
आरटीविवादमा वासिङ्टनको प्रतिबन्धको जवाफमा रुसले अमेरिकी मिडियामा घरेलु प्रति…
के मोबाइल प्रयोगले ब्रेन क्यान्सरको जोखिम बढाउँछ ?
अन्तरिक्ष यात्री बुच विल्मोर र सुनीता नलिई अन्तरिक्ष यान पृथ्वी आइपुग्यो
यौन हिंसा विरुद्धको पश्चिम बङ्गालको अपराजित विधेयक कति प्रभावकारी हुनेछ?
उज्जैनमा दिनको उज्यालोमा बलात्कार गरेको आरोपमा भिडियो निर्माता पक्राउ
नासाद्वारा मङ्गलग्रहमा नयाँ मिसनमा ढिलाई
प्रतिक्रिया