‘लघु जलविद्युत् र नवीकरणीय ऊर्जा प्रवर्द्धनमा जोड दिनुपर्छ’
![](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
काठमाडौँ, ११ साउनः देशका सबै नागरिकलाई स्वच्छ ऊर्जा उपलब्ध गराउनका लागि लघु जलविद्युत् र नवीकरणीय ऊर्जा प्रवर्द्धन गर्नुपर्नेमा जोड दिइएको छ ।
नेपाल नवीकरणीय ऊर्जा परिसङ्घले आज ललितपुरमा आयोजना गरेको अन्तरक्रियाका वक्ता एवं सहभागी सरोकारवालाहरूले लघु जलविद्युत्बाट दूरदराजका धेरै जनतालाई सहयोग पुग्नेगरी विद्युत् उत्पादन भएकाले यस क्षेत्रको प्रवर्द्धन गर्नुपर्नेमा जोड दिनुभयो ।
कार्यक्रममा विद्युत् नियमन आयोगका अध्यक्ष डा रामप्रसाद धितालले लघु जलविद्युत्का लागि सहज हुनेगरी आवश्यक ऐन, कानुन तथा नीतिनियमको व्यवस्था गरिने बताउनुभयो । “लघु जलविद्युत्को उत्पादन, प्रसारण, वितरण र व्यवस्थापनमा उपभोक्ताका हितमा काम गर्छौं, आयोगबाट वैकल्पिक ऊर्जा क्षेत्रको प्रवर्द्धनका लागि महत्त्वपूर्ण काम गर्छौं,” उहाँले भन्नुभयो ।
वैकल्पिक ऊर्जा प्रवर्द्धन केन्द्रका कार्यकारी निर्देशक नवराज ढकालले विद्युत् नियमन आयोगले वैकल्पिक ऊर्जा क्षेत्रको नियमन र भएका समस्यालाई समाधान गर्नुपर्ने बताउनुभयो ।
“वैकल्पिक ऊर्जाका क्षेत्रमा नवीकरणीय ऊर्जा तथा ऊर्जा दक्षतासम्बन्धी विधेयक संसद्मा छ, यो हाम्रो प्रयासका कारण भएको हो, यसले राज्यका लागि महत्त्वपूर्ण कानुन बन्ने छ । वैकल्पिक ऊर्जा प्रवर्द्धन केन्द्रले माग र आवश्यकताका आधारमा ऊर्जा प्रवर्द्धनका क्षेत्रमा काम गरिरहेकै छ । आगामी दिनमा अझै प्रभावकारी रूपमा हामीहरू क्रियाशील हुनेछौँ”, उहाँले भन्नुभयो ।
विद्युत् नियमन आयोगका सदस्य डा मधुसूदन अधिकारीले जीवनको उर्वर समय नवीकरणीय ऊर्जा क्षेत्रमा बिताएको जानकारी गराउँदै ऐन, कानुन र नियमको व्यवस्थापन गरेरै भए पनि आयोगबाट वैकल्पिक ऊर्जालाई प्रवर्द्धन गरिने बताउनुभयो ।
कार्यक्रममा लघु जलविद्युत्विज्ञ सुरेन्द्रभक्त माथेमा र कृष्ण देवकोटाले लघु जलविद्युत् आयोजनाको भविष्यका बारेमा प्रस्तुतीकरण गर्दै नेपालमा बनेका तीन हजार पाँच सयभन्दा बढी लघु जलविद्युत् आयोजनामध्ये हाल एक हजार आठ सयभन्दा बढी आयोजना सञ्चालनमा रहेको जानकारी गराउनुभयो ।
सन् १९६० को दशकदेखि सुरु भएको लघु जलविद्युत् आयोजनालाई पछिल्लो समय सरकारले ध्यान नदिएको उहाँहरूको गुनासो छ ।
![झाडाबान्ता लागेर एक जनाको मृत्यु](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
झाडाबान्ता लागेर एक जनाको मृत्यु
![अविरल वर्षासँगै पहिरो खस्दा कर्णाली राजमार्ग अवरुद्ध](https://snowberry.prixacdn.net/media/gallery_folder/pahiro-1_Y4S3mdpBNV_4lyfccea7hw5oy9o9tuwb1vxxygfydfiggmd4dxrnd8afdjvq7qv5dj7h2k3_2YMt4RmSE2_jxgts7x7uqay3eay8ekly6zouac3vpocpvyk5mdalv8k20thik2xsq9k5vw3.webp)
अविरल वर्षासँगै पहिरो खस्दा कर्णाली राजमार्ग अवरुद्ध
![सरकारले सवारी चालक अनुमतिपत्रको ट्रायल पास गर्नेहरुलाई अब फोटो र क्यूआर कोडसहितको रसिद दिने](https://snowberry.prixacdn.net/media/gallery_folder/1725760049_lisece-1200x560_sYcQgtIiE0_cwrz5nwitbudnwbpa6xugpfvagnyd4c58izb3rrrkfmwiwzfvc80vpkimwra_MtDZzd2zso_aoarcinosym6hnyutfli0tmzeel0a7zlosyvaieptndjfmmnsg4agzbsu4oc.jpg)
सरकारले सवारी चालक अनुमतिपत्रको ट्रायल पास गर्नेहरुलाई अब फोटो र क्यूआर कोडस…
![रूसका दुई दर्जनभन्दा बढी ड्रोन खसालेको युक्रेनकाे दाबि](https://snowberry.prixacdn.net/media/gallery_folder/GettyImages-1252642248-1_jCwMeV64Dk_ukkfjkicdsz2cjkqftxo5u8awwmuduldsszzh4fuvtijrwwna9hmisk1xfcw_cM5WcwYE73_cwqjf8uuvrnrig9bp6cxctoqdmgtzz1ryhwug7mfff0sonvjcdo96v4v4uxh.jpg)
रूसका दुई दर्जनभन्दा बढी ड्रोन खसालेको युक्रेनकाे दाबि
![थारू समुदायको अटवारी पर्वः दिदी बहिनीका लागि व्रत लिएर मनाइँदै](https://snowberry.prixacdn.net/media/gallery_folder/1212170950katbari-parba_lrVCjGCnTf_wncnziuin4nalvtzertoqekatagdr0vxerojq6w4qvuebzdkmsifjkvp5nmk_rO5piQRnyH_eozlmcwajxygauvmrav09s9wiukjgyqvyarxxukbo68jrvtszqtwe02budry.jpeg)
थारू समुदायको अटवारी पर्वः दिदी बहिनीका लागि व्रत लिएर मनाइँदै
![इन्धन बोक्ने ट्याङ्करका चालक र सहचालकहरुमाथि धारिलो हतियार प्रहार](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
इन्धन बोक्ने ट्याङ्करका चालक र सहचालकहरुमाथि धारिलो हतियार प्रहार
![सहकारी पीडितसँग वार्ता गरी समस्याको आन्दोलनप्रति कटाक्ष नगर्नू’](https://snowberry.prixacdn.net/media/gallery_folder/sahakari-pidit_ktm-5_jen6WqxLwe_ye5r2tv3zfajkk6bbqm4k1jenp1b5z479wbxna1f48yxtx0ao4ijcqfkzfai_KJy7KSza4N_xvxvlw66lab0jdbmw8s3zbebzzoxzbzy0zi17is1ndrcokkekq93fdyd9h9o.jpg)
सहकारी पीडितसँग वार्ता गरी समस्याको आन्दोलनप्रति कटाक्ष नगर्नू’
![लखनउको यातायात नगर क्षेत्रमा रहेको एक भवन भत्किँदा आठ जनाको मृत्यु ३० जना उद्धार](https://snowberry.prixacdn.net/media/gallery_folder/efasdggmg-1725727293_x9MTLIy04p_gwz1dcpykuc3ziavqiuzxoiemwd9jbnxgsrmofrlehnaxdft1xemqzhplq5r_nFyDVREc37_9v5jaebefi0zwgxlmzc08egryauugl24724xnrbzzfcey66l8xkbcduemj90.jpg)
प्रतिक्रिया