'युवा पलायन रोक्न उद्यमशीलताको विकास आवश्यक छ'
![](https://snowberry.prixacdn.net/media/gallery_folder/IMG-1_fwuv7sBOo1_kezt2fkmjn3d9k2qobhpyxagmd0pg90g43xvbao34lz2jc4uuxo9iqyaejhp_ET5uDrNuZT_4wmy2edmqzfz65pvux91hatodrbqxk8loafm0opvegfgmylcdbzwekoeewoc.jpg)
काठमाडौँ, १७ असार : उद्योग, वाणिज्य तथा आपूर्तिमन्त्री दामोदर भण्डारीले युवा पलायन रोक्न उद्यमशीलताको विकास आवश्यक रहेको बताउनुभएको छ ।
नेपाली कांग्रेसको उद्यमशीलता र साना तथा मझौला व्यवसायी विभागले आज लघु साना तथा घरेलु उद्योगको विकासका लागि सुझावसहितको दिएको ज्ञापनपत्र बुझ्दै उहाँले उद्यमशीलताको विकासले युवालाई विदेश पलायन हुनबाट रोक्न सहयोग पुग्ने बताउनुभएको हो । “अहिले युवामा देखिएका निराशलाई चिरेर आशा जगाउनु सरकारको प्रमुख लक्ष्य हो, यसमा सबैको साथ र सहयोग आवश्यक छ । उद्योग मन्त्रालयले उद्यमशीलता विकासलाई प्राथमिकतामा राखेको छ”, मन्त्री भण्डारीले भन्नुभयो ।
विभागका प्रमुख उर्मिला थपलियाले मुलुकको आर्थिक विकासका लागि साना, मझौला तथा घरेलु उद्योगलाई अगाडि बढाउनुपर्ने बताउनुभयो । उहाँले ‘स्टार्टअप उद्यम कर्जा सञ्चालन कार्यविधि, २०८०’ ले कर्जा आवेदकबाट नवीन पद्धतिको अपेक्षा गरेको देखिए पनि त्यस्तो पद्धतिको मापदण्ड स्पष्ट गरी स्टार्टअप नीति र सम्बन्धित कार्यविधि परिमार्जन गर्नुपर्ने बताउनुभयो । विभागले नेपाल राष्ट्र बैंकसँगको समन्वयमा आगामी मौद्रिक नीतिमार्फत वाणिज्य बैंक तथा अन्य वित्तीय संस्थाबाट प्रवाह हुने कर्जाको निश्चित प्रतिशत स्टार्टअप र लघु, घरेलु तथा साना उद्योग लक्षित हुनुपर्ने व्यवस्था गर्न माग गरेको छ ।
विद्यालयदेखि विश्वविद्यालयस्तरसम्म स्टार्टअप र उद्यमशीलतासम्बन्धी पाठ्यक्रम तर्जुमा, आइटी क्षेत्रमा दक्ष जनशक्ति तयार गर्न र गैरआवासीय नेपालीलाई प्रोत्साहित गर्नका लागि नेपालका स्टार्टअप र लघु, घरेलु तथा साना उद्योगबाट उत्पादन हुने वस्तु तथा सेवाको निकासीलाई सहज बनाउनसमेत विभागले सरकारसँग माग गरेको छ ।
स्टार्टअप र लघु, घरेलु तथा साना उद्योगको विकासलाई गति दिन त्यस्ता उद्योग दर्ता र सञ्चालनमा समन्वयका लागि समर्पित विशेष निकायको स्थापना गर्नुपर्ने, ‘राष्ट्रिय स्टार्टअप उद्यम नीति, २०८०’ ले परिकल्पना गरेको ‘स्टार्टअप बोर्ड’ लाई स्टार्टअप क्षेत्रमैत्री बनाउन युवा स्टार्टअप उद्यमीको उल्लेख्य प्रतिनिधित्व हुनेगरी नीतिगत पुनःसंरचनासहित अविलम्ब गठन गर्नुपर्ने विभागको माग छ ।
![‘कृष्णसार संरक्षणमा लुम्बिनी प्रदेश सरकार गम्भीर बन्नुपर्छ’](https://snowberry.prixacdn.net/media/gallery_folder/Krishnasar_lqDAeivfvL_bxjoe8v0rfwmlbg93m4ellgk7dz04if5xpjrglir2oblta1tbo4txr76skl0_Qu0G2QMBDK_gvlzmxfkudwpdj7ylgrrjwhtisgdvf4bxns4ynl9mezxjexzbmqbfjylllhq.jpg)
‘कृष्णसार संरक्षणमा लुम्बिनी प्रदेश सरकार गम्भीर बन्नुपर्छ’
![पर्सामा भतिजले सुपारी दिएर काकासहित दुई जनाको हत्या गरेको आरोपमा तीन जना पक्राउ](https://snowberry.prixacdn.net/media/Untitled-3_kmbkxmwitlrzt6j236lbcxz0qwdntxwtmwr1cyd42gkwqyhktmici6uhlr9z.jpg)
पर्सामा भतिजले सुपारी दिएर काकासहित दुई जनाको हत्या गरेको आरोपमा तीन जना प…
![सहकर्मी महिला वकिल बलात्कार मुद्दामा धरौटी माग](https://snowberry.prixacdn.net/media/gallery_folder/viber_image_2024-07-03_19-44-34-433_CSQQIKbvmr_9y4vuscmqgrcci22gdrrr1wl9fatn6zwoyasi2ia9mtufbp5qilzffmr9uzy_O8K8Myq4tE_s7bgdxarawjjeqgngru0i1hlztgjg7nir6wddmdbxtwoqfpbs88cr4r9ebpl.jpg)
सहकर्मी महिला वकिल बलात्कार मुद्दामा धरौटी माग
![नेपालमै पहिलोपटक काखीमुनि सानो प्वाल पारेर मुटुको कृत्रिम भल्ब परिवर्तन](https://snowberry.prixacdn.net/media/gallery_folder/monmohan_8wJGw80UQ4_XO44f15SmM_1j4pqvgiktzafwmzwlekmt0ditjuprmextnqo2hggwfdgyctzbjfcbnq5flg_ap94kKfRPh_m34nwidieumrtgxqxzsjhxovq4hmhhhk1ofd6b1s4phkmug7ouahk5phswqf.webp)
नेपालमै पहिलोपटक काखीमुनि सानो प्वाल पारेर मुटुको कृत्रिम भल्ब परिवर्तन
![कानुन मन्त्रीले न्याय परिषद् बैठकको निर्णयमा हस्ताक्षर गर्न नमान्दा ३५ जना जिल्ला न्यायाधीशको नियुक्ति रोकियाे](https://snowberry.prixacdn.net/media/gallery_folder/padam-ji_knQgDQQB0f_238iuhyu4ydsrq2idqavjaoobigo9w8jldbu0xpi2whr9tzhzv1ozukc9mup_BnrgHv9fJ3_q9k9mjkokc65hvca05wrkrausvwwhpiyaxkdagwtlxtxbzg7qbqhctzqi5zs.jpg)
कानुन मन्त्रीले न्याय परिषद् बैठकको निर्णयमा हस्ताक्षर गर्न नमान्दा ३५ जना जिल्ला …
![कालीकोटमा १३ वर्षीया दृष्टिविहीन किशोरी बलात्कृत](https://snowberry.prixacdn.net/media/gallery_folder/Child-Rape_chnXMDc51v_jtzobtwxsujuisxdgzvrzfl52zrhxugecmi6if83lhlmbooa9wj8b6ntn0gu_eklbzaUOP4_taxziswetejrbetiptyprnqv53u1xlzpkxc6ouaawhip78bbc5jrnwuoj2ra.jpg)
कालीकोटमा १३ वर्षीया दृष्टिविहीन किशोरी बलात्कृत
![राष्ट्रिय सहकारी विकास बैंकका अध्यक्ष उप्रेती पक्राउ](https://snowberry.prixacdn.net/media/gallery_folder/kb-upreti_aAG98tcSQ1_o8fd8mhoamxm5hx8uvcwojjgwpqrwedom2if4fftfrhtpve0wulmt3vbgpam_5AHk1kOvCl_zi7inof5fnlfbrncfcgpniparuu5giaa0gzfszfm8puxpp1klxcl0drxzbao.jpg)
राष्ट्रिय सहकारी विकास बैंकका अध्यक्ष उप्रेती पक्राउ
![सशस्त्र प्रहरीका असई विक हत्या प्रकरणमा पूर्वप्रदेश सांसद यादवलाई पुर्पक्षको लागि थुनामा पठाउने आदेश](https://snowberry.prixacdn.net/media/gallery_folder/download_qDrKzKJpf5_802lmrwhxxjin5xlvkzux7zfyf7clehzz4xhjldwxulepejj2c5d1hawjyu8_KcHV4z23GN_w4yyngydjk40yraawuxk0u2hqavgidzfrskzjptvayjxowcstfs8phxl0vnw.jpeg)
प्रतिक्रिया