इजरायलद्वारा गाजाका अस्पताल प्रमुखसहित ५० भन्दा बढी प्यालेष्टिनी बन्दी रिहा
![](https://snowberry.prixacdn.net/media/gallery_folder/36ce46adfed1454023e4aa16b4ab98c146a185f1_Xn0Y2wRZXY_yqxwk87dpxorei4qsrbskvmawsdswfzdi7jezvhgm6zxcdqtmsmvqncgxtvp_0u50bzUcmA_4i7iyypidtya4kg34p2xlgmmhcgz7fkcm6lin32h9zf0bz2agy2irqz685sw.jpg)
इजरायलले गाजाको सबैभन्दा ठूलो अस्पतालको प्रमुखसहित ५० भन्दा बढी बन्दीलाई रिहा गरेको छ ।
सात महिनाभन्दा लामो समयदेखि हिरासतमा रहेका अस्पतालका निर्देशक मोहम्मद अब् साल्मियासहित दर्जनौं प्यालेस्टिनी कैदीहरू सोमबार उपचारका लागि इजरायली सेनाले घेराबन्दी गरिएको गाजा क्षेत्रमा फर्केका हुन् ।उहाँको रिहाइको पुष्टि इजरायलका राष्ट्रिय सुरक्षा मन्त्री इटामार बेन गवीर र गाजाको एक चिकित्सा स्रोतले सामाजिक सञ्जालमा गरेका छन् । सात महिनाभन्दा बढी हिरासतबाट मुक्त भएपछि उहाँले सोमबार आफूलाई इजरायलले ‘यातना’ दिएको बताउनुभयो ।
एक इजरायली मन्त्री र घेराबन्दी गरिएको क्षेत्रका चिकित्सा स्रोतका अनुसार अल–शिफाका अस्पताल निर्देशक साल्मिया ५० भन्दा बढी प्यालेस्टिनीमध्ये रिहा भई उपचारका लागि गाजा फर्किएका हुन् । निर्देशक साल्मियाले आफ्नो नजरबन्दको क्रममा ‘गम्भीर यातना’ दिइएको बताउँदै यातनाले गर्दा आफ्नो औँला भाँचिएको जानकारी गराउनुभयो ।
कैदीहरूलाई धेरै यातना दिइने बताउदै ‘धेरै कैदीले खाना र औषधिबाट वञ्चित रहनुपरेको र उनीहरूको मृत्युसमेत हुने गरेको’ उहाँले पत्रकार सम्मेलनमा उल्लेख गर्नुभयो । दुई महिनासम्म कुनै पनि कैदीलाई दिनको एक रोटीभन्दा बढी खान नदिएको बताउदै साल्मियाले कैदीलाई शारीरिक र मनोवैज्ञानिक अपमान गरिएको उल्लेख गर्नुभयो । इजरायली सेनाले अल–शिफामा छापा मारी साल्मियालगायत सयौँलाई नोभेम्बरमा हिरासतमा लिइएको थियो ।
अक्टोबर ७ मा दक्षिणी इजरायलमा हमासको आक्रमणपछि इजरायलले गाजामा जवाफी आक्रमण गर्दा उहाँले काम गरेको अस्पताल लगातार छापा मारेर भग्नावशेषमा परिणत भएको छ ।साल्मिया र अन्य मुक्त कैदीहरू खान युनिसको पूर्वमा इजरायलबाट गाजा फर्किएको देइर अल–बलाहको अल अक्सा अस्पतालको चिकित्सा स्रोतले बताएको छ ।
पाँच जनालाई अल–अक्सा अस्पतालमा भर्ना गरिएको छ भने अन्यलाई खान युनूसको अस्पतालमा पठाइएको स्रोतले जनाएको छ ।इजरायलले हमासलाई गाजा पट्टीका अस्पतालहरूलाई सैन्य अपरेसन र पूर्वाधारका लागि आवरणको रूपमा प्रयोग गरेको आरोप लगाएको छ भने यस क्षेत्रलाई चलाउँदै आएको हमास समूह र अस्पताल प्रशासनले आरोपको खण्डन गर्दै आएका छन् ।
मे महिनामा प्यालेस्टिनी अधिकार समूहले अल–सिफा शल्यचिकित्सकलाई हिरासतमा लिएपछि इजरायली जेलमा मृत्यु भएको बताएका थिए । इजरायली सेनाले मृत्युको बारेमा थाहा नभएको बताएको छ ।युद्ध हमासको अक्टोबर ७ को आक्रमणबाट सुरु भएको थियो जसमा करिब एक हजार २०० व्यक्तिको मृत्यु भएको थियो ।
हमासको नियन्त्रण क्षेत्र गाजास्थित स्वास्थ्य मन्त्रालयको तथ्याङ्क अनुसार इजरायलको जवाफी कारबाहीमा हालसम्म अधिकांश नागरिकसहित कम्तीमा ३७ हजार ८७७ जनाको मृत्यु भएको छ ।
![ओस्कार विजेता लेखक रोबर्ट टाउनको ८९ वर्षको उमेरमा निधन](https://snowberry.prixacdn.net/media/gallery_folder/Screenshot%25202024-07-03%2520150249_7UXUm0zzIo_sbllteh564yt3z72ijky4mknubllmcfewd1eebhfs3h4ymb7phxyx2fbrsfq_hVKTxQDq1a_qazcsu1n4vfhmb9v0paucxalokb69lfcrjycjlwoaikqm4xqy28v84s72gon.png)
ओस्कार विजेता लेखक रोबर्ट टाउनको ८९ वर्षको उमेरमा निधन
![भारतका प्रधानमन्त्री मोदी रुस भ्रमणमा जाने](https://snowberry.prixacdn.net/media/gallery_folder/modi-1717945900_CEXFjdyJ6l_nj5icpnb6r9ycomlwx8jztflxrptbhfawucnqrspmzfd6faczzgir3o0davi_hSss1ofhRA_foqe1qfx0u2xkqs18sgbvkbo3rd8imm6goiwcf3n9wfahtfxlxnn85tusde6.jpg)
भारतका प्रधानमन्त्री मोदी रुस भ्रमणमा जाने
![युट्युबर मिस्टरबिस्टको गिभअवेमा नेपाली नर्सले सिड्नीमा जितिन ६० हजार अष्ट्रेलियन डलरको कार](https://snowberry.prixacdn.net/media/gallery_folder/Screenshot%25202024-07-03%2520080747_3HfmqR6mjS_xrmz23ddkweact3vbldmb6s3a4pddvpvjduqygcasgyee3iwqbdhswgyml9v_vMr8RFvUG5_y1tat5gtr57nj2rqel5uq0y5abzu1ys6voldjaxzwqzvtspqdskuhhy0q0dr.png)
युट्युबर मिस्टरबिस्टको गिभअवेमा नेपाली नर्सले सिड्नीमा जितिन ६० हजार अष्ट्रेलिय…
![बेलायतमा हिन्दू मतदाता फर्काउन मन्दिर दर्शनमा नेताहरु](https://snowberry.prixacdn.net/media/gallery_folder/sunak-starmer_aKfI8T1g4b_sgo9tuzed9sbcqnyxum7bjujsy0lwvdo9hyhswryyk698cengqhabnodjm3l_zf5oncmHPc_og9abitg2niybwqlvnpizyfdo1bcmuxy9yexsqrjmzguq4iggabgfwbhcrlz.jpg)
बेलायतमा हिन्दू मतदाता फर्काउन मन्दिर दर्शनमा नेताहरु
![हातरस सत्संग दुर्घटनामा पीएम मोदीले लोकसभामा बयान दिए, सक्दो सहयोग गर्ने आश्वासन](https://snowberry.prixacdn.net/media/gallery_folder/viber_image_2024-07-02_22-08-06-633_fq3ESeuh5B_m7styezzkvvqudykejw7xeu4mcxe1lajuugwfdkzhqb1cy6qtbvse9elhoqn_LUp3ps6JWJ_kmt0lna8jb6bcdhq0sgqtwn99eaaqv805p8pb1y0lsr9ndhilqgxzmyzx5zl.jpg)
हातरस सत्संग दुर्घटनामा पीएम मोदीले लोकसभामा बयान दिए, सक्दो सहयोग गर्ने आश्व…
![भारतको हाथरसमा सत्संगको क्रममा भागदौड मृत्यु हुनेकाे सङ्ख्या १२० पुग्याे](https://snowberry.prixacdn.net/media/gallery_folder/up-stampede-small-1719921792_iOw0IvlpMI_hai0jpq4qrn2lhuyrfkui1qg6tklhk3szzlb2bma1x0sdlkthbjlqrt7mdfo_ntc0Xt0vCF_bs3st7kxvpyfcteuubygkem2kgy10odvx97rwn2etexja3gascetqk7xzrju.jpg)
भारतको हाथरसमा सत्संगको क्रममा भागदौड मृत्यु हुनेकाे सङ्ख्या १२० पुग्याे
![भारतमा सत्संग श्रद्धालुहरुको भागदौड मच्चिँदा ५० जनाको मृत्यु](https://snowberry.prixacdn.net/media/gallery_folder/india-stampede-superJumbo_FtgzYXRzOQ_ftclw93xlo8qgvtmjrfvpu5xkgufqn9eb7avk0ctobyinggdnzwjf75xjeot_Zrd5rTFIf6_wg3xnimepcxlsekt6lotzt1hpoyplhm5dkp8fhkgvzzoszbxhrc0y5yaug1j.jpg)
भारतमा सत्संग श्रद्धालुहरुको भागदौड मच्चिँदा ५० जनाको मृत्यु
![एकै परिवारका पाँचजना घरभित्र झुण्डिएको अवस्थामा फेला](https://snowberry.prixacdn.net/media/gallery_folder/6682b9f86cd2d-mp-suicides-011518879-16x9_tuujbsDPrm_dmyedlknhndx6t3ww8796ayy1psbxqevisopmeegcty9lqleqqfpkgzuvu2m_7vwdlPPajb_rqzcxk9mbuyhkmapbpo6cm3zsnapgipgxnxa3qgucghze2ptjaqml3rkcu4v.jpg)
प्रतिक्रिया